Nog adres

Арфæ

Bibilov-photo-fon_0.jpg Республикæ Хуссар Ирыстоны дзыллон информацийы фæрæзты зынаргъ кусджытæ!
Зæрдæбынæй уын арфæ кæнын уæ профессионалон бæрæгбоны цытæн!
Ацы бæрæгбоны мæ фæнды æгæрон бузныг æмæ арфæйы ныхæстæ зæгъын уæ удуæлдай куысты тыххæй, кæцы домы бæрзонд профессионалондзинад, быхсындзинад æмæ æмбарынад. Мыхуыргонд æрмæджыты гъæд æмæ æмвæзадыл, телеуынынад æмæ радиойы алæвæрдтыл бирæ баст у нæ адæмы æмба-рынад æмæ уыдонæн информаци хъусын кæнын.
Мах сæрыстыр стæм нæ республикæйы дзыллон информацийы фæрæзты кусджытæй, уыдоны ’хсæн ис мыхуыры ныхасы бирæ курдиатджын организатортæ, æцæг профессионалтæ, кæцытæ се стыр хайбавæрд хæссынц æхсæнадон хъуыды аразынмæ.
Абон мæ сæрмагонд ныхæстæ зæгъын фæнды ветеран-журналистты адресыл, кæцытæ сты аккаг улæфты. Уæ фæлтæрддзинад, профессийыл æнувыд-дзинад æмæ бæрзонд монон принциптæ алыхатт дæр уыдзысты цæвиттон, газетты редакциты, телеуынынады æмæ радиойы чи кусынц, уыдонæн.
Бæрæгбоны хорзæх уæ уæд, дзыллон информацийы зынаргъ кусджытæ!
Мæ зæрдæ уын зæгъы стыр профессионалон æнтыстытæ, фидар æнæниздзинад, амонд æмæ царды æппæт хæрзиуджытæ.
Республикæ Хуссар Ирыстоны Парламенты Сæрдар БИБЫЛТЫ Анатоли