Nog adres

Мæскуыйы фембæлдзысты Тыбылты Леонид æмæ Владимир Путин

5yPGeOa6tZ2t.jpg

2015 азы 18 марты Мæскуыйы уыдзæн Республикæ Хуссар Ирыстоны Президент Тыбылты Леонид æмæ Уæрæсейы Федерацийы Президент Владимир Путины фембæлд. Фембæлды фæлгæтты нысангонд у дыууæ паддзахады ‘хсæн Æмцæдисдзинад æмæ интеграцийы тыххæй бадзырдыл къух æрфыссын.

Уæлдæр æмвæзадыл фембæлды рæстæджы æркастæуыдзæн регионалон æдасдзинадмæ хауæг дыууæварсон æмахастытæ æмæ æмархайды ахсджиаг фарстытæм.

Куыд зонæм, афтæмæй Хуссар Ирыстон æмæ Уæрæсейы ‘хсæн Æмцæдисдзинад æмæ интеграцийы тыххæй бадзырдыл бакуыст æрцыд дыууæ бæстæйы кусæгон къордты, æмæ РХИ-йы Президенты цур Политсоветы нымад æрцыд хорзыл.

РХИ-йы Фæсарæйнаг хъуыддæгты министрады зонæнтæм гæсгæ, бадзырды проект разыгонд æрцыд æппæт мидпаддзахадон органтимæ дæр.

Республикæ Хуссар Ирыстоны Президенты официалон сайт