Nog adres

Хуссарирыстойнаг кадеттæ хайад райсдзысты фестивалы

kadeti.jpg
Республикæ Хуссар Ирыстоны Хъахъхъæнынады министрады кадетон корпусы хъомылгæнинæгтæ хуынд æрцыдысты сывæллæтты XIX-æм уæрæсейаг фестиваль «Казачок»-ы хайад райсынмæ, - фехъусын кодта ацы ахуыргæнæн уагдоны директор Тадтаты Артур.
Фестивалы организатортæ сты Кубаны хъазахъхъаг æфсад, æнæкоммерцион центр «Каникулы» æмæ горæт Анапайы администраци, цыран план цæуы мадзал ауадзын дæр. Растдæр организатортæ фæхуыдтой Кадетон корпусы хъомыл-гæнинæгты, цæмæй хайад райсой фестивалы.
Фестиваль ауадзыны сæйраг нысан у Уæрæсейы Федерацийы адæмты традициты бындурыл æмбæстагдзинад æмæ патриотизмы æнкъарæнтыл хъомыл кæнын.

Фестивалмæ ацæудзысты 15 кадеты. Семæ уыдзысты 2 ахуыргæнæджы. Балц сорганизаци кæнынæн баххуыс кодта РХИ-йы Хъахъхъæнынады министрад.