Nog adres

Арфæ

Зынаргъ хæстон хæлæрттæ!
Зынаргъ фидауынгæнджытæ!
Зæрдæбынæй уын арфæ кæнын Фидауынгæнæджы боны цытæн!
Хæстонтæ-фидауынгæнджытæ фидауынгæнæн операци æххæст кæныны æппæт рæстæджы хъаруджынæй, кадимæ æмæ аккагæй æххæст кодтой сæ хæстæ. 1992 азы 14-æм июлы фидауынгæнæг тыхты æрбакондимæ нæ хæстæфхæрд зæххыл урæд æрцыд тугкалд æмæ дзы сфидар сæртæг, фæлæ сабырад. Нæ адæм æрæвнæлдтой сæ фæллойадон архайдмæ. Æз æй тынг хорз зонын, куыд зын æмæ тæссаг уыд уе службæ, уый. Дæргъвæтин азты дæргъы мах иумæ гуырдзиаг-ирон конфликты зонæйы æххæст кодтам сабырдзинад æмæ барадон фæтк ифтонг кæныны фæдыл хæслæвæрдтæ. 17 азы дæргъы Хуссар Ирыстоны территорийыл абаргæ сабырдзинад кæй уыд, уый уыд уе стыр лæггæдты руаджы.
Æфсæддон хæсыл æнувыддзинад равдисынæн сымахæн карз фæлварæнтæ систы 2008 азы августы цаутæ. Уæ царды аргъæй сымах фæстаг минутты онг лæууыдыстут гуырдзиаг агрессорты ныхмæ. Номхуындæй, фыццаг уæрæсейаг фидауынгæнджытæ бахаудтой æхст æмæ атакæты бын гуырдзиаг æфсæдты регулярон хæйтты ’рдыгæй. Абон Хуссар Ирыстоны дислокацигонд Уæрæсейы Федерацийы 4-æм Гвардион æфсæддон базæ кадимæ хæссы фидауынгæнджыты кадджын æфсæддон традицитæ Ирыстоны зæххыл сабырад бахъахъхъæныны фæдыл.
Хуссар Ирыстоны адæм стыр бузныг сты сымахæй уе службæ, уæ хæсмæ æнувыддзинад æмæ удуæлдайдзинады тыххæй. Фæмардуæвæг фидауынгæнджыты нæмттæ та æнустæм баззайдзысты нæ зæрдæты. Рухсаг уæнт!
Мæ зæрдæ уын зæгъы фидар æнæниздзинад, царды æппæт хæрзиуджытæ æмæ сабырдзинад сымахæн æмæ уе ‘ввахс хиуæттæн.

Республикæ Хуссар Ирыстоны Парламенты Сæрдар БИБЫЛТЫ Анатоли