Nog adres

Асфальтгæнæн завод сног кæндзæн йæ куыст

asfalt.jpg
Æввахс бонты йæ куыст ногæй райдайдзæн Дзауы районы асфальтгæнæн завод. Уый тыххæй ИА «Рес»-æн фехъусын кодта Капиталон, фæндæгты арæзтад æмæ архитектурæйы министры хæдивæг Александр Заруднев.
«Продукцийы радон парти рауадзыны размæ куыстуаты фæлварæны хуызы скусын кодтой ифтонггæрзтæ æмæ специалистты хъуыдымæ гæсгæ, рабæрæг, кондадон фæрæзты иуæй-иу сæйраг хæйтты æнæмæнгæйдæр кæй хъæуы раивын, уый», - загъта А.Заруднев.
Йæ ныхæстæм гæсгæ, æввахс рæстæджы фæсауæрц хæйтты æрласдзысты Хуссар Ирыстонмæ республикæйæн æдтейæ æмæ ног къуырийы райдианы куыстуат скусдзæн. Заводы продукцийæ пайда кæндзысты Хуссар Ирыстоны фæндæгты арæзтад æмæ цалцæггæнæн процессы.
Банысан кæнын хъæуы уый, æмæ куыстуат зымæгон рæстæджы кæй нæ куыста ифтонггæрзты техникон хицæндзинæдтæм гæсгæ, кæцытæй уазал рæстæджыты пайдагонд нæ цæуы.