Nog adres

Штабы рабадт/ ТЫБЫЛТЫ ЛЕОНИД: «2016 азæн Инвестпрограммæ хъуамæ æххæст æрцæуа æххæст гуырахстæй»

zasedanie.pngРХИ-йы Президент Тыбылты Леониды сæргълæудæй 16-æм апрелы уыдис 2016 азæн Хуссар Ирыстоны социалон-экономикон рæзтæн ахъазгæнæг Ивестицион программæ реализаци кæныныл контролы фæдыл оперативон штабы радон рабадт. Йæ куысты хайад райстой министрадтæ æмæ ведомствоты къухдариуæггæнджытæ, афтæ ма арæзтадон объектты архайæг подрядон организациты минæвæрттæ.
Тыбылты Леонид банысан кодта, зæгъгæ, 2016 азы мах хъæуы бакæнын куыстыты стыр гуырахст. «Хуссар Ирыстонæн 2016 аз у бæрнон æмæ ахсджиаг аз. Йæ ахсджиагдзинад, сæйраджыдæр, уый мидæг ис, æмæ мах кæй фæуд кæнæм, æндидзынгæнæн куыстытæ æмæ объектты арæзтады чи кусынц, уыцы организацитæ æппæт дæр хъуамæ саразой, цæмæй рæстæгыл сæххæст кæной, сæ разы цы хæстæ лæууынц, уыдоны», - загъта уый.
Рабадты рæстæджы Хицауады уæнг-тæ, комитетты сæрдæрттæ æмæ Ин-вестпрограммæйы объектты арæзтады архайæг организациты къухдариуæггæнджытæ радзырдтой, арæзтадон-æндидзынгæнæн куыстытæ куыд æмæ цы темптæй цæуынц, афтæ ма арæзтады процессы цы проблемæтæ фæзынынц, уыдоны тыххæй.
Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард радзырдта, республикæйы столицæйы æмæ районты æппæт арæзтцæуæг объектты дæр хицæнтæй куыстытæ куыд цæуынц, уыдæтты тыххæй. Сæ рады арæзтадон организациты къухдариуæггæнджытæ дæр лæмбынæг æрдзырдтой, сæ бæрнуæвæг объектты куыстытæ куыд цæуынц, уый тыххæй.

Сæрмагондæй дзырд цыдис арæзтцæуæг медицинон уагдæтты - гуырæн хæдзары ног бæстыхайы арæзтады æмæ йæ ифтонггæрзтæй ифтонг кæныны тыххæй, афтæ ма медицинон реабилитацион центримæ сывæллæтты республикон рынчындоны тыххæй дæр.
«Объекты арæзтадыл чи кусынц, уыцы арæзтадон организациты къухдариуæггæнæг куыд фехъусын кодта, афтæмæй æввахсдæр бонты контракттæ арæзт æрцæудзысты уæззау медицинон аппаратурæ самал кæныны тыххæй æмæ ласт æрцæудзæнис бынатмæ. Закъазгæнæджы 'рдыгæй финансон проблемæтæ нæй. Кусджытæ сты 100 адæй-магæй фылдæр. Уыдонæн сæ фылдæр сты бынæттон цæрджытæ», - загъта уый.
Арæзтады министр куыд банысан кодта, афтæмæй ныртæккæ ацы объекты кæнынц мидæггагон куыстытæ, астæрдты лæгъз кæнынц, фасад аразынц, уыцы куыстытимæ ма монтаж кæнынц хъæрмадон хæххытæ æмæ вентиляцион системæтæ. Йæ ныхæстæм гæсгæ хирургион корпусы фæуд кæнынц монтажгæнæн куыстытæ. Ам арæзтадон куыстытæ цæуынц графикæй раздæр.

Рабадты куыд банысанчындæуыд, афтæмæй Инвестпрограммæйы объектты арæзтады цы кусджытæ кусынц, уыдонæн сæ фылдæр хай сты бынæттон цæрджытæ. Уыимæ куыстæй ифтонг сты æрмæст Цхинвалы цæрджытæ нæ, фæлæ республикæйы æндæр цæрæн бынæтты цæрджытæ дæр.
Паддзахады сæргълæууæг банысан кодта, зæгъгæ, хорз хъуыддаг у республикæйы территорийыл æндæр æмæ æндæр объекттæ арæзт кæй цæуынц, уымæ гæсгæ бирæ цæрджытæ ифтонг æрцыдысты куыстæй.
Рабадты ма афтæ банысанчындæуыд, зæгъгæ, иуæй-иу арæзтадон организацитæ рæстæ-гыл нæ бавдисынц хыгъдон документаци арæзтадон министрадмæ æмæ уый та сæвзæрын кæны зындзинæдтæ арæзтадон-æндидзын-гæнæн финанскæнынады.
Тыбылты Леонид æрсидт, цæмæй стырдæр бæрндзинад æвдыст цæуа æппæт объектты документаци аразын æмæ бавдисыны фæдыл.
Рабадты уынаффæ цыдис ахæм фарстатыл дæр, куыд донифтонгады, зæххы бын ног хызæгты арæзтад æмæ эксплуатацимæ дæттыны, нæ горæты уынгты хæрзарæзтады, резервуарæй 8-æм июны уынгмæ магистралон донуадзæны арæзтады, кæцы фадат ратдзæн горæты район-ты донæй ифтонг кæныны уавæр зынгæ фæхуыздæр кæнынæн.
Паддзахадон унитарон куыстуат «Водоканал»-ы директор Зассеты Сергей радзырдта, донифтогады хызæгтæ, цы уынгты арæзт цæ-уынц, уыдон куыд æххæст кæнынц, уый тыххæй. «Цхинвалы æртæ уынджы уыцы куыстытæ ныридæгæн фесты. Цы бакæнинаг куыстытæ ма ис, уыдон та план кæнæм майы кæронмæ фæуын», - загъта уый.
Боны фæткы ма уыдысты ахæм фарстатæ, куыд дзулфыцæн комбинаты бæстыхайы арæз-тад, 2008 азы августы ныппырхгонд цæрæнуат сæндидзын кæныны программæйы фæлгæтты хисæрмагонд хæдзæртты арæзтад, Цхинвалы центры базары арæзтад, Ленингоры районы социалон объекттæ æмæ республикæйы æндæр объектты арæзтад.
Университетон комплексы ног бæстыхайы арæзтады фарстыл уынаффæ кæнгæйæ, ацы объекты архайæг арæзтадон организацийы минæвар куыд фехъусын кодта, афтæмæй уыцыиу рæстæджы куыстытæ æххæст цæуынц комплексы цыппар корпусы.
«Демонтаж цæуынц зæронд корпустæ, ахуыргæнæн корпусы фæуд кæнынц фундаментон куыстытæ, куыстытæ æххæст цæуынц спор-тивон залы æмæ иннæ корпусты арæзтады дæр. Объекты абоны бонмæ кусынц 65 адæймаджы», - загъта уый.
Арæзтады министр бирæпрофилон колледжы тыххæй дзургæйæ, банысан кодта, зæгъгæ, æрмадзты арæзтад æмæ сæ ифтонггæрзтæй ифтонг кæныны куыст цæуы графикæй раздæр.
Республикæйы иууыл ахсджиагдæр арæзтæдтæй сæ иу у паддзахадон драмон театры арæзтад. Зæгъойы фырт куыд фехъусын кодта, афтæмæй дзы ныртæккæ кусынц 120 адæймаджы. «Ам кусынц мидæггагон-инженерон ифтонгæдтæ, зынгхуыссынгæнæнтæ, донуадзæнтæ æвæрыныл. Афтæ ма доны æмæ электроифтонгады хæххытæ, вентиляцитæ æмæ æндæр ахæм куыстытæ», - загъта министр.
Тыбылты Леонид театры бæстыхайы арæзтады ахсджиагдзинадыл дзургæйæ, банысан кодта, зæгъгæ, Уæрæсейы Президент Владимир Путинимæ йæ фембæлды рæстæджы ацы объектыл дзырд цыд хицæнæй.
«Нæ барæнтæм гæсгæ уый у грандиозон объект, мах зонæм цас финансон фæрæзтæ йыл хардз цæуы, уый. Мах ныр æртыккаг аз кусæм йæ арæзтадыл æмæ уый мацыхуызы хъуамæ суа, бирæ азты дæргъы кæй фæаразынц, ахæм объект, - банысан кодта уый. Уæрæсейы Прези-дентимæ фембæлды рæстæджы æз банысан кодтон, ам график хæлд кæй цæуы æмæ дзы кæй ис финансон æмæ техникон характеры фар-стытæ».
Арæзтады министр Зæгъойты Эдуард æрæмбырдуæвджытæн фехъусын кодта, зæгъгæ, Хуссар Ирыстон æмæ Абхазимæ æмархайды фæдыл Уæрæсейы Президенты æххуысгæнæг Владислав Сурковы къухдариуæгадæй театры арæзтадмæ хауæг æмбырды рæстæджы, кæцы уагъд цыдис Мæскуыйы, нысан æрцыдысты ацы объекты эксплуатацимæ радтыны æмгъуыдтæ.
Æппæт арæзтадон-монтажгæнæн куыстытæ бакæнын план цæуы 30 сентябрмæ. Æппæт куыстытæ та хъуамæ фæуой æмæ объект эксп-луатацимæ лæвæрд хъуамæ æрцæуа 30 ноябр-мæ», - фехъусын кодта Зæгъойты Эдуард.
Йæ рады Президент банысан кодта, зæгъгæ, театры ног бæстыхай цытджын æгъдауæй гом кæнынмæ хуынд æрцæудзысты зындгонд артисттæ, политикон архайджытæ Уæрæсейæ.
«Уый уыдзæнис стыр цау æмæ махыл æвæрд ис стыр бæрндзинад æппæт куыстытæ дæр рæстæгыл сæххæст кæныны», - банысан кодта Тыбылты Леонид.
Рабадты уый æрсидт арæзтадон организаци-тæм, цæмæй арæзтадон объекттæ сæ брæтты ласой æрмæстдæр уымæн рахицæнгонд бынæттæм, афтæ чи нæ кæна, уыдоны ныхмæ ист цæудзæн иварон санкцитæ.
Рабадты кæронбæттæны Тыбылты Леонид ноджыдæр æрсидт, цæмæй алчидæр йæхимæ æнкъара стыр бæрндзинад æмæ банысан кодта, зæгъгæ, объектты эксплуатацимæ радтыны тыххæй арæзт æрцыдысты æппæт уавæртæ, уыцы нымæцы финанскæныны хъуыддаджы дæр. «2016 азæн Инвестпрограммæ хъуамæ æх-хæст æрцæуа æххæст гуырахстæй», - хæс æрæ-вæрдта Президент æмæ ма ноджы зæрдыл æр-лæууын кодта, сæйрагдæр кæй у куыстыты гъæд.

БЕСТАУТЫ Валя