Nog adres

Уæрæсейы/ Хор фæсарæнтæм æрвитдзысты къаддæр

Уæрæсейы вице-премьертимæ хъуыддаджы фембæлды рæстæг бæстæйы премьер-министр Дмитрий МЕДВЕДЕВ фехъусын кодта, Уæрæсейы Хицауад хоры экспортæн рæстæгмæ административон гæрæнтæ кæй сфидар кæндзæн, ахæм хабар.
Ацы аз нæ бæстæ бафснайдта хоры æвæджиауы тыллæг. Хоры экспорт бæлвырд кæй фæфылдæр, уымæ гæсгæ нæ хæс у æмбæлгæ æвæрæнтæ саразын. Административон гæрæнтæ æвæргæйæ, базарады архайджытимæ æмбæлы баныхас кæнын, - загъта Д. Медведев.
Кæй бафснайдтам, уыцы 104 милуан тоннæйы хорæй фæсарæнтæм ауæйгæнæн ис 28 милуан тоннæйы. Ацы бæрцæй ныридæгæн ауæй кодтам 21 ми-луаны. Рæхджы хоры экспортон фиддонтæ сфидар кæныны тыххæй уынаффæйы проект бацæттæ кæндзыстæм, - загъта вице-премьер Аркадий Двор-кович.

Декабры æмбисы хоры егъау экспортертæ - Хъæууонхæдзарадон продукцийы экспортерты национ цæдисы уæнгтæ - фехъусын кодтой, мидбæстон базары уавæр цалынмæ нæ банывыл уа, уæдмæ экспортон хоры æлхæдæн рæстæгмæ кæрон æвæрд кæй æрцæудзæн, ахæм хабар. Дунейы хоруæйгæн-джыты æхсæн Уæрæсе ахсы цыппæрæм бынат. Ссад æмæ хор кæй фæзынаргъ сты, уымæ гæсгæ декабры райдайæны егъау ритейлертæ фехъусын кодтой, дзулы аргьыл кæй бафтыд, уый.
- Æргъты тагъд рæзт административон мадзæлттæй бауромын зын у. Нæ хæс у хоры æргъты рæзт бауромын æмæ мидбæстон фæлхасадæн æвæрæнтæ саразын, - зæгъы УФ-йы хъæууон хæдзарад æмæ хойраджы министр Николай Федоров.
Монополийы ныхмæ федералон службæ регионты дзулфыцæн æмæ хорæссæн куыстуæтты куыст бæрæг кæнын райдыдта.