Nog adres

Бибылты Анатоли раныхас кодта Уæрæсе æмæ Беларусы Парламентон Æмбырды семинары рабадты

img-20150423-wa0006_0.jpg 23-24 апрелы Мæскуыйы уагъд цыди Æмцæдисон паддзахад аразыны фарсты фæдыл Уæрæсе æмæ Беларусы Парламентон Æмбырды семинары æдзухархайæг рабадт ахæм темæйыл: «Ахуырад æмæ хæрзнамысон хъомылады нысаниуæг нырыккон Дунейы ныхмæлæудты уавæрты». Мадзал баст уыди Стыр Уæлахизы 70 азы бонимæ.
Уæрæсе æмæ Беларусы Парламентон Æмбырды цур ацы æдзухархайæг семинар арæзт æрцыд уæрæсейагбеларусаг интеграцион процесстæ фæрæвдздæр кæныны, иууыл ахсджиагдæр дунеон проблемæтæ æмæ цауты æмных æмæ анализ кæныны, афтæ ма æмцæдисон арæзтады сæйраг фæдыздæхтыты тыххæй рекомендацитæ саразыны сæраппонд. Семинары фæстиуджыты фæдыл рекомендацитæ, хатдзæгтæ æмæ документтæй пайда цæуы Æмцæдисон паддзахады дарддæры рæзты стратегион фарстытæ аскъуыддзаг кæныны тыххæй. Семинары куысты хайад исынц Республикæ Беларусы Националон Æмбырды палатæ æмæ Уæрæсейы Федерацийы Федералон Æмбырды палатæйы депутаттæ, Æмцæдисон паддзахады Бындурон Комитеты бæрнон кусджытæ, профилон министрадтæ æмæ ведомствоты, æхсæнадон баиугæндты æмæ Æмцæдисы уæнг-бæстæты дзыллон информацийы фæрæзты минæвæрттæ.

Æдзухархайæг семинары 40-æм рабадты хайад райста РХИ-йы Парламенты Сæрдар Бибылты Анатоли. Республикæ Хуссар Ирыстоны Парламентæн, Республикæ Абхазы Адæмон Æмбырды æмрæнхъ 2008 азы 17 октябрæй лæвæрд æрцыд Беларус æмæ Уæрæсейы Парламентон Æмбырды цур бæстон хъусдарæджы бар.
Семинары куысты рæстæджы рахастæуыд, Æмцæдисон паддзахады арæзтадон тыгъдад фæхуыздæр кæнынимæ æмæ ууыл глобалон арæзтадон процесс куыд æндавы, уыимæ баст цалдæр доклады. Дзырд ма цыди æрыгон фæлтæры монон-хæрзнамысон хъомыладыл, стæй аргъуанæн нырыккон дунейы тæссагдзинад æмæ ныхмæлæудты уавæрты цы нысаниуæг ис, уыцы фарстытыл.
Докладтæй иу дзурæг уыди, æрыгон фæлтæрыл информацион фыдаудæн æмæ интернеты æндæвдадыл, стæй ма уыдон Стыр Фыдыбæстæйон хæсты истори æмæ фæстиуджыты мæнгæвдисæнтæ æмæ зыгъуыммæгæнджытæй бахизыны фарстытыл.
РХИ-йы Парламенты Сæрдар Бибылты Анатоли Уæрæсе æмæ Беларусы Парламентон Æмбырды æдзухархайæг семинары ныхасы рацыд ахæм докладимæ: «Аргъуаны нысаниуæг æрыгон фæлтæры монон-хæрзнамысон хъомылад æмæ ахуырады нырыккон дунейы тæссагдзинад æмæ ныхмæлæудты уавæрты».
Бибылты Анатоли йæ раныхасы куыд загъта, уымæ гæсгæ, иуполярон дунейы сæраппонд глобализаци расайдта, политикон системæ, экономикæ, мидæггагон æмæ æдтагон политикæ, ресурстæ, æхсæннацион ахастытæ, миграцион процесстæ, дин æмæ нæ бæстæты идеологи, афтæ ма хæрзæгъдау æмæ хæрзнамысыл дæр чи анхъæвзта, ахæм ног ныхмæлæудтæ æмæ тæссагдзинæдтæ. «Ацы азты дæргъы мах систæм æвдисæнтæ, политикон, экономикон, идеологион экспансийæн, стæй ма æндæр бæстæты, æмæ хæстон-политикон скондты ‘рдыгæй хæстон агресситæн. Уыцы бæстæтæ дунеон æдасдзинады системæ рацаразынмæ хъавынц, æрмæст сæхи куыд фæнды, ахæм уавæртæ æмæ фæткмæ гæсгæ. Ацы хъуыддæгтæн та сæ ныхмæ ничи æмæ ницы лæууы». Бибылты Анатоли куыд загъта, афтæмæй уыцы иуполярон дунейы аразджытæ сæхицæй дарддæр иннæтæн тыхæй хъарынц ног царды æгъатыр уагæвæрдтæ, афтæмæй та уыдон ницæмæ дарынц, æнусты дæргъы царды бындур цы хæрзæгъдау æмæ намысыл амад цыди, уыдон. Ни-цы аргъ кæнынц патриотизм æмæ адæмты хæдбындурдзинадæн дæр, кæцыты фæрцы раздæры фæлтæртæн сæ къухы бафтыди фыдрæстæджыты сæрты ахизын.
Бибылты Анатолийы хъуыдымæ гæсгæ, ам дзырд нæ цæуы хуымæтæджы политикон тыхмийыл, кæнæ паддзахадтæн сæхи мидæггагон æмæ æдтагон политикæ уадзыны хæдбардзинад айсыныл. Уыцы экспанси æххæссы, паддзахады, бинонты, хицæн адæймæгты царды аргъ цæмæн ис, уыцы бындурон æмбарынадтæ æндæртæй баивынмæ. «Æдтейæ сыл æрбандавгæйæ, бæрзонд æргъадтæ æмæ идеалтæ æрцыдысты серьезон девальваци æмæ деформаци. Ацы фадыг сси хæрзнамысон хæццæдзинады бынат æмæ уый та расайдта политикæ, экономикæ æмæ социалон фадыджы негативон фæзындтытæ. Нырыккон монон-хæрзнамысон гæвзыкдзинад фылдæрбæрцæй баст у, фæлтæрты ‘хсæн бастдзинад кæй аскъуыд, уыимæ. Уымæ гæсгæ, традицион хæрзæгъдауы гæвзыккдзинад аиуварс кæныны тыххæй аздæхын хъæуы монон бындуртæм. Баиу кæнын хъæуы æппæт хъарутæ дæр, бæстæты æмæ адæмты националон æмæ паддзахадон хæдбындурдзинад чи ифтонг кæны, дины, культурæйы æмæ миддунейы уыцы хæдбындурдзинад бахъахъ-хъæныны тыххæй», — загъта докладгæнæг.
Бибылты Анатоли йæ раныхасы стыр аргъ скодта рæзгæ фæлтæры монон-хæрзнамысон хъомыладæн, æмæ йæ схуыдта паддзахады сæйрагдæр хæс национ æмæ монон æдасдзи-нады сæраппонд.
Йæ раныхасы ма РХИ-йы Парламенты Сæрдар дзырдта ахуырады стыр нысаниуæджы тыххæй адæмы иудзинады, кæрæдзийыл æууæнчы хъуыддаджы. Уый ныхæстæм гæсгæ, ацы хъуыддæгты Чырыстон аргъуанæн баивæн ницæмæй ис. Уый хъуамæ бацахса сæй-рагдæр бынат рæзгæ фæлтæры монон-хæрзнамысон хъомылады, стæй ма æхсæнады иудзинад фидар кæныны æмæ иуполярон глобализацийы пырхгæ-нæн архайдтыты ныхмæ æрлæууыны хъуыддаджы дæр.
Кæронбæттæны ма Бибылты Анатоли банысан кодта, зæгъгæ, стабилон, æдас фидæнæн уæвæн нæй, хæрзнамыс æмæ патриотизмæн æнæ фидар бындур æрæвæргæйæ, паддзахадон æмæ æхсæнадон интерестæн æнæ кусгæйæ. «Монон-хæрзнамысон хъомылады æмæ ахуырады æххæст концепци цæрæццаг скæнгæйæ, мах дзуапп ратдзыстæм рæзгæ монон гæвзыккдзинадæн æмæ ныхмæ æрлæудзыстæм, æхсæнады æмæ паддзахады цы тæссаг, куынæггæнæг фæзындтæ ис, уыдонмæ», — фидар æууæнкимæ загъта РХИ-йы Парламенты Сæрдар.