Nog adres

ЧЕХОЙТЫ АСЛАНÆН ЛÆВÆРД ÆРЦЫД КАДДЖЫН АКАДЕМИКЫ НОМ

schechoev_0.jpg
Аивæдты Уæрæсейы академийы президиумы уынаффæмæ гæсгæ Санкт-Петербурджы проект «Ног музей»-ы бындурæвæрæг, меценат æмæ коллекционер Чехойты Асланæн саккаг кодтой аивæдты Уæрæсейы академийы академикы кадджын ном уæрæсейаг культурæйы рæзтмæ йæ нысаниуæгджын хайбавæрд бахæссыны тыххæй.

Ног музей, кæцы у Санкт-Петербурджы нырыккон аивæдты фыццаг публикон сæрмагонд музей, зындгонд у 20-æм æнусы дыккаг æрдæджы аивæдты нонконформистон классикты уацмысты уæрæх коллекцийæ. Музейы сырæзтæй фондз азмæ уым арæзт æрцыд 40 егъау равдыстыты проекты бæрц. Ног музей у тематикон æмæ персоналон равдыстытæ уадзыны бынат куыд зынгæ уæрæсейаг нывгæнджытæн, афтæ райдайгæ автортæн дæр. Музей кæны рухсадон, хæрзаудæн æмæ рауагъдон архайд.
Чехойты Аслан у дыккаг, зындгонд ирон нывгæнæг Козаты Ушангы фæстæ, Хуссар Ирыстоны æмбæстаг, кæцыйæн саккаг кодтой ацы бæрзонд ном.