Nog adres

Фембæлд номдзыд уæрæсейаг спортсментимæ

sport.png Президент Тыбылты Леонид æрæджы йæхимæ райста, нæ республикæмæ спорты галуан «Олимп» байгом кæныны цытджын мадзалмæ цы стыр спортивон делегаци æрцыд, уыдоны сконды уæвæг номдзыд уæрæсейаг спортсменты.
Фембæлды хайад райста уæгъ-дибар стилы зындгонд советон æмæ уæрæсейаг хъæбысæйхæцæг, спорты сгуыхт дæсны, УФ-йы сгуыхт тренер, Европæ æмæ Советон Цæдисы чемпион Тедеты Дзамболат, зынгæ советон биатлонист, спорты сгуыхт дæсны, цыппар хатты Олимпаг чемпион, Советон Цæдисы чемпион Александр Тихонов, УФ-йы спортивон хъæ-бысхæсты президент, спорты сгуыхт дæсны, УФ-йы сгуыхт тренер, Олимпаг чемпион Михаил Мамиашвили.
Тыбылты Леонид ма ноджы иу хатт банысан кодта, Хуссар Ирыстоны Спорты галуан «Олимп»-ы байгомы стыр нысаниуæг. Уый республикæйы æрыгон спортсмен-тæн суыдзæн фæндарастгæнæн бынат, сæ амондджын спортивон фидæн-иу кæцæй райдайдзæн, уый.
Фембæлды рæстæджы ма уагъд æрцыд Республикæ Хуссар Ирыстоны паддзахадон хорзæхтæй хорзæхджын кæныны цытджын мадзал. Тедеты Дзамболат, Александр Тихонов æмæ Михаил Мамиашвили систы Хæлардзинады Орденты аккаг. Хуссар Ирыстонæй рацæугæ Тадтаты Тимур — Спорты галуан «Олимп»-ы арæзтад æмæ йæ эксплуатацимæ радтыны куысты активон хайадисæг та хорзæх-джын æрцыд «Республикæ Хуссар Ирыстоны 25 азы цыты нысанæн» майданæй.

Президент банысан кодта Тедеты Дзамболаты хайбавæрд Хуссар Ирыстон æмæ Уæрæсейы спорты рæзты æмæ рæзгæ фæлтæры хъомыладон куыстмæ. «Мах зонæм, Дзамболат, Уæрæсейы уæгъдибар хъæбысхæсты федерацийы сæйраг тренер уæвгæйæ, нæ республикæйы спорты рæзтмæ дæр цæйбæрц хъусдард здæхта, уый», — банысан кодта Президент.
Номдзыд спортсмен Николай Тихонов дæр йæхи рады бузныджы ныхæстæ загъта Тыбылты Леонидæн, стыр аргъ сын кæй скодта, уый тыххæй, æмæ банысан кодта, зæгъгæ, æппæтдæр араздзæн дыууæ бæстæйы ‘хсæн хæлар ахастытæ фидар кæныны сæраппонд.
«Уадз, æмæ Хуссар Ирыстоны сæрмæ кæддæриддæр уæд сабыр арв. Уадз, алыхатт дæр дзы хъуысæд цин æмæ худыны зæлтæ. Уæ диссаджы рæсугъд республикæйы гимн та кæддæриддæр хъуысæд дунейы, Европæйы Олимпаг хъæз-тыты уæлахиздзауты цытæн», — загъта уый.