Nog adres

Куадзæны 15-æм фестиваль уыдзæн майы

2e60c4d0d78d103f4ee006bc7aa218521.jpg15 Мæскуыйаг Куадзæны фестиваль уагъд цæудзæн стыр уырыссаг композитор Сергей Прокофьевы райгуырдыл 125 азы сæххæсты цытæн.
Фестиваль цæудзæн Первопрестольныйы майы фыццаг æмбисы 1-17 маймæ. Уый уагъд цæуы Мæскуыйы хицауады, УФ-йы культурæйы æмæ хъахъхъæнынады министрадты æххуысæй.
Фестивалы пресс-службæйы куыд фехъусын кодтой, афтæмæй мадзæлтты хайад райсдзысты Мариинаг симфонион оркестр Гергиты Валерийы разамындæй, афтæ ма ныры дуджы стыр музыканттæ, Чайковскийы номыл конкурсы фæуæлахизуæвджытæ, æгас дунейæ хуыздæр инструменталон æмæ хорон коллективтæ.
Фестиваль цытджын æгъдауæй байгом уыдзæн 1 майы, Куадзæны бæрæгбоны, Мæскуыйы консерваторийы Стыр залы.
Мариинаг театры симфонион оркестры ралæудтытæ райдайдзысты 29 апрелы æмæ цæудзысты 19 боны дæргъы Уæрæсейы 21 горæты - Тулæ, Орел, Смоленск, Владимир, Мæскуы, Казань, Екатеринбург, Магнитогорск, Пермь, Воткинск, Ижевск, Нижний Новгород, Липецк, Воронеж, Ростов, Сочи, Краснодар, Дзæуджыхъæу, Астрахань æмæ Саранскы.

Концертты программæйы сты С. Прокофьевы уацмыстæ. Фестивалы хорон программæ байгом уыдзæн 2 майы Чырысти Ирвæзынгæнæджы аргъуаны залы, цыран айзæлдзысты кантанта «Александр Невский» æмæ кантанта æмхæццæ хорæн æмæ С. Прокофьевы симфонион оркестр «Славься наш могучий край».
Программæйы бæстæтæ-хайадисджыты хыгъды сты Уæрæсе, Болгари, Гуырдзыстон, Серби, Сомихстон, Греци, Швеци. Фестивалы ралæудзысты 18 хорон коллективы: Свешниковы номыл паддзахадон академион уырыссаг хор (Мæскуы), Юрловы номыл Уæрæсейы паддзахадон академион капеллæ (Мæскуы), Чырысти Ирвæзынгæнæджы аргъуаны патриархон хор, концертон хор «Веснянка» (Мæскуы), сопистты ансамбль «Русская рапсодия» (Мæскуы), фæкъуындæггонд фадæттимæ адæймæгтæн реабилитацион центр «Преодоление»-йы камерон хор (Мæскуы), Мариинаг театры хор (Санкт-Петербург), нæлгоймæгты хор «Оптина пустынь» (Санкт-Петербург), лæппуты Владимиры хорон капеллæ, камерон хор «Русский партес» (Тверь), нæлгоймæгты камерон хор «Символ веры» (Воронеж), фыццаг юелградаг зарджыты æхсæнады хор (Серби), нæлгоймæгты хор «Зеро эйт» (Швеци), хор «Драгостин фолк национал» (Болгари), Гегарды аргъуаны сылгоймæгты хор (Сомихстон), сывæллæтты хор «Розарте» (Греци), ансамбль «Мцхета» (Гуырдзыстон) æмæ византиаг хор «Вессалоникис имноди» (Греци).
Программæйы сты дзæн-гæрджыты зæлтæ дæр, кæцыты хайад райсдзысты 26 аргъуаны Мæскуы, Санкт-Петербург, Раненски, Сергиев Посад, Стрæ, Звенигород æмæ Ржевæй. Дзæнгæрджыты музыкæйы концерттæ уагъд цæудзысты историон æмæ нырыккон дзæнгæрджытæй Мæскуы æмæ Подмосковьейы, уыцы нымæцы - Сырх фæзуаты, Таганкæйы, Даниилы аргъуаны, Сокольникты, музей-тобæгонд бынат «Коломенское»-йы, афтæ ма Звенигороды Саввино-Сторожевскы аргъуаны æмæ Истрæйы Новоиерусалимаг аргъуаны.
Ацы аз рауæрæхдæр программæйы хайадисджыты номхыгъд: дзæнгæрджытыл 40 цæгъдæджы æрцæудзысты Петербург, Вологдæ, Великий Новгород, Ярославл, Рыбинск, Екатеринбург, Омск, Тюмен, Петрозаводск, Няндом, Самарæ, Ржев, афтæ ма Минск Калинкович, Ригæ, Павлоград, Алчевск æмæ Бад Лаасфæй (Германи).