Nog adres

Сывæллæтты нывты равдыст Орёлы

orel.JPG Горæт Орёлы нывкæныны галерея «Арбат»-ы уагъд æрцыд сывæллæтты нывты равдыст «Уæрæсейы сывæллæттæ, Хуссар Ирыстоны сывæллæттæ. Сабырдзинад æмæ хæлардзинады хид».
Ацæугæ азы ноябры Россотрудничествойы минæварад уæрæсейаг æмбæстæгты координацион советимæ иумæ Цхинвалы ауагътой сывæллæтты конкурс «Уæрæсе Хуссар Ирыстоны сывæллæтты цæстæнгасæй». Россотрудничествойы минæвар Хуссар Ирыстоны Михаил Степанов куыд радзырдта, уымæ гæсгæ ацы конкурсы æрæмбырд бирæ цымыдисон нывты коллекци, кæцытæ равдыст æрцыдысты горæт Орёлы.
«5-10 майы Орёлы, нывкæнынады галереяйы уæрæсейаг историйы азы фæлгæтты уагъд æрцыд Хуссар Ирыстоны сывæллæтты нывты равдыст», - загъта Степанов.

Йæ ныхæстæм гæсгæ, равдыст организацигонд æрцыд Хуссар Ирыстоны Уæрæсейы минæварады æххуысæй, РХИ-йы Ахуырады министрад æмæ орёлаг «Уæрæсейаг сабырдзинады фонд»-ы хайадимæ иумæ.