Nog adres

С. Лавров: Гуырдзыстоны эгоистон плæнттæ тасы æппарынц Европæй æууæнкдзинад æмæ æдасдзинады

Абхаз æмæ Хуссар Ирыстонимæ бастдзинæдтæ аразынмæ чи цымыдис кæнынц æмæ Кавказы сæвзæргæ реалитæм раст цæстæнгасæй чи кæсынц, уыцы бæстæты æддæрдыгæй æдзæсгомæй æлхъивынц ахæм бæстæтæ, кæцытæ æргомæй æвдисынц се 'нувыддзинад сæри-бардзинад æмæ демократийы приницптыл дунеон хъуыддæгты. Уый тыххæй Мæскуыйы 17 апрелы фехъусын кодта Уæрæсейы Фæсарæйнаг хъуыддæгты ми-нистр Сергей Лавров, Абхазы Фæсарæйнаг хъуыддæгты министр Вячеслав Чирикбаимæ баныхæсты фæс-тиуджыты фæдыл иумиаг пресс-конференцийы рæстæджы, - хъусын кæны уæрæсейаг æддагполитикон ведомствойы официалон сайт.
Æлхъывдады ахæм бафæлвæрдтытæ Лавров рахуыдта, ахæм вазыгджын регионы, куыд Фæскавказы, уавæр стабилизаци кæныны хæстæн ныхмæ чи сты, ахæм. «Йæ рады мах фæнд кæнæм дарддæр дæр нæ абхазаг æмæ хуссарирыстойнаг хæлæрттæн æппæтфарсон политикон æмæ практикон æххуыс кæнын æддагон бастдзинæдтæ æрбæстон кæныны. Дарддæр æххуыс кæндзыстæм Абхазæн квалификациджын дипломатон кадртæ цæттæ кæныны уæрæсейаг ведомствæйон уæлдæр ахуыргæнæндæттæ - Мæскуыйы дунеон ахастыты паддзахадон институт æмæ Дипломатон академийы базæйыл», - банысан кодта Уæрæсейы Фæсарæйнаг хъуыддæгты министрады сæргълæууæг.
Уæрæсейы Фæсарæйнаг хъуыддæгты министрады хъусынгæнинагæн, цыран уæрæсейаг æмбæстæгтæн амынд цæуы, цæмæй Гуырдзыстонмæ ма цæуой, кæд Тбилис визæйон режим аивта, уæддæр - журналистты куырдиатмæ гæсгæ комментари кæнгæйæ, Лавров зæрдыл æрлæууын кодта «Оккупацигонд территориты тыххæй» Гуырдзыстоны архайæг закъоны тыххæй, кæцымæ гæсгæ алы уæрæсейаг дæр Абхаз кæнæ Хуссар Ирыстонмæ Гуырдзыстоны территорийыл куынæ бацæуа, уæд уголовон æфхæрд кæй баййафдзæн - йæ сæрибардзинад ын æрисынц цыппар азы æмгъуыдмæ, кæнæ та йæ фæкæнынц æхцайæ стыр ивар.
«Къорд уæрæсейаг æмбæстæгтæ ныридæгæн систы ацы æлгъаг закъондæттынадон акты амæттаг æмæ бæлвырд рæстæг арвыстой гуырдзиаг ахæстæтты æмæ мах бахъуыд уыдоны уырдыгæй ссæрибар кæнын. Растдæр уыцы аххосæгтæм гæсгæ арæзт æрцыдис Уæрæсейы Фæсарæйнаг хъуыддæгты хъусынгæнинаг. Гуырдзыстонмæ цæуын æдас нæу æмæ уый та иуæй-иу уæрæсейаг æмбæстæгтæ сæхиуыл бавзæрстой», - банысан кодта Лавров.
Гом арвы фæдыл Бадзырдæй Гуырдзыстоны рацыды фæстæ гæнæнуæвæн провокацитæн комментари аразгæйæ, Лавров фехъусын кодта, зæгъгæ, «Гуырдзыстоны разамынады ацы къахдзæф ноджыдæр бæлвырд кæны, йæ эгоистон плæнттæ сæххæст кæныны нысæнттæн алцыдæр саразын йæ бон кæй у, уыцы нымæцы, ахæм ахсджиаг фарстыты, куыд æппæт Европæйы континенты сабырад, æууæнкдзинад æмæ æдасдзинад ифтонг кæныны фарстыты.