Nog adres

ТЫБЫЛТЫ ЛЕОНИД ФЕМБÆЛД ДЗÆУДЖЫХЪÆУККАГ ÆМÆ АЛАЙНАГ АРХИЕПИСКОП ЗОСИМИМÆ

img_7823.jpg
Республикæ Хуссар Ирыстоны Президент Тыбылты Леонид Цæгат Ирыстоны фембæлд Дзæуджыхъæуккаг æмæ Алай-наг архиепископ Зосимимæ.
Фембæлды райдианы паддзахады сæргълæууæг ног 2015 азы цытæн раарфæ кодта Цæгат Ирыстон æмæ Уæрæсейы Федерацийы æппæт чырыстон уырнонтæн.
«Фыццаг рады мæ нæ адæмы номæй фæнды иууыл зæрдæ-бындæр арфæтæ зæгъын ног азы цытæн. Нымайын афтæ æмæ æрбалæугæ аз Хуссар æмæ Цæгат Ирыстонæн кæй уыдзæнис æнтысгæ», - загъта паддзахады сæргълæууæг.
Тыбылты Леонид зæрдыл æрлæууын кодта, ивгъуыд аз уый кæй фембæлд Мæскуыйаг æмæ Æппæт Уæрæсейы Патриарх Кириллимæ, кæцыйы рæс-тæджы уынаффæ цыдис, Хуссар Ирыстоны дины цардмæ чи хаудысты, бирæ ахæм фарстатыл æмæ ма йæ ныхасмæ бафтыдта, зæгъгæ, «абоны визит у уыцы фембæлд адарддæр кæнын». Паддзахады сæргълæууæджы ныхæстæм гæсгæ ныри-дæгæн бæлвырд æрцыдис республикæйы территорийыл ног чырыстон аргъуаны арæзтады бынат.
«Фæнды мæ банысан кæнын, демæ мæ фембæлды тыххæй æз кæй дзырдтон Цæгат Ирыстон-Аланийы Сæргълæууæг Мамсыраты Таймуразимæ, кæцы райгондæй рахæцыд нæ фæндæтты æвварс æмæ кæцытæ здæхт сты нæ адæмы духовон дуне баввахсдæр кæнынмæ. Уый ма мын ныфс бавæрдта æппæт дæр кæй сараздзæн, цы хæстæ сплан кодтам, уыдон сæххæст кæныны тыххæй», - банысан кодта Президент.
Ныхасы рæстæджы Тыбылты Леонид загъта, зæгъгæ, Хуссар Ирыстоны цæрджытæ стыр æххуыс æнкъардтой Цæгат Ирыстоны Чырыстон Аргъуаны 'рды-гæй æрмæст 2008 азы нæ, фæлæ уымæй бирæ раздæр дæр. Паддзахады сæргълæууæг ма йæ ныхасмæ бафтыдта, зæгъгæ, Дзæуджыхъæуккаг æмæ Алайнаг Эпархи æппæтдæр аразы, цæмæй æнцойад уа æрмæст Цæгат Ирыстоны нæ, фæлæ æгас Кавказы.

Хуссар Ирыстоны цы процесстæ цæуынц, уыдоны тыххæй дзургæйæ, Президент 2014 азы Хуссар Ирыстонæн рахуыдта абаргæйæ æнтысгæ. Тыбылты Леонид куыд банысан кодта, афтæмæй къухты бафтыд, план цыдæриддæр æрцыдысты, уыдон сæххæст кæнын.
«Хуссар Ирыстон йæхи цæттæ кæны Уæрæсейы Федерациимæ æмцæдисондзинад æмæ интеграцийы тыххæй Бадзырдыл къухтæ æрфыссынмæ, Хуссар Ирыстон æввахсдæр кæны Уæрæсемæ. Ахæм уавæрты интеграци цæудзæнис Цæгат Ирыстоныл», - загъта Президент.
Тыбылты Леонид ныфс бавæрдта, абон цы иумæйаг къахдзæфтæ арæзт цæуынц, уыдон Хуссар Ирыстоны Уæрæсемæ кæй хъуамæ æрбаввахс кæной духовон къабазы дæр.
img_7856.jpg
«Куыд æрвылбонон царды, афтæ аргъуанон царды дæр уæвынц бæрæг проблемæтæ. Ситуаци Хуссар Ирыстоны аивгъуыйгæ æнусы кæрон ахæм уыдис, æмæ æнæмæнгхъæуæг у нæ аргъуан, Алайнаг Епархийы сæндидзын кæнын. Æмбæрстгонд у, уыцы рæстæджы Уырыссаг Чырыстон патриархийæн йæ бон нæ уыд Хуссар Ирыстонимæ бастдзинæдтæ сфидар кæнын.
Фæлæ ныртæккæ, Патриарх Кириллимæ нæ фембæлды фæстæ бакуыстгонд æрцыдысты бæлвырд здæхтытæ ацы фарст аскъуыддзаг кæныны нысанæн. Уæ Епархийæн æнæмæнгхъæуæг у сбæлвырд кæна ахæм позици, кæцы баххуыс кæна Хуссар Ирыстоны аргъуанон дунейæн», - загъта паддзахады сæргълæууæг.
Абон иттæг æргомæй кæрæдзиимæ ныхас кæнæм æмæ реализаци цæуы æнгом æмгуысткæнынад уæрæсейаг коллегæтимæ хуссарирыстойнаг æхсæнады æппæт къабæзты дæр.
«Нымайын афтæ, æмæ нæ чырыстон æхсæнадтæ хъуамæ кæрæдзиимæ ныхас кæной официалон æмвæзадыл æмæ дарддæр размæ цæуæм. Чырыстонад у нæ сæйрагдæр дин æмæ уый фидар æрцыд РХИ-йы Конституцийы дæр», - йæ ныхас балхынцъ кодта паддзахады сæргълæууæг.
Йæ рады Дзæуджыхъæуккаг æмæ Алайнаг архиепископ банысан кодта, зæгъгæ, уымæн уæлдай æхсызгон у арфæйы ныхæстæ фехъусын Хуссар Ирыстоны адæмæй.
«Æз тынг уарзын æмæ аргъ кæнын Хуссар Ирыстоны адæмæн. Ацы зæххыл цæрынц чырыстон диныл хæст адæм, хæларзæрдæ адæм. Æз нымайын афтæ, æмæ мах стæм иу адæм. Берлины къул ныппырх æмæ мæ хъуыдымæ гæсгæ Ирыстоны дæр мах бæрæгбон кæндзыстæм, нæ адæмы баиуы бон», - загъта архиепископ.
«Æз æххæстæй хæцын дæ хъуыдыйы æвварс æмæ ацы фарстыл аргъуаны канонтæм гæсгæ мах ноджыдæр лæмбынæг уынаффæ кæндзыстæм йæ Рухсдзинад патриархимæ. Æз æххæстæй дих кæнын дæ катайдзинад æмæ дын бузныг уый тыххæй.
Æнæмæнг хъуыды кæнын хъæуы, цæмæй нын алцы дæр рауайа фæткмæ æмæ Хуыцауы закъонмæ гæсгæ. Ацы фарст скъуыддзаг кæнæм æмæ ма йыл ноджыдæр хъæуы ахъуыды кæнын, цæмæй Хуссар Ирыстон дарддæр дæр интеграци цæуа Уæрæсеимæ куыд политикон, афтæ духовон æгъдауæй дæр. Уый у иттæг ахсджиаг æмæ раст.
Хуссар Ирыстоны чырыстон уырнонтæ хъуамæ æрбаиу уой иууон омофоры бын æмæ фидæны балæууой Уырыссаг Чырыстон аргъуаны омофоры бын. Мах аразæм æмæ дарддæр дæр араздзыстæм æппæт дæр, цæмæй ацы хæстæ скъуыддзаг æрцæуой» -, загъта архиепископ.
Дзæуджыхъæуккаг æмæ Алайнаг архиепископ Зосимы цæст Хуссар Ирыстоны адæмæн бауарзта Хуыцауы хæрзиуæг.
«Хуссар Ирыстоны цæрынц фæллойгæнджытæ, кæцыты фæнды æмæ сæм уа сабырад, уымæн æмæ уыдон бирæ цыдæртæ бавзæрстой. Бирæ хъизæмæрттыл рацыдысты. Æмæ абон уыдоны фæнды духовон сабырдзинад, духовон æнцойад. Уыдон сты чырыстойнаг уырнонтæ», - йæ ныхасмæ бафтыдта архиепископ.
Паддзахады сæргълæууæг Дзæуджыхъæуккаг æмæ Алайнаг архиепископ Зосимы фæхуыдта Хуссар Ирыстонмæ йæ коллегæтимæ фембæлынмæ.
Фембæлды хайад райстой дины хъуыддæгты фæдыл РХИ-йы Президенты цур æххæстбарджын Хуыбиаты Соня, афтæ ма Дзæуджыхъæуккаг Епархийы секретарь сауджын Гаглойты Савва.

РХИ-йы Президенты
официалон сайт