Nog adres

Республикæ Хуссар Ирыстоны Президент Тыбылты Леониды раныхас республикæйы Хæдбардзинад банымайыныл 7 азы сæххæсты цытæн цытджын æмбырды

_MG_2586.jpg Зынаргъ æмбæстæгтæ!
Цытджын уазджытæ!
Растдæр 7 азы размæ, 2008 азы 26 августы, Уæрæсейы Федерацийы Президент Дмитрий Медведев йæ къух æрфыста Республикæ Хуссар Ирыстоны Паддзахадон хæдбардзинад банымайыны тыххæй Барамындыл. Ацы цау ссис нæ адæмы царды ног историон рæстæджы райдиан, 26 август та нысан цæуы уæдæй фæстæмæ, куыд стыр æппæтадæмон бæрæгбон — Паддзахадон хæдбардзинад банымайыны бон.
Уæрæсейы ’рдыгæй Республикæ Хуссар Ирыстоны хæдбардзинад банымайын нæ адæмæн ссис стыр цины хъуыддаг, радæттæн кæмæн нæй, ахæм диссаджы стыр циндзинад балæвар кæнгæйæ, кæцы æрцæуы, адæймаг æппæт йæ царды кæмæ æнхъæлмæ фæкæсы, уыцы рæстæджы. Æвæццæгæн, уый абарæн ис æрмæстдæр, 1945 азы 9 майы Стыр Фыдыбæстæйон хæсты фæуæлахизы тыххæй куы фехъусынчындæуыд, уæд советон адæм цы æнкъардтой, уыимæ.
Куыд хæдбар суверенон паддзахад, афтæ Хуссар Ирыстон йæ банымадмæ цыдис даргъ æмæ зын фæндагыл. Стыр хъизæмæрттæ æмæ амæттæгты аргъæй нæ адæм балхæдтой сæрибар æмæ хæдбардзинад. Гуырдзыстоны хæстон агрессийы ситуацийы, кæнæ йе ’рдыгæй гарзджын ныббырсты æдзухон тасдзинады бын республикæйы сырæзт, йæ размæцыд, паддзахадон хæдбардзинады дунеон банымадмæ тырнындзинад — æппæт уыцы къхдзæфтæ уыдысты иунæг фадат адæймаджы намыс æмæ цæрыны бар нæ фыдæлты зæххыл бахъахъхъæнынæн.

Хуссар Ирыстоны хæдбардзинад расидын æмæ фидар кæнын æххæст цыдысты Цæдисон паддзахады æмæ дунеон барады архайæг закъондæдтынадмæ гæсгæ, ССР Цæдис куы фехæлд æмæ раздæры советон республикæтæ хæдбардзинад куы расидтысты, уыцы рæстæджы. Уый, æцæгæйдæр, æнæ-хъæнæй æмæ æххæстæй уыд барадон процесс, кæцы бындуриуæг кодта Хуссар Ирыстоны адæмæн æмбаргæ равзæрст æмæ фæндоныл, æмæ æххæст цыдис демократон бындурыл.
Æппæт йæ историйы дæргъы гуырдзиаг паддзахадæн никуы уыд закъонон бар Хуссар Ирыстоны зæхмæ ахасты; Хуссар Ирыстоны территори Гуырдзыстоны ССР-ы скондмæ баконд æрцыд 1922 азы, ирон адæмы нæ фæндыдис, афтæмæй.
Нæ сæрибаруарзаг адæмыл сæ бар ныббæттынмæ тырнгæйæ, сæрибармæ нæ фæндондзинад цъист кæнгæйæ, Гуырдзыстон æрмæст XX æнусы дыууæ хатты — 1920 æмæ 1989-1992 азты сарæзта геноцид æмæ этникон сыгъдæгдзинад Хуссар Ирыстоны ирон цæрджытæм ахасты. Гуырдзыстоны ССР-ы сконды Хуссар Ирыстоны уæвынады æппæт рæстæджы тбилисаг хицауиуæгад æххæст кодта дискриминацийы æмæ карзæй цъист кæныны политикæ, кæцы здæхт уыдис ирæтты тыхæй сгуырдзиаг кæнынмæ.
1937 азæй 1953 азмæ Гуырдзыстон кæй æххæст кодта, уыцы тоталитарон террор чысыл Хуссар Ирыстоны ахаста цалдæр сæдæгай царды, мингай адæймæгтæ æрцыдысты репрессигонд, Хуссар Ирыстоны куынæг æрцыдис национ интеллигенцийы стыр хай. Хуссар Ирыстоны сгуырдзиаг кæныны ГССР-ы хицауиуæгад кæй æххæст кодта, уыцы курсы фæлгæтты бар нæ уыдис ирон æвзагыл скъолаты ахуыр кæнынæн. Бар нæ уыдис ирон æвза-гæй официалон хъуыддагдарды пайда кæнын. Латинаг графикæйы бындурыл ирон алфавиты бæсты бакондæуыд гуырдзиаг алфавит. 40-æм азты дыккаг æмбисы минай ирæттæ хæххон хъæутæй тыхæй æрвыст æрцыдысты Цæгат Ирыстонмæ; цæ-рæг нал баззад уæрæх территориты. Гуырдзиаг хицауиуæгад тырныдта ирон адæмы хуссар хайы сæндидзын кæнынмæ цахæмфæнды ныфс дæр ныцъист кæнынмæ.
Æнæгуырдзиаг цæрджыты æппæт амæлттæй цъист кæныны курс æххæст кодтой гуырдзиаг хицауиуæгад æппæт рæстæджыты дæр, сæ политикон- идеологион платформæмæ нæ кæсгæйæ; ивд цыдысты æрмæстдæр сæ реализаци кæныны формæтæ æмæ методтæ. Уæлдай разæнгарддæрæй ацы политикæ æххæст цыдис ирæттæм ахасты, кæцыты гуырдзиаг разамонджытæ уыдтой Уæрæсейы æцæг æмцæдисонтæ. XX æнусы райдианмæ Ирыстоны цæгат æмæ хуссары ирæтты нымæц, зæгъæн ис, уыдис æмхуызон, фæлæ 1988 азмæ гуырдзиаг хицауиуæгад æнæгуырдзиаг цæрджыты къаддæр кæнынмæ здæхт политикæ æххæст кæныны фæстиуæгæн Хуссар Ирыстоны ирæтты нымæц ссис цалдæр хатты къаддæр Цæгат Ирыстоны ирон цæрджытæй.
1980 азты кæрон сытынг гуырдзиаг национализм, кæцы Гуырдзыстоны ССР-ы паддзахадон хицауиуæгадон органты æркодта национал-экстремистон тыхты контролы бынмæ. ССР Цæдисы скондæй рахизынмæ тырнгæйæ, Гуырдзыстон Хуссар Ирыстоны, цыран æнæгуырдзиаг цæрджытæ уыдысты фылдæр, уыдта, куыд сæйраг ныхдур сæ плантæ сæххæст кæнынæн æмæ ныллæууыдысты йæ ликвидаци кæныны фæндагыл.
1989 азы ноябры æмæ 1990 азы март-июны Гуырдзыстоны ССР-ы сæйраг Совет, ССР Цæдисы Конституци æмæ Цæдисон паддзахадон суверенитет фехалгæйæ, райста уынаффæ Советон дуджы 1921 азы февралæй фæстæмæ Гуырдзыстоны ССР-ы райст чи æрцыдысты, уыцы закъондæдтынадон акт-тæ аивыны тыххæй. Уымæй ивд æрцыд 1922 азы 30 декабры Бадзырд ССР Цæдис саразыны тыххæй, афтæ ма ивд æрцыд Хуссар Ирыстоны автономон област, кæцы арæзт æрцыд 1922 азы. Уый уыд Гуырдзыстоны фæндвидар къахдзæф иувæрсыгæй Советон Цæдисы скондæй рахизынмæ. Уыцы рæстæджы ма 1921 азы февралæй фæстæмæ райсгæ æппæт паддзахадон акттæ денонсаци скæнгæйæ, Гуырдзыстон йæхæдæг бынтондæр скуынæг кодта Хуссар Ирыстонимæ ахастыты паддзахадон барадон бындуртæ.
Гарзджын агресси, этникон æгъдауæй сыгъдæгкæнынад æмæ геноцид, кæцыты Гуырдзыстон сæххæст кодта Хуссар Ирыстонмæ ахасты 1989-1992 азты, расайдтой мингай адæймæгты мæлæт æмæ хъизæмæрттæ, систы гуманитарон катастрофæйы аххосаг, Хуссар Ирыстон æмæ Гуырдзыстонæй Уæрæсейы Федерацимæ фæлыгъдысты сæдæ мин иронæй фылдæр.
Фæлæ Гуырдзыстоны æфхæрд ничи æрцыдис, Хуссар Ирыстоны ныхмæ агрессийы рæстæджы адæймагдзинады ныхмæ цы фыдракæндтæ арæзт æрцыдысты, уыдоны тыххæй.
Бынтондæр æфхæрд кæй нæ баййафдзысты, уый зонгæйæ, Гуырдзыстоны хицæуттæ æууæндыдысты, уыдонæн кæй ис æгас адæмты цард æмæ мæлæтыл къухдариуæг кæныны æххæст бар. Ныгуылæйнаг хъомысджындæр паддзахадтæ сæхи ницыуынæг кæй скодтой, уымæ гæсгæ ногфæзынгæ гуырдзиаг наполеонтæ ногæй бафæлвæрдтытæ сарæзтой, цæмæй сæ хицауиуæгад æрфидар кæной Хуссар Ирыстоны тыхы руаджы. Адæймагдзинады ныхмæ фыдракæндты бæрнджын чи сты, уыцы гуырдзиаг хицауиуæгад æнæфхæрддзинад кæй æнкъардта, уый фадат радта геноциды æмæ этникон сыгъ-дæгкæнынады ног акттæ саразын, ныр та XXI æнусы, Аджарийы йæ дæлбар бакæныны рог æнтыстæй разæнгард уæвгæйæ, Саакашвили бафæлвæрдта блицкриг Хуссар Ирыстоны ныхмæ 2004 азы саразын, фæлæ йæ æгадæй бахъуыд фæстæмæ алæууын, зынгæ зиæнттæ йыл æрцæугæйæ. Уæд Гуырдзыстоны аскъуыддзаг кодтой реванш райсын тугæйдзаг терроры æмæ æдзухон провокациты руаджы. Гуырдзыстон методикон æгъдауæй æрæвнæлдта ног хæстмæ цæттæ кæнынмæ.
Хæсты фæстиуджытæ цас катастрофон уыдзысты, уый æмбаргæйæ, цалдæр азы дæргъы Хуссар Ирыстон фæлвæрдта компромиссон уынаффæтæ ссарынмæ бадзырдон процессы фæлгæтты æмæ алцыдæр арæзта, цæмæй Тбилисы бакуыстгонд хæстон сценаримæ гæсгæ цаутæ ма æруагътаиккой. Хуссарирыстойнаг фарс проблемæ æрбæстон кæныны тыххæй цы фæндæттæ хаста, уыдон æвварс ра-хæцыдысты куыд Уæрæсейы Федераци, афтæ ЕÆÆО дæр, фæлæ Гуырдзыстон ницæмæ дардта нæ сабырадон инициативæтæ. Хæстмæ йæхи цæттæ кæнгæйæ, Гуырдзыстон гуымир æгъдауæй хæлдта уыцы рæстæджы архайæг дунеон бадзырдтæ Хуссар Ирыстоны æмæ Абхазы фидауынгæнæг операцийы формат æрбæстон кæныны фæдыл.
Хæстмæ Гуырдзыстон йæхи цæттæ кодта бындуронæй. Гуырдзиаг æфсад йæхи хотыхджын кодта, уагъта ахуыртæ. Алы бæстæтæй Гуырдзыстон иста уæззау хæцæнгæрзтæ, уыцы нымæцы æмæхстгæ-нæн реактивон системæ æмæ танктæ дæр, бирæнымæц хæстон æрмæджытæ. Украинæйæ сæм æрцыдысты зенитон-ракетон комплекстæ «Бук» æмæ æфсæддон специалисттæ.
2008 азы æнæхъæн июлы мæйы дæргъы æмæ августы райдианы гуырдзиаг снайпертæ æмæ ар-тиллери æхста нæ позицитæ дзуаппон æхст расайыны нысанæн æмæ хæст райдианы æфсонæн. Бонæй-бон фылдæр кодта фæмардуæвджыты ны-мæц. Практикон æгъдауæй бадзырдон процесс гуырдзиаг фарс æрурæдта. Хуссар Ирыстоны уæрæсейаг фидауынгæнджытæ, æндыгъддзинады эскалаци ма æруадзынмæ тырнгæйæ, æвдыстой æгæрон хиуылхæцындзинад. Тбилисы сæ уырныдта, кæй сæ нæ бафхæрдзысты, уый. Ныгуылæйнаг спонсортæ алыварсонæй хæцыдысты Гуырдзыстоны агрессивон тырнындзинæдты æвварс; кодон ном «Быстрый ответ»-ы бын гуырдзиаг æфсад уагъта масштабон ахуыртæ, уыдоны фæстæ Хуссар Ирыстонмæ æрбабырстытæ райдыдтой Тбилисмæ АИШ-ы паддзахадон секретарь Кондолиза Райсы æрцыды æмæ Саакашвилиимæ йæ бадзырдты фæстæ.
Гадзрахатæй æрбабырст сифтонг кæныны тыххæй Саакашвили сæрмагондæй йæхæдæг телеуынынады фæсидт ирæттæм, æхст æруромыны тыххæй фехъусын кæнгæйæ. Хъуыддаджы та гуырдзиаг æфсæдтæн лæвæрд æрцыд бардзырд Хуссар Ирыстонмæ æрбабырсыны тыххæй. Танкты æмæ мотофистæг æфсады колоннæтæ цыдысты Цхинвалмæ гуырдзиаг цæрджыты арфæйы æмæ цины хъæрты бын. 2008 азы 7-æм августæй 8-æм августмæ æхсæвы Цхинвалмæ тыхджын æхстæй гуырдзиаг æфсæдтæ райдыдтой операци кодон ном «Сыгъдæг быдыр»-ы бын. Æмбæрстгонд у уый, æмæ «сыгъдæг быдыр» кæй хъуамæ фестын кодтаиккой æппæт Хуссар Ирыстоны.
Гуырдзиаг æфсæдтæн сæ фæндаг æрæхгæдтой Хуссар Ирыстоны хъахъхъæнынады тыхтæ æмæ уæрæсейаг фидауынгæнджытæ. Цхинвалы хъахъ-хъæнджытæ фадат нæ радтой гуырдзиаг æфсæдтæн горæты сæ позицитæ æфидар кæнынæн, фæлæ тыхтæ æмхуызон нæ уыдысты. Гуырдзиаг æфсад нымæцæй бирæ фылдæр кæй уыд æмæ алыгъуызон хæцæнгарзæй дæр ифтонг кæй уыд, уый гæнæн уыд æркодтаид стыр трагедимæ, кæцыйы æруромын йæ бон уыд æрмæстдæр Уæрæсейæн, æмæ нæм Уæрæсе æрцыд æххуысмæ. Æфсæддон операци Гуырдзыстоны фидыдадмæ æркæныны фæдыл Уæрæсейы Федераци сæххæст кодта дунеон барадмæ гæсгæ. Гуырдзиаг агресси райдианы фæстæ Цхинвалмæ æрбацыдысты 58-æм армийы дæлхæйттæ.
Тæссагдæр æхстытæ æмæ уынгты хæстытæ бавзаргæйæ, адæм танкты уæрæсейаг тырысаты бын Цхинвалмæ цæугæйæ, уыдтой æмæ æмбæрстой, кæй фервæзтысты, хæсты тасдзинад сын кæй фæцис, Хуссар Ирыстон ныр кæй цæрдзæн! Зын зæгъæн у, Цхинвалы уæрæсейаг æфсадмæ цахæм ныфс æмæ æууæнкдзинадимæ æнхъæлмæ кастысты. Уый уыд цард æмæ мæлæты ’хсæн фарста. Дыккаг бон алыран дæр, гæнæн кæм уыд, уымыты фæ-зындысты фыстытæ «Спасибо, Россия!» — адæмы фæндыд равдисын Уæрæсейæн се стыр бузныгдзинад, кæцы сæ нæ ныууагъта фыдбылызы, кæцы æрцыд æмæ бахъахъхъæдта нæ адæмы æххæстæй скуынæг кæнынæй. Хуссар Ирыстоны адæм зонынц, цахæм зынаргъ аргъæй бафтыд сæ къухты уæлахиз, уый. Цалынмæ нæ адæм цæрой, уæдмæ Цхинвалы хъахъхъæнджыты, уæрæсейаг æфсæддонты цыртыты раз, кæцытæ фæмард сты Цхинвалы сæрыл тохты, уыдзысты дидинджытæ, фæлтæрты зæр-дæты цæрдзæн хъайтарты тыххæй мысынад.
Абоны рухс бæрæгбоны курæг дæн сымахæй, цæмæй иу уысм æмырæй алæугæйæ, ссарат Хуссар Ирыстоны сæрибардзинады æмæ йæ адæмы бахъахъхъæныны тыххæй йæ цард нывондæн чи æрхаста, уыдоны рухс нæмттæ.
* * *
Цытджын æмбæстæгтæ!
Хуссар Ирыстоны зæххыл гуырдзиаг хæстонтæн фæндвидар ныхкъуырд куы радтой æмæ куы лыгъдысты сæ хæцæнгæрзтæ аппаргæйæ, уæд Ныгуылæны, кæцы йæ хъус дардта гуырдзиаг æфсæдтæ сабыр Цхинвал куыд æхсынц, равдыстой сæ тыхстдзинад æмæ æнахуыр активондзинад, куыддæр агрессор урæд æрцыд, афтæ. Райдыдтой æндæвдады бафæлвæрдтытæ политикон-дипломатон методтæй, цæмæй Гуырдзыстонæн раздахой сæ фесафгæ позицитæ.
Уыцы уавæры æрмæстдæр Республикæ Хуссар Ирыстоны паддзахадон хæдбардзинад æмæ суверенитет банымайын радтаид фадат æдасдзинады га-рантитæ сифтонг кæнынæн, Гуырдзыстоны фарсы ’рдыгæй хæстон агрессийы ног бафæлвæрдтытæ ма бауадзын. УФ-йы Паддзахадон Думæ æмæ Федерацийы Совет рахæцыдысты Хуссар Ирыстоны сидты æвварс республикæйы хæдбардзинад банымайыны тыххæй. Уый фæстæ ист æрцыд уынаффæ Республикæ Хуссар Ирыстоны суверенон æмæ хæдбар паддзахадæй банымайыны тыххæй æмæ 2008 азы 26 августы Уæрæсейы Президент Дмитри Анатоли-йы фырт Медведев йæ къух æрфыста æмбæлон Барамындыл. Республикæ Хуссар Ирыстонимæ йæ хæдбардзинады банымад райста æфсымæрон Абхаз дæр.
Гуырдзыстоны спонсортæ нæ республикæ нæ банымайыны сæраппонд цы агрессивон политикæ размæ кæнынц æнæхъæн дунейы, уымæ нæ кæс-гæйæ, Уæрæсейы бафæзмыдтой цалдæр бæстæйы, æмæ банымадтой нæ хæдбардзинад. Никарагуа æмæ Венесуэлæимæ къухфыст æрцыдысты цал-дæр бадзырды алыгъуызон фадгуыты. Рæзынц нæ бæстæйы æхсæндунеон бастдзинæдтæ. Рæстæг куыд цæуы, афтæ нæ паддзахад банымайыны процесс кæндзæн уæрæхдæр.
Уыимæ иумæ нæ сæйрагдæр æмæ ахсджиагдæр партнер æмæ æмцæдисон у æмæ уыдзæн кæд-дæриддæр Уæрæсе. Æрмæстдæр-иу Уæрæсе алыхатт дæр фæзынд Хуссар Ирыстонмæ æххуысмæ хæстон тæссагдзинады уавæрты, цард æмæ мæлæты æхсæн-иу куы æрлæууыдыстæм, уæд. Махæн, ирвæзыны сакъадах чи сси, уыцы Уæрæсейыл кæддæриддæр æвæрдтам нæ ныфс, æмæ нæ фидæн æнæ Уæрæсе нæ уынæм. Æмæ уымæн æндæргъуызон уæвæн куыд ис, кæд æмæ Хуссар Ирыстоны цæрджытæн сæ фылдæр хай Уæрæсейы æмбæстæгтæ сты, уæд?
Уæрæсе нæ адæмæн канд стыр сыхаг нæу. Уæрæсейы номимæ мах бæттæм нæ фидар сабырдзинад æмæ æдасдзинад, нымайæм æй нæ размæцыды гаранти æмæ нæ фидæны ныфсыл. Æнусты дæргъы Уæрæсе уыд сабырдзинады гарант æнæхъæн Кавказы. Уыцы роль хъуамæ фидаргонд æрцæуа Уæрæсейыл æмæ æппæт фидæны дæргъы хъахъхъæд цæуа. Афтæ нын амоны историон фæлтæрддзинад.
Хæстон, экономикон æрхъулайы азты дæргъы, Гуырдзыстоны æфсады тыхæй бабырст æмæ гуырдзыйы артиллерийы бомбæтæ æмæ нæмыгзгъæлсты фыдаудæн стыр зиæнттæ æрхаста Ирыстоны горæттæ æмæ хъæутæн. Цæмæй нæхи хъарутæй уыцы кæлæддзæгтæй нæ бæстæ сæндидзын кодтаиккам, уый тыххæй мах бахъуыдаид бирæ дæсгай азтæ. Ныгуылæйнаг дуне разынди куырм æмæ къуырма, хæсты аххосæй гæныстон чи фæци, уыцы Хуссар Ирыстоны хъизæмæрттæм, уый Гуырдзыстоны æфсæдтæ æнæхъæн адæмы куыд куынæг кодтой, уымæ дæр йæхи ницыуынæг скодта. Æрмæстдæр Уæрæсе махмæ радаргъ кодта йе ’ххуысы къух нæ бæстæйы сæндидзын кæныны сæраппонд.
Ныр авд азы дæргъы, Уæрæсейы фæрцы, Хуссар Ирыстон цæры сабыр цардæй. 2008 азы августы вазыгджын уавæрты Хуссар Ирыстоны хæдбардзинад банымайыны тыххæй Уæрæсейы рахаст хъысмæтгæнæг фæндон, сси æдасдзинады фидар гаранти Гуырдзыстоны ‘рдыгæй нæ адæммæ ногæй æрбабырсын æмæ йæ скуынæг кæнынмæ сæ бафæлвæрдтытæй.
2008 азы августы хæстæй фæстæмæ, уæлдайдæр та республикæйы территорийыл Уæрæсейы Федерацийы 4-æм æфсæддон базæ арæзт куы æрцыд, æмæ Уæрæсейы Федералон æдасдзинады службæ куы æрбынат кодта, уæдæй фæстæмæ Хуссар Ирыстоны æдасдзинады æмвæзад схызти ног гъæдджын æмвæзадмæ. Хуссар Ирыстоны алчидæр хорз æмбары, нæ бæстæйы сабыр æмæ сæрибар цард æрмæстдæр Уæрæсейы фæрцы кæй у, уымæн æмæ нæ хуссайраг сыхаг, раздæры рæстæджыты куыд уыди, афтæ ныхилы нæ зæххытæм.
Хуссар Ирыстоны хæдбардзинад банымайыны тыххæй фæндон хаст цыди конкретон историон æм-гъуыды бæлвырд уавæрты, фæлæ йæ бындур æвæрд æрцыд Хуссар Ирыстон æмæ Уæрæсейы паддзахады æмахастыты историон фæлтæрддзинадыл, æмæ ууыл та иу æмæ дыууæ æнусы нæ цæуы. Уыцы æмахастытæ фæлтæрд æрцыдысты рæстæджы фæрцы, уыдон активонæй рæзынц, æмæ нын ис æппæт бындуртæ дæр сæ фидæныл нæ ныфс æвæрынæн.
Абоны бон Хуссар Ирыстон æмæ Уæрæсейы æмахастыты мидхъуыды æмæ уаг бæлвырд кæнынц, 2015 азы марты фидаргонд чи æрцыд, æмæ ныридæгæн, ратификацион грамотæтæ кæрæдзимæ раттыны фæстæ йæ тыхы чи бацыд, Æмцæдис-дзинад æмæ интеграцийы тыххæй уыцы бадзырды фæрцы. Бадзырд бæлвырд кæны æмахастыты уникалон æмæ æгæрон æввахсдзинады уаг, дыууæ бæстæйы тыгъдады иудзинад, суанг хъахъхъæнынад æмæ æдасдзинады тыгъдады иумæйагдзинады онг дæр.
Дыууæ бæстæйы æмбæстæгтæн дæр, дыууæ æмбæстагдзинады хицау уæвгæйæ, Бадзырд дæтты максималон хæрзвадат уавæртæ. Афтæмæй æххæст кæны принцип «дыууæ паддзахады — иумæйаг тыгъдад». Дунейы, дыууæ паддзахады æхсæн уымæй æнгомдæр интеграцийы, уымæй бæрзонддæр æууæнчы цæвиттонæн ссарæн нæй.
Зынаргъ æмбæстæгтæ!
Нæ адæммæ ис тынг хорз историон зæрдылдарыны миниуæг, æмæ мах аудгæйæ хъахъхъæнæм фыдæлты фæдзæхстытæ. Иу æмæ дыууæ хатты мах нæ бавзæрстам — Уæрæсеимæ цæдис саразгæйæ уыдон равзæрстой иунæг раст фæндаг, æмæ уыцы равзæрст фæндагыл нæ адæм уыдзысты æнувыд кæддæриддæр.
Хуссар Ирыстоны адæм æнустæм дардзысты сæ зæрдыл, сæ ирвæзындзинад, сæ сæрибар æмæ хæдбардзинады йæ бар йæ къухмæ кæй фæрцы райста, уый.
Æнусты дæргъы Уæрæсе уыди сабырдзинады гарант Кавказы. Уыцы роль хъуамæ фидаргонд æрцæуа Уæрæсейыл æмæ фидæны дæр хъахъхъæд æрцæуа. Афтæ нын амоны историон фæлтæрддзинад.