Nog adres

Арфæтæ

Республикæ Хуссар Ирыстоны Президент Тыбылты Леонид раарфæ кодта Цæгат Кавказы Хъуыддæгты фæдыл Уæрæсейы Федерацийы министр Лев Владимиры фырт Кузнецовæн.
Арфæйы фыстæджы дзырдæуы:
«Цытджын Лев Владимиры фырт,
Айс мæ иууыл зæрдиагдæр арфæтæ дæ райгуырæн боны цытæн.
Хуссар Ирыстоны стыр аргъ кæнынц дæуæн нæ паддзахады социалон экономикон рæзты фарстытæм де 'гæрон цымыдис æмæ стыр хисæрмагонд хайбавæрды тыххæй.
Фидарæй мæ уырны, дæ хайадисты фæрцы Республикæ Хуссар Ирыстон æмæ Уæрæсейы Федерацийы æхсæн æмцæдисон ахастытæ дарддæр дæр кæй рæздзысты æмæ фидар кæндзысты нæ бæстæты адæмты хæрзиуæгæн.
Дæ райгуырæн боны дын мæ цæст уарзы фидар æнæниздзинад, æвидигæ хъару æмæ æнтыстытæ Фыдыбæстæйæн лæггад кæныны бæрзонд хъуыддаджы.
Республикæ Хуссар Ирыстоны
Пезидент ТЫБЫЛТЫ Леонид

***
Республикæ Хуссар Ирыстоны Парламенты Сæрдар Бибылты Анатоли раарфæ кодта Цæгат Кавказы Хъуыддæгты фæдыл Уæрæсейы Федерацийы министр Лев Кузнецовæн.
Арфæйы фыстæджы дзырдæуы:
«Цытджын Лев Владимиры фырт!
Республикæ Хуссар Ирыстоны Парламент æмæ мæхи номæй дын зæрдиаг арфæтæ кæнын дæ Райгуырæн боны цытæн. Дæ къухдариуæджы фæрцы Цæгат Кавказы хъуыддæгты фæдыл Уæрæсейы Федерацийы министрад æнтысгæйæ скъуыддзаг кæны йæ разы лæууæг хæстæ Цæгат Кавказы социалон-экономикон рæзты фадыджы, регионы æвæрццаг инвестицион климат саразыны сæраппонд.
Æппæт зæрдæйæ дын зæгъын, цытджын Лев Владимиры фырт, фидар æнæниздзинад æмæ хæрзиуджыты фæндиæгтæ, цæмæй сæххæст уой де 'ппæт царды фæндтæ æмæ дын уа стыр æнтыстытæ дæ куысты»
Республикæ Хуссар Ирыстоны
Парламенты Сæрдар Бибылты Анатоли

***
Республикæ Хуссар Ирыстоны Парламенты Сæр-дар Бибылты Анатоли арфæйы фыстæг арвыста Уæ-рæсейы Федерацийы Паддзахадон Думæйы Уæрæсейы Либералон Демократон Партийы Разамонæг Владимир Жириновскимæ.
Арфæйы фыстæджы, сæрмагондæй, дзырдæуы:
«Цытджын Владимир Вольфы фырт!
Стыр цытимæ дын æрвитын мæ зæрдиаг арфæтæ дæ 70 азы юбилейы цытæн!
Дæ фæлтæрддзинад æмæ дæ хисæрмагонд куырдиатджын организаторы уды миниуджытæ ахъаз сты, бирæ азты дæргъы кæмæн лæггад кæныс, уыцы уæрæсейаг парламентаризмы рæзтæн. Де ппæт зонындзинæдтæ æмæ тыхтæ ды хардз кæныс паддзахад æмæ дæ адæмы интерестæ хъахъхъæныны сæраппонд. Паддзахадон хæстæ скъуыддзаг кæныныны хъуыддагмæ дæ цæстæнгасæн стыр аргъ кæнынц бæстæйы уæлдæр къухдариуæгад, адæмы хъуыды химæ раздахынмæ дæ арæхст æмæ æнтыстытæм тырнындзинад та дæуæн ссардтой кад æмæ æууæнк адæмы æхсæн. Фидарæй мæ уырны, дæ профессионализм æмæ стыр фæлтæрддзинад ма бирæ азты дæргъы ахсджиаг кæй уыдзысты.
Æппæт зæрдæйæ дын, цытджын Владимир Вольфы фырт, зæгъын фидар æнæниздзинад, фæрныгады фæндиæгтæ, цæмæй сæххæст уой де 'ппæт царднывæндтæ».
Республикæ Хуссар Ирыстоны
Парламенты Сæрдар Бибылты Анатоли

***
“Цытджын Æхсар Ендыры фырт!
Республикæ Хуссар Ирыстоны Парламенты æмæ мæхи номæй дын арфæ кæнын дæ Райгурæн боны цытæн!
Дæ фæлтæрддзинад, зонындзинæдтæ æмæ хъарутæ ды хардз кæныс республикæйы æмбæстæгты бартæ æмæ сæрибардзинæдтæ хъахъхъæныны сæраппонд. Коррупци æмæ æмвæнд фыдракæнддзинæдтимæ тох, конституцион арæзтад, бæстæйы сабырад æмæ фæтк ифтонг кæнын - адон сты, дæу æмæ дæ ведомствойы раз цы бирæнымæц хæстæ лæууы, уыдонæн сæ иу хай. Дæ архайд æгасæйдæр амад у бæрзонд профессионализмы, лæджыгъæды, стыр фæразондзинады æмæ удуæлдайдзинады домæнтыл.
Ацы бон дын æппæт зæрдæйæ, цытджын Æхсар Ендыры фырт, хæлар кæнын æнæниздзинады, амонды, хæрзиуджыты æмæ ног æнтысты фæндиæгтæ республикæйæн лæггад кæныны уæззау хъуыддаджы”.
Республикæ Хуссар Ирыстоны Парламенты
Сæрдар Бибылты Анатоли