Nog adres

АРФÆТÆ

Президент Тыбылты Леониды арфæ Кондад æмæ транспорты фадыджы кусджытæн

Кондад æмæ транспорты цытджын кусджытæ!
Зынаргъ æмбæлттæ!
Айсут мæ иууыл зæрдиагдæр арфæтæ уæ профессионалон бæрæгбон - Республикæ Хуссар Ирыстоны Кондад æмæ тарнспорты кусæджы боны цытæн.
Уæ профессионализм, патриотизм æмæ куыстыл æнувыддзинад сты стыр аргъы æмæ кады аккаг. Нæ республикæйы кондады æппæт кусджытæ æмæ ветерантæн ныллæг нæ сæрæй кувæм сæ удуæлдай æмæ намысджын куысты тыххæй.
Абон сымах, зынаргъ æмбæлттæ, кусын бахъæуы вазыгджын уавæрты. Фæнды мæ банысан кæнын, Хуссар Ирыстоны къухдариуæгад бирæ хъарутæ кæй хардз кæны нæ бæстæйы цардызмæлды ацы ахсджиаг фадыджы размæцыды сæраппонд. Мах дарддæр дæр араздзыстæм æппæтдæр, цæмæй нæ кондад æмæ транспортон хæдзарад ногæй суа фидар æмæ нæ республикæйы экономикæйы рæвдз чи рæзы, ахæм фадгуытæ.
Ацы бæрæгбоны сымахæн, уе ‘ввахс адæм æмæ хи-уæттæн мæ цæст уарзы фидар æнæниздзинад, амонд, циндзинад æмæ хæрзиуджытæ.

РХИ-ЙЫ Хицауады Сæрдары хæстæ рæстæгмæ æххæстгæнæг Тъехты Аланы арфæ кондад æмæ транспорты фадыджы кусджытæн
Кондад æмæ транспорты цытджын кусджытæ æмæ ветерантæ!
Хицауады æмæ мæхи номæй уын арфæ кæнын уæ профессионалон бæрæгбоны цытæн!
Цы фадыджы фæллой кæнут, уый цыфæнды паддзахады социалон-экономикон рæзты дæр ахсы стыр бынат. Хæстæг ивгъуыды афтæ дæр уыди. 90-æм азы гуырдзыйы агрессийы æмæ уый фæстæ экономикон къуылымпыты агъоммæ, Хуссар Ирыстоны кондадон уагдæттæ уыдысты хорз æфтиагхъом, фæлæ уый фæстæ æндзыгдзинады дуджы раууатмæ æрцыдысты.
Нæ хъизæмаргæнæг зæххыл цы сабырдзинадмæ бæллыдыстæм, уый куы æрлæууыди, уæд нæ къухдариуæгад рахастой фæндон, цæмæй ахсджиагдæр бынаты æвæрд æрцæуой кондад æмæ транспорты хъомыс сæндидзын кæныны фарстытæ, цæмæй ацы фадыджы кусджытæн сæ кад фæбæрзонддæр уа.
Ныртæккæ Республикæйы Кондады, транспорт æмæ энергетикæйы комитет кæны гуырахстджын куыст ацы фадыджы рæзты паддзахадон политикæ сæххæст кæныны сæраппонд, кæцыйы сконды ис куыд транспортон инф-раструктурæйы, афтæ ма ног кондадон уагдæттæ байгом кæныны хъуыддаг.
Ацы фадыджы кусджытæн се ‘ппæтæн дæр мæн фæнды бузныг зæгъын сæ удуæлдай куысты, сæ хъуыддагыл æмæ профессионалон хæстыл æнувыддзинады тыххæй.
Мæ зæрдæ уын зæгъы æнтыстытæ æмæ уæ разы лæууæг хæстæ сæххæст кæныны фæндиæгтæ! Уадз æмæ æнтыст кæддæриддæр уæд уе ‘мбæлццон! Фидар æнæниздзинад, амонд æмæ бинонты хæрзиуджытæй хайджын ут!

БИБЫЛТЫ АНАТОЛИЙЫ
АРФÆ ВАЛЕНТИНА
МАТВИЕНКОЙÆН
РХИ-йы Парламенты Сæрдар Бибылты Анатоли раар-фæ кодта Уæрæсейы Федерацийы Федералон Æмбырды Федерацийы Советы Сæрдар Валентина Матвиенкойæн Уæрæсейы Парламентаризмы боны цытæн
Арфæйы фыстæджы дзырдæуы:
«Цытджын Валентина Иваны чызг!
Стыр цытимæ Республикæ Хуссар Ирыстоны Парла-менты æмæ мæхи номæй арфæ кæнын дæуæн æмæ Федерацийы Советы æппæт уæнгтæн Уæрæсейы Парла-ментаризмы боны цытæн!
Ацы бæрæгбонæн йæ равзæрд баст у 1906 азы паддзахадон хицауады закъондæттынадон орган - Паддзахадон Думæйы куысты райдианимæ, кæцы æрæвæрдта Уæрæсейы парламентаризмы бындур. Парламенты закъондæттынадон архайды фæрцы арæзт æрцыд хъомысджын нормативон-барадон бындур, кæцы ахъаз у æмбæстæгты конституцион бартæ æмæ сæрибардзинад хъахъæныны фарстытæ скъуыддзаг кæнынæн, уæрæсейæгты царды гъæд фæбæрзонддæр кæнынæн, хица-уиуæгад сфидар кæнынæн æмæ демократон æхсæнад райрæзын кæнынæн.
Абон Уæрæсейы авторитет иумæйагæй дунейы мидæг æнæрлæугæйæ рæзы, æмæ уымæн та ахъаз у Федерацийы Советы архайд, куыд бæстæйæн мидæгæй, афтæ дунеон аренæйы дæр. Уымæн цæстуынгæ æвдисæн у Уæрæсейы минæвар К.И. Косачев Æхсæн-парламентон цæдисы сæрдарæй æвзæрст кæй æрцыд, уый дæр.
Мæ зæрдæ дын зæгъы, цытджын Валентина Иваны чызг, фидар æнæниздзинад, амонд, хæрзиуджытæ æмæ æнтыстытæ Уæрæсейы æмæ йæ адæмы хæрзиуæгæн».

БИБЫЛТЫ АНАТОЛИЙЫ АРФÆ УÆРÆСЕЙЫ ФЕДЕРАЦИЙЫ
ФЕДЕРАЛОН ÆМБЫРДЫ ПАДДЗАХАДОН ДУМÆЙЫ СÆРДАР
СЕРГЕЙ НАРЫШКИНÆН
Цытджын Сергей Евгенийы фырт!
Стыр цытимæ Республикæ Хуссар Ирыстоны Парламент æмæ мæхи номæй зæрдиаг арфæтæ æрвитын дæуæн æмæ Паддзахадон Думæйы æппæт депутаттæн Уæрæсейаг парламентаризмы боны цытæн!
1906 азы 27 апрелы, паддзахадон хицауады закъондæттынадон орган - Уæрæсейы Империйы Паддзахадон Думæ кусын куы райдыдта, уæд æвæрд æрцыдысты уæрæсейаг парламентаризмы ахсджиагдæр бындуртæ æмæ традицитæ. Уæдæй фæстæмæ Парламент у политикон системæйы цæгтæй сæ иу. Бæстæйы социалон-экономикон царды æппæт фадгуыты æмæ Уæрæсейы парламентариты закъондæттынадон архайд хуыздæр кæныны хъуыддаг ахъаз у цæрджыты царды гъæд фæбæрзонддæр кæнынæн, демократон æхсæ-над аразынæн, дунеон аренæйы Уæрæсейы авторитет фæбæрзонддæр кæнынæн.
Зæрдиагæй зæгъын дæуæн æмæ адæмы æвзæрст лæгтæн фи-дар æнæниздзинады, æнтыстыты фæндиæгтæ уæ хæстæ скъуыддзаг кæнгæйæ æмæ куысты æф-тиæгтæ Уæрæсейы æппæт адæмы хæрзиуæгæн.

* * *
РХИ-йы Парламенты Сæрдар ма Уæрæсейы Парламентаризмы боны цытæн раарфæ кодта Мæс-куыйы горæтон Думæйы сæрдар А.В. Шапошниковæн, РЦИ-Алани-йы Парламенты Сæрдар А.В. Мачневæн, Цæцæны Республикæйы Парламенты Сæрдар М.Х. Даудов æмæ Кæсæг-Балхъары Республикæйы Парламенты Сæрдар Т.Б. Егоровæн, Хъæрæсе-Черкесты Республикæйы Адæмон Æмбырды Сæрдар А.И. Ивановæн, Мæ-хъæлы Республикæйы Адæмон Æмбырды Сæрдар М.М. Дикажевæн, Республикæ Дагъыстаны Адæмон Æмбырды Сæрдар Х.И. Шихсаидовæн, Адыгейы Республикæйы Паддзахадон Советы Сæрдар В.И. Нарожныйæн, Республикæ Хъырымы Паддзахадон Советы Сæрдар В.А. Константиновæн.