Nog adres

Банысан кодтой фыссæджы юбилей

Sequence 01.jpg Галуанты Нинæ, йæ литературон псевдоним Нига уыд курдиатджын ирон сылгоймаг-фыссæг. Уый райгуырд Дзауы районы Бежанты хъæуы. Нига хæрзчысылæй баззад сидзæрæй. Чысыл чызджы хъомыл кодтой йæ мады æфсымæр Бежанты Петр æмæ йе ‘мкъай Гано. Уыдон æппæт дæр сарæзтой, цæмæй йæ царды раст фæндагыл бафтыдтаиккой.
30 июны Нигайы ном мысыдысты Дзауы районы библиотекæйы кусджытæ. Библиотекæйы директор Харебаты Татьянæйы сæргълæудæй уыдон бацæттæ кодтой цымыдисон мадзал, фыссæгыл ацы аз ноябры мæйы 100 азы кæй æххæст кæны, уый цытæн. Мадзалмæ фæуазæг сты РХИ-йы Культурæйы министрады библиотекæты куысты фæдыл сæйраг специалист Дриаты Нателæ, Дзауы районы администрацийы культурæйы хайады сæргълæууæг Цхуырбаты Галинæ, поэт, журнал «Фидиуæг»-ы сæйраг редактор Хъодалаты Герсан, фысджытæ Наниты Асиат æмæ Джиоты Катя, Бежанты хъæуккаг, адæмон нывгæнæг Бежанты Вадим, фыссæджы сфæлдыстадæн табугæнджытæ æмæ æндæр уазджытæ.

Мысæн мадзал уагъта Дзауы астæуккаг скъолайы ирон æвзаг æмæ литературæйы ахуыргæнæг Гассеты Анфисæ. Уый ныхасы бар радта поэт Хъо-далаты Герсанæн, кæцы лæмбынæг æрдзырдта Нигайы цардвæндаг æмæ сфæлдыстады тыххæй. Загъта, зæгъгæ, Нигайы йæ кæнгæ ныййарджытæ тынг хорз схъомыл кодтой, хæрзчысы-лæй йын бауарзын кодтой ирон адæмон сфæлдыстад. «Нига фыссын 11-аздзы-дæй райдыдта. Скъоладзауæй ныффыста йæ фыццаг радзырд „Уалдзæг“. 1933 азы рацыд йæ фыццаг æмдзæв-гæты æмбырдгонд „Дуджы улæнтæ“. Уый фæстæ та йын рацыд уацау „Фыстæг Германмæ“. Уый йын уыд автобиографион уацмыс, цыран дзырд цæуы си-дзæры хъысмæтыл», — банысан кодта Хъодалаты Герсан. Уый ма йын æрдзырдта йæ иннæ чингуыты тыххæй дæр.
Библиотекæйы активон чиныгкæсæг Къæбысты Разиат æрæмбырдуæвджытæн радзырдта Нигайы чиныг «Дыууæ рæдыд»-ы тыххæй. Фыссæджы сфæлдыстадыл ма цымыдисон цаутæ æмæ сæ мысинæгтæ радзырдтой фысджытæ Наниты Асиат æмæ Джиоты Катя дæр.
Нигайы фыст æмдзæвгæ бакаст Дзауы поселочы сывæллæтты цæхæрадоны хъомылгæнинаг Санахъоты Амандæ. Мадзал сæ рæсугъд зардæй барæсугъд кодтой Дзауы районы музыкалон скъолайы ахуыргæнинаг Хъоцыты Бэлæ æмæ Хуыцъейы хъæуы Культурæйы хæдзары вокалон къорд.
Нæ уацх.