Nog adres

Хъæууон цард | Сæ куысты фæстиуджытæ

Фæстиуджытæ арæзт æрцыд, Цхинвалы районы хæдзарадтæ хъæууонхæдзарадон культурæты тыллæг æфснайыныл фæззæджы куыд бакуыстой, уымæн. Фæззыгæнд мæнæуы культурæ байтыдтой 5 хæдзарады æмæ сын æдæппæт бацахста 52 гектары. Иууыл иумæ дзы æфснайд æрцыд 32 га, æмæ дзы банай кодтой 755 центнеры. Фылдæр тыллæг райста «Æндидзынад»-ы хæдзарад 260 ц, фермерон хæдзарад «Фат» та 5 гектары фæзуатæй банай кодта 220 ц. тыллæгæрзады фæстиуджытæм гæсгæ æртыккаг бынаты цæуы фермерон хæдзарад «Аз» — 175 ц. Хъæбæрхоры культурæ байтыдтой «Тъбет» æмæ «Æндидзынад»-ы хæдзарадтæ. «Тъбет» 30 гектарæй банай кодта 640 ц æмæ алы гектарæй та райста 21,3ц. «Æндидзынад» та 8 гектарæй банай кодта 90 ц. Картоф иууыл иумæ тыд æрцыд 3,5 га æмæ дзы тыллæг райстой 615 ц. Халсæртты куыст кодтой дыууæ хæдзарады æмæ 13,6 гектарæй тыллæг райстой 1968. Хъæдур байтыдтой 1,4 га æмæ йæ тыллæгæрзад рауад 4,5ц. Нартхоры культурæ байтыдта «Сæуæхсид»-ы фермерон хæдзарад 1 гектары фæзуатыл. Уымæй дарддæр ма сысджы районы хæдзарадтæ æдæппæт байтыдтой 12 гектары. Фылдæр цы хæдзарадтæ бакуыстой ацы культурæ, уыдон нымæцмæ хауынц фермерон хæдзарад «Алан» — 5 га æмæ «Аз» та — 4 га.
Иуæй-иу хæдзарадтæ батыхстысты æфсирон æмæ æндæр хъæууонхæдзарадон культурæтæ байтауыныл дæр. Зæгъæм, «Æндидзынад»-ы хæдзарад бахуым кодта 23 гектары æмæ дзы байтыдта 8 гектары фæззыгон мæнæу, 6 гектары фæззыгон хъæбæрхор, эспарцет 5 га æмæ сысджы дæр 5 га. «Тъбет»-æн зæхх афæлдахын бантыст 20 гектары. Иу ахæм бахуым кодта «Аз» дæр æмæ таугæ та бакодта 11 гектары фæззыгæнд мæнæу. 4 гектары эспарцент æмæ люцернæ та 3 гектары. «Фат»-ы хæдзарад бахуым кодта 8 гектары æмæ байтыдта фæйнæ 4 гектары фæззыгæнд мæнæу æмæ хъæбæрхор.
ХУЫБИАТЫ Н.