Nog adres

Тыбылты Леонид: Хуссар Ирыстон æмæ Приднестровьейы адæмтæ дарддæр дæр кæрæдзийæн уыдзысты ныфс

Республикæ Хуссар Ирыстоны Президент Тыбылты Леонид Приднестроваг Молдаваг Республикæйы Президент Евгени Шевчукмæ арвыста хъыджы ныхæстимæ тел, Бендеры трагедийыл 20 азы сæххæсты сæраппонд.
«Дыууын азы размæ Приднестровьейы сабыруарзаг адæм февзæрыдысты, цы хæст сын ныббастой, уый цæхæры, кæцы сын æрхаста бирæнымæц адæймæгты мæлæт æмæ пырхæнтæ, провокацитæ, экономикон æмæ информацион блокадæтæ. Горæт Бендеры сабыр цæрджыты, йæ хъæбатыр хъахъхъæнджыты мæлæты тыххæй стыр хъыг абон нæ зæрдæты зæлы æнæивгæ рыстæй.
Срастгæнæн кæмæн нæй, Молдавийы уыцы гарзджын агрессийы, кæцы уыд 1992 азы июны, фæстиуджытæ, æнхъæлмæкæсæн куыд нæ уыд, афтæ æркодта приднестроваг адæмы иумиагнацион иудзинадмæ, равдыстой сæ æнæфæтасгæ фæндондзинад, фидардзинад, хъæбатырдзинад æмæ быхсындзинад, Райгуырæн бæстæйыл æгæрон æнувыддзинад æмæ уарзондзинад.
Ныры дуджы вазыгджындзинæдтæм нæ кæсгæйæ, абон Приднестроваг Молдаваг Республикæ ныфсджынæй аразы тыхджын, хæдбар, дидинæфтауæг паддзахад, фидар æмæ планбæрцонæй цæуы социалон-экономикон æмæ культурон фæдфæдылон рæзты, æрыгон республикæйы дунеон бастдзинæдтæ фидар кæныны фæндагыл.
Цахæмфæнды хæст дæр у трагеди, кæцы æнцонæй сфæразæн нæ вæййы, фæлæ йæ фенцондæргæнæн вæййы, куы æнкъарай хæлæртты хайадист æмæ сæ ныфсджын уæхск. Ныфс мæ ис, Хуссар Ирыстон æмæ Приднестровьейы адæмтæ, æфсымæрдзинады тæгтæй баст уæвгæйæ, дарддæр дæр кæрæдзийæн ныфс кæй уыдзысты æмæ кæрæдзийæн кæй æххуыс кæндзысты. Приднестроваг адæмæн ацы зæрдылдарæн бон Хуссар Ирыстон æрвиты зæрдæбын æмæнкъарæн-тæ æмæ йе стыр хъыг», - дзырдæуы телы.