Nog adres

Тыбылты Леонид раарфæ кодта Тъехты Багратæн

tekhov.jpgХуссар Ирыстоны Президент Тыбылты Леонид раарфæ кодта зындгонд ирон ахуыргонд-археолог Тъехты Багратæн йæ 85 азы юбилейы цытæн.
Бæстæйы сæргълæууæг юбилярæн загъта бирæ азты дæргъы æвидигæ хъаруйы фæндиæгтæ, æмæ банысан кодта, зæгъгæ, уымæн стыр у йæ хайбавæрд ирон адæмы культурон æмæ историон хæзнадонмæ.
«Ды дæ цард снывонд кодтай ирон адæмы хъæздыг ивгъуыд сахуыр кæныны хъуыддагæн, — загъта Тыбылты Леонид. — Дæ удуæлдай куыст, дзырд дæр ыл нæй, фидæны фæлтæртæн уыдзæн ирд цæвиттон».
Бæстæйы сæргълæууæг сæрмагондæй банысан кодта ахуыргонды аудгæ ахаст, 1957 — 1988 азты Тлийы рагон уæлмæрдты археологион куыстыты рæс-тæджы цы къахæггæгтæ ссардæуыд, уыдонмæ. Уыдон хæстон ныхмæлæуды азты æрвыст æрцыдысты Цæгат Ирыстонмæ, æмæ сæ æрæджы фæстæмæ æрластой Хуссар Ирыстоны национ музеймæ.
Куыд зонæм, афтæмæй уæды рæстæджы ссардæуыд 576 ныгæнæн бынаты æмæ 15 мин предметы — рæсугъдгæнæнтæ, ритуалон хуызы предметтæ, дзаумæттæ, хæцæнгæрзтæ. Цы артефакттæ ссардæуыд, уыдон хауынц нæ э. а. V-VII æнусы, æрæджиау бронзæйы дугмæ, бирæтæ дзы баст сты скифаг æмæ сарматаг культурæимæ. Уый у бронзæйы дуджы культурæйы ахсджиагдæр цыртдзæвæн, Астæуккаг Кавказы рагон историйы бирæ проблемæтæ, афтæ ма ирон адæмы этногене-зы фарстытæм бæлвырддзинад чи бахаста, ахæм адæймаг.