Nog adres

Тыбылты Леонид Владислав Сурковы схорзæхджын кодта Хæлардзинады Орденæй

DynPicWaterMark_ImageViewer_10.pngПрезидент Тыбылты Леонидæн уыд фембæлд Уæрæсейы Федерацийы Президенты æххуысгæнæг Владислав Сурковимæ. Уый Хуссар Ирыстонмæ æрцыд дыууæбонон кусæгон балцы.
Фембæлды хайад райстой РХИ-йы Хицауады Сæрдар Хъуылымбегты Доменти, Президенты Администрацийы къухдариуæггæнæг Джиоты Алан, Хæдбар Паддзахадты Æмхæларады бæстæтæ, Хуссар Ирыстон æмæ Абхазимæ æмгуыстады фæдыл УФ-йы Президенты Администрацийы Управленийы хистæры хæдивæг Иван Болтенков.
Дзырд цыди Хуссар Ирыстон æмæ Уæрæсейы Федерацийы æхсæн æма-хастыты, инвестпрограммæ æххæст кæныны æмæ æндæр ахсджиаг фарстытыл.
Фыццаджыдæр, Президент загъта бузныджы ныхæстæ Владислав Сурковæн, Хуссар Ирыстоны цардмæ, РХИ-йы социалон-экономикон рæзты Инвестпрограммæ куыд æххæст цæуы, уыцы фарстмæ йæ хъусдарды тыххæй.
«Уæрæсейы Федерацийы æххуысы фæрцы нæ республикæ сси диссаджы социалон æмæ культурон нысаниуæджы объектты хицау, — банысан кодта Тыбылты Леонид. — Ды федтай дæхи цæстæй, Алина Кабаевайы фонды хъарутæй арæзт Спорты галуан куы бабæрæг кодтай, уæд, Националон музей — уый байгом кæнынмæ мах æнхъæлмæ кастыстæм ссæдз азы дæргъы, Хетæгкаты Къостайы номыл Паддзахадон драмон театры арæзтцæуæг агъуыст, уый хъуамæ суа Кавказы хуыздæр культурон объекттæй иу... Æппæт уыдæттæ сты 2014 азы Инвестпрограммæ æххæст кæныны хорз фæстиуджытæ. Уый нымад æрцыд, хæсты рæстæджы чи ныппырх республикæйы уыцы инфраструктурæ сæндидзын кæныны хъуыддаг цæхгæр чи фæивта, ахæмыл. Æмæ мæн фидарæй уырны, уыцы хуызы, ацы азмæ нысангонд инвестпрограммæ дæр раст афтæ æнтысгæйæ кæй фæуыдзæн».
Кæронбæттæны Тыбылты Леонид фехъусын кодта, зæгъгæ йæ къух æрфыста Владислав Сурковы Хæлардзинады Орденæй схорзæхджын кæныны тыххæй Барамындыл.
«Уый мæнæн куыддæр æнæнхъæлæджы хабар у, — загъта æргом Уæрæсейы Федерацийы Æххуысгæнæг, — мæнмæ гæсгæ нырма æз æххæстæй уый аккаг нæма дæн... Разæй нырма бирæ куыст ис, бæрзонд хорзæх та адæймаджы ра-зæнгард кæны куыст хуыздæр æххæст кæнынмæ».
РХИ-йы Президент æмæ Хицауады пресс-службæ