Nog adres

Инспекцион балц «Мæскуыйаг» микрорайонмæ

IMG_2153.JPGПрезидент Тыбылты Леонид уыд инспекцион балцы «Мæскуыйаг» микрорайоны. Йæ балцы рæстæджы ма бæстæйы сæргълæууæгимæ уыдысты Хицауады Сæрдары хæдивæг Пухаты Эрик, Арæзтады æмæ автомобилон фæндæгты эксплуатацийы фæдыл комитеты Сæрдар Гуыззыттаты Эдуард æмæ æндæр официалон адæймæгтæ.
Инспекцион азылдæн йæ нысан уыд автомобилон фæндаджы уавæр фенын, кæцы сæрмагондæй цæуы, ам цы 1-æм астæуккаг скъола æмæ сывæллæтты дыууæ цæхæрадоны ис, уыдонмæ.
Уавæр сбæлвырд кæныны фæстæ Президент бахæс кодта Гуыззыттаты Эдуардæн фæндаг сцалцæг кæныны фарстыл бакусыны тыххæй, цæмæй тагъд рæстæджы микрорайоны цæрджытæ æмæ ахуырдзаутæ æнæ- къуылымпыйæ æвæлмæцгæйæ цæуой сæ ахуыры æмæ цæрæн бынæттæм.
«Ацы микрорайон нымад у, бирæ цæрджытæ кæм ис, ахæмыл æмæ фæндаджы фарст аскъуыддзаг кæнын хъæуы, куыд гæнæн ис, аф-тæ тагъддæр, цæмæй сабитæ æвæлмæцгæйæ цæуой скъоламæ. Мах та, нæхи ра-ды, ссардзыстæм фæрæзтæ йæ саразынæн», — загъта уый.
Паддзахады сæргълæууæг ма бахæс кодта машинæ цæуæн хай фæуæрæхдæр кæныны фарстыл бакусын, уымæн æмæ ныртæккæ уый у тынг уынгæг, æмызмæлды рæстæджы шофыртæн сæв-зæрын кæны уæлдай зындзинæдтæ.
Йæ балцы рæстæджы ма Тыбылты Леонид бабæрæг кодта фыццаг астæуккаг скъолайы æмæ базонгæ ахуырадон процессимæ. Уый банысан кодта, зæгъгæ, скъолайы материалон-техникон ифтонгдзинад ис хорз æмвæ-задыл æмæ йæ хъæуы хъахъхъæнын.
Республикæ Хуссар Ирыстоны Президенты официалон сайт