Nog adres

Рашид Нургалиев: Уæрæсе адарддæр кæндзæн интеграцион процесстæ Хæдбар паддзахадты æмхæларады хайадисæг бæстæты тыгъдады æмхæларады фæлгæтты

Мæскуыйы æддагон политикæйы сæйраг фæдыздæхтытæй иу у Хæдбар Паддзахадты Æмхæларады бæстæтимæ, Абхаз æмæ Хуссар Ирыстонимæ æмгуыстад сфидар кæныны хъуыддаг, зæгъгæ, дзырдæуы УФ Æдасдзинады советы нымæрдары хæдивæг Рашид Нургалиевы комментариты Уæрæсейы Президент кæй сфидар кодта, национ æдасдзинады уыцы сноггонд Стратегийы.
Документы дзырдæуы, зæгъгæ Стратегийы ног редакцийы фæбæлвырддæр сты Уæрæсейы Федерацийы æмгуыстады хæстæ ОДКБ (Коллективон æдасдзинады бадзырды организаци) æмæ Евразийаг экономикон цæдисы йæ партнертимæ.
Документтæм гæсгæ, æддагон политикæйы ахсджиагдæр фæдыздæхтытæй иу у Хæдбар Паддзахадты Æмхæларады бæстæтимæ, Абхаз æмæ Хуссар Ирыстонимæ дывæрсыг æмæ бирæвæрсыг æмгуыстады ахастытæ рæзын кæнын.

Нургалиевы ныхæстæм гæсгæ, «Уæрæсе адарддæр кæндзæн интеграцион процесстæ Хæдбар Паддзахадты Æмхæларады хайадисæг бæстæты тыгъдады Æмхæларадæн йæхи фæлгæтты, коллекивон æдасдзинады Бадзырды, Евразиаг экономикон цæдисы, Уæрæсе æмæ Беларусийы Æмцæдис бæстæты Организациты фæлгæтты.
«Дзырд дæр ыл нæй, алыгъуызон регионалон æмæ æхсæндунеон æдасдзинады аспектты фæдыл ацы бæстæтимæ æмархайд уавæрыл æндавы сабырдзинады 'рдæм, куыд бæстæтæн сæхи мидæг, афтæ се 'марæн регионты дæр», - дзырдæуы Нургалиевы комментарийы.