Nog adres

Национ бангæн - ног сæрдар

sasseev.jpg Æрæджы Хуссар Ирыстоны Президент Тыбылты Леонид республикæйы Нацбанчы кусджыты базонгæ кодта ног сæрдар - Зассеты Феликсимæ.
Тыбылты Леонид куыд загъта, афтæмæй Нацбанчы ног сæрдары бынатмæ кандидаты фарс рахæцыдысты республикæйы Парламенты депутаттæ.
«Зассеты Феликсы мах зонæм раст æмæ æгъдауджын адæймагæй, нæ Райгуырæн бæстæйы патриотæй, - загъта Президент. - Зассейы фырты потенциал амæй фæстæмæ дæр фæпайда уыдзæн республикæйы бангон хъуыддаджы рæзтæн, кæцыйæн уый йæ цард снывонд кодта».

Паддзахады сæргълæууæг ма банысан кодта Нацбанчы кусджыты эффективон куыст дæр.
Республикæйы Нацбанчы кусджыты раз раныхас кодта Парламенты вице-спикер Цхуырбаты Мирæ.
«Мах хорз æмбарæм, нæ паддзахады финансон-экономикон царды бангæн цы бынат ис, нæ республикæйы райрæзтæн ын цы нысаниуæг ис, уый, - загъта Цхуырбаты Мирæ. - Мах стыр ныфс ис, уæ фæлтæрд коллектив, кæцы лыстæггай сахуыр кодта финансон хъуыддаджы æппæт æууæлтæ дæр, æмæ уæ ног сæргълæууæг, кæцымæ финансон архайды ис стыр фæлтæрддзинад, мах иууылдæр, нæ ног президентимæ нæ бæстæйы сисдзыстæм ног æмвæзадмæ».
Йæ рады Зассеты Феликс дæр бузныг загъта паддзахады сæргълæууæгæн, йе ууæнк ыл кæй бафтыдта, уый тыххæй.