Nog adres

Гергиты Валери уыд УФ-йы Республикæ Хуссар Ирыстоны минæварады уазæг

34.jpg Ацы аз 14 сентябры Уæрæсейы Адæмон артист Гергиты Валери УФ-йы Республикæ Хуссар Ирыстоны Уæлвæткон æмæ Æххæстбарджын минæвар Гасситы Знауыры фæхуындмæ гæсгæ фæуазæг УФ-йы Республикæ Хуссар Ирыстоны минæварадмæ. Фембæлд ацыд хæларадон уагыл.
Фембæлды рæстæджы Гасситы Знауыр раарфæ кодта зындгонд дириже-рæн йе ’ххуыс æмæ йе ‘рбацыды тыххæй. Йæхи ’рдыгæй Гергиты Валери дæр бузныджы ныхæстæ загъта Гассийы фыртæн, кæй йæ фæхуыдта, уый тыххæй æмæ Республикæ Хуссар Ирыстоны æппæт æмбæстæгтæн дæр бахæлар кодта фарн æмæ размæцыды фæндиæгтæ.
«Хуыцау уе ’ппæтæн дæр схай кæнæд æнтыст, æнæниздзинад, алы хæдзарæн дæр амонд. Хæцут кæрæдзийыл! Мах иумæ æппæтдæр сараздзыстæм, ахуырад æмæ культурон процесс цы гæнæнтæ дæттынц, уыдон Хуссар Ирыстоны алы æмбæстагмæ дæр фæхæццæ уой, дунейы иууыл стырдæр горæты цæрджытæм куыд хæццæ кæнынц, афтæ.
Ныфс мæ ис, Хуссар Ирыстоны цы бон æрæмбырд уыдзыстæм, уыцы бон дард кæй нал у! Хуыцау æнтыстджын фæкæнæд уе ’ппæты дæр!»