Nog adres

Хъæууон цард/ Кæрдынц хос

Хæдзардзин зæхкусæг кæддæриддæр æнæвдæлон вæййы. Уый афæдзы алы афон дæр йæ куыстытыл фæтагъд кæны. Афтæ у ныр дæр, хосгæрдæн куы æрбалæууыд, уыцы рæстæджы. Ныртæккæ уал æрбалæууыд таугæ кæрдæджы хуымтæ кæрдыны афон.
Ахсджиаг куыстмæ æрæвнæлдтой нæ республикæйы иуæй-иу хæдзарадтæ, стæй хицæн æмбæстæгтæ дæр. Раст у, ацы аз кæрдæг зæрдæйы фæндиаг не 'рзад, йæ рæзыны рæстæджы æгæр кæй фæуазæлттæ, уый аххосæй. Уымæ гæсгæ алы хæдзарад дæр хъуамæ рæстæгæй хæдзардзинæй спайда кæна æмæ бафснайыны фыдæй мацы фесафа.
Ацы бонты Цхинвалы районы Къостайыхъæуы хæдзарады дæр бавнæлдтой бирæазон таугæ кæрдæг люцернæйы хуымтæ кæрдынмæ. Ацы холлагон культурæ хæдзарадæн бацахста 20 гектары æмæ йæ кæрдгæ та кæны фæлтæрд механизатор Джиоты Вадик. Абоны онг уал дзы карст æрцыд 10 гектары. Кæрдæг куыд хус кæна, афтæ дзы холладжы тыхтæттæ бæтдзысты Агросервисы техникæйы фæрцы.
Фермерон хæдзарад «Тъбет» та байтыдта 20 гектары фæзуатыл сысджыйы культурæ æмæ йæ бафснайынмæ бавналдзæн фæстæдæр.
ХУЫБИАТЫ Н.