Nog adres

«Зазхæссæн»-ы бæрæгбон - царды фидæны нысан

1461575549_img_7463.jpgЧырыстийы бæрæгбонтæ рагæй фæстæмæ Чырыстон диныл хæст адæмæн нысан кæнынц удварн, фарны тæгтæ бæттæг, бæллиццаг фидæн æмæ цард фидаргæнæг. Нæ фыдæлтæ æууæндыдысты Хуыцау æмæ зæдтыл, дзуæрттыл, дауджытыл. Бæрæгбонты руаджы-иу сæ уæззау цард зæрдæрухсдæр кодтой. Уымæ гæсгæ бæрæгбон гуырын кодта хорз цардмæ тырнындзинад. Алы адæймаг дæр архайдта, цæмæй Хуыцауы раз йæ уд уыдаид сыгъдæг, кæд-иу истæмæй йæ царды фæрæдыд, уæд-иу хатыр ракуырдта æмæ уымæй йæ тæригъæдтæ сыгъдæг кодта, кæрæдзимæ фыдæхы цæстæй чи каст, уыдон-иу уыцы бон бафидыдтой.
Бæрæгбонты руаджы тых кодтой царды зындзинæдтыл нæ фыдæлтæ, сæ зæрдæты-иу ныфс бацыд сомбоны цард кæй фæхуыздæр æмæ рогдæр уыдзæн.
Хуыцаубоны 24-æм апрелы Хуссар Ирыстоны Чырыстон адæм Мады Марæмы кувæндоны банысан кодтой «Зазхæссæн»-ы бæрæгбон.
Ацы ирд бæрæгбон у, адæмы 'хсæн мин азты дæргъы монон сыгъдæгдзинад чи тауы, ахæм бæрæгбон. Нæ адæм ацы бæрæгбон нысангæнгæ вæййынц уæлдай фæрндзинады æнкъарæнтимæ. Бæрæгбоны æрцыд нæ рагфыдæлтæ барстой æрдзы райхъалимæ. Аргъуан куыд амоны, афтæмæй ацы бон æмбæлы кæрæдзийæн арфæ кæнын. Чырыстон диныл хæст адæмы уырны, ацы бон дæ хæдзармæ зазы къалиу куы бахæссай, уæд уымæн уыдзæнис стыр тых. align="left" hspace="12"

1461575550_img_7507.jpgБæрæгбонон литургийы хайад райстой РХИ-йы Президент Тыбылты Леонид, Хицауады Сæрдары хæстæ рæстæгмæ æххæстгæнæг Тъехты Алан, Хицауады Сæрдары хæдивæг Пухаты Эрик, Пухаты Къоста, горæты администрацийы сæргълæууæг Æлборты Алан æмæ республикæйы чырыстон диныл хæст цæрджытæ.
Литургийы фæстæ Иерей Иаков аргъуанмæ æрбацæуджыты базон-гæ кодта ацы бæрæгбоны историимæ.
«Чырысти Иерусалиммæ куы фездæхт, уæд ыл адæм æмбæлдысты куыд тæригъæдтыл уæлахизгæнæг, афтæ. Æмæ йыл æмбæлгæ та кодтой зазбæласы цъæх къалиутимæ. Дунейы паддзахыл æй банымайгæйæ. Ирон адæм кæдфæндыдæр æууæндыдысты Хуыцауыл, æххæст ын кодтой йæ фæдзæхстытæ. Абон мах ацы бæрæгбон нысан кæнæм сабыр арвы бын, 25 азы хæстон уавæры нысан кодтам Хуыцауы бæрæгбонтæ, куывтам ацы кувæндоны, фæлæ нæ зыдтам, цы нæм æнхъæлмæ кæсы сом, хæст ма уы-дзæн æви нæ. Бирæ хатт знаг махмæ лæбурдта, раст-иу Хуыцауы бæрæгбонтæ куы нысан кодтам, уæд, фæлæ та-иу фæхæрд. Уымæн æмæ Хуыцаумæ ис рæстдзинæдтæ, уый нæ уадзы æфхæрын рæстаг адæймаджы», - дзырдта аргъуаны Иерей Хетæгкаты Иаков.
Литургийы фæстæ аргъуаны кусджытæ, Президент, Хицауады уæнгтæ æмæ Чырыстон диныл хæст адæм араст сты æмæ Дзуардзыд скодтой горæты Хуссар фарс цы Дзуар æвæрд ис, уырдæм. Ам Зазбæлæсты къалиутыл æрцыд аргъуыд.
Уый фæстæ Тыбылты Леонид раарфæ кодта адæмæн ацы стыр бæрæгбоны цытæн: «Уадз, алкæй хæдзары дæр уа фарн æмæ сабырдзинад. Мæнæн тынг æхсызгон у, абон кувæндоны ахæм бирæ адæм кæй федтон, уыцы цау, хайад кæй райстой Дзуардзыды. Уый фæрцы нæ зæрдæтæ кæнынц сыгъдæг æмæ уæлахиз кæндзыстæм царды зындзинæдтыл; нæ зæрдæты ныфс бацæудзæн, сомбоны цард кæй фæхуыздæр æмæ фæрогдæр уыдзæн. Хъæуы нæ иу зæрдæ, иу уынаффæ нæ алы куысты дæр. Уæд нæ разы цы ныхдуртæ фæзыны, уыдон æнцонæй абырсдзыстæм. Æмвæндæй æмæ æмдыхæй куы кусæм, уæд ныл никæцы знаг фæуæлахиз уыдзæн», - дзырдта Президент йæ адæмæн.
Уазæгты М.