Nog adres

Парти «Иугонд Ирыстон» æххæстæй рахæцыд Хуссар Ирыстоны Уæрæсейы скондмæ бацæуыны фæдыл референдум ауадзыны тыххæй инициативæйы æвварс

1415183044_bibilov-anatoliy-ilich.jpg Парти «Иугонд Ирыстон» æххæстæй рахæцыд Хуссар Ирыстоны Уæрæсейы Федерацийы скондмæ бацæуыны фæдыл референдум ауадзыны тыххæй инициативæйы æвварс, кæцыйы тыххæй уый размæ фехъусын кодта РХИ-йы Президент Тыбылты Леонид. Партийы лидер Бибылты Анатоли куыд банысан кодта, уымæ гæсгæ политикон фæндондзинад равдисгæйæ, республикæйы Президент сарæз-та фæндвидар къахдзæф ирон адæмы национ идея среализаци кæныны тыххæй, Хуссар Ирыстоны Уæрæсейы сконд-мæ раздахыны здæхты.
«Номхуындæй ацы пункт æвзæрст æрцыд „Иугонд Ирыстон“-ы партион программæйы бындурæй, кæцы 2014 азы январы мæйы сарæзта сидт РХИ-йы Президенты адресыл Хуссар Ирыстоны Уæрæсейы Федерацийы скондмæ бацæуыны фæдыл референдум ауадзыны тыххæй. Æххæстгæнæг хицауиуæгады къорд чиновниктæ æмæ иуæй-иу политикон тыхты ’рдыгæй тыхджын æндæвдадмæ нæ кæсгæйæ, нæ парти йæ сырæзтæй фæстæмæ бæрæгæй хæцы Хуссар Ирыстоны Уæрæсейы сконд-мæ раздахыны курсыл. Абон мах уынæм, „Иугонд Ирыстон“-ы принципиалон хахх кæй æрхаста æвæрццаг фæстиуæг, ирон адæмы æнусон бæллиц среализаци кæныны алыварс политикон тыхты консолидацийæн ахъазгæнгæйæ», — загъта Бибылты Анатоли.

Бибылты Анатолийы ныхæстæм гæсгæ, Республикæйы Президенты уынаффæйы æв-варс хæцгæйæ, «Иугонд Ирыстон»-ы централон комитет банысан кодта референдум ауадзыны раст æмгъуыдтæ снысан кæныны æмæ æппæт организацион аспектты оперативо-нæй аскъуыддзаг кæныны æнæмæнгхъæуындзинад, цæмæй ифтонг æрцæуа РХИ-йы æмбæстæгты сæрибар фæндондзинад Республикæйы закъондæттынадмæ æмæ дунеон нормæтæм гæсгæ.
«Уыимæ, референдум ауадзын ницæйы тыххæй нæ хъæуы Æмцæдисад æмæ интеграцийы тыххæй бадзырды реализацийы фарстаты дыккаг планмæ адарддæр кæнын. Республикæйы Президенты инициативæйы рæстæджы Бадзырды реализаци фактон æгъдауæй у ахсджиаг фæлдзæуæн процесс Уæрæсейы скондмæ бацæуыны тыххæй. Уый хынцгæйæ, мах сидæм уæлæмхас уынаффæты интеграцион арæзт фæуæрæхдæр кæнынмæ, РХИ-йы æппæт министрадты максималон интеграци æмбæлон уæрæсейаг министрадтимæ саразгæйæ», — загъта уый.
Парти «Иугонд Ирыстон» ма сиды Хуссар Ирыстоны æп-пæт политикон тыхтæм, цæмæй æрбангом уой Уæрæсейы скондмæ раздæхыны идеяйы алыварс æмæ курæг у РХИ-йы æмбæстæгтæй, цæмæй уыдон хайад райсой, уагъд чи æр-цæудзæн, уыцы плебисциты.
«1992 азы Уæрæсейы скондмæ бацæуын æмæ Ирыстоны æрбаиу кæныны тыххæй республикæйы адæм сæ фыццаг референдум ауагътой хæстон агресси æмæ артиллерион æхстыты уавæрты. Абон нæ хæс у логикон кæроны онг хъуыддаг бакæнын, кæцыйы тыххæй бирæ фæлтæртæ бавзæрстой стыр хъизæмæрттæ æмæ афтæмæй нæ адæмы рæзтæн æдас фидæн сифтонг кæнын», — банысан кодта Бибылты Анатоли.