Nog adres

Джусойты Нафийы аз райдыдта Мæскуыйы «минæварадон» диктантæй

1422826675_img_2390.jpg

Ирон литературæйы патриарх, зындгонд фыссæг, ахуыргонд æмæ публицист Джусойты Нафийы сфæлдыстады фæдыл гом диктант ауагъдæ-уыд 31 январы Мæскуыйы ирон æхсæнады. Ацы мадзалæн йæ организацигæнæг уыд Мæскуыйы Ирон æвзаджы клуб. Клубы разамынады куырдиатмæ гæсгæ диктанты текстæн ист æрцыд Джусойты Нафийы роман «Сырдоны цæссыгтæй» скъуыддзаг, бавдыста йæ Уæрæсейы Федерацийы РХИ-йы Уæлвæткон æмæ æххæстбарджын минæвар Медойты Димитр.

Медойты Димитр йæ бацæуæн ныхасы загъта рфæйы ныхæстæ Мæскуыйы ирон æхсæнадæн, Æхсæнады территорийыл сын ацы мадзал ауадзыны фадат кæй радтой, уый тыххæй. Уымæй дарддæр ма бузныг загъта, ацы гом диктант ауадзыны фæндон чи æрбахаста, уыцы Ирон æвзаджы клубæн.
«Сымахæн уе 'ппæтæн дæр зындгонд у, 19 январы РХИ-йы Президент Тыбылты Леонид кæй сфидар кодта Барамынд, цыран дзырдæуы, зæгъгæ, 2015 аз расидтæуыд зындгонд литературæзонæг, РХИ-йы зонæдты сгуыхт архайæг, филологон зонæдты доктор Джусойты Нафийы азæй. Æмæ мæнæн уæлдай æхсызгон у, Ирон æвзаджы клуб æмхъæлæсæй кæй сразы сты минæварады фæндоныл, цæмæй Джусойты Нафийы сфæлдыстады цытæн уагъд æрцæуа гом диктант», - загъта уый.

Уæрæсейы Федерацийы РХИ-йы минæварады сайт