Nog adres

Арфæтæ

ЙÆ БÆРЗОНДДЗИНАД УÆРÆСЕЙЫ ФЕДЕРАЦИЙЫ ПРЕЗИДЕНТ ВЛАДИМИР ВЛАДИМИРЫ ФЫРТ ПУТИНМÆ
Цытджын Владимир Владимиры фырт!
Зæрдиаг арфæ дын кæнын æрцæуинаг Ног аз æмæ Цыппурсы уаз бæрæгбоны цытæн.
Фидарæй мæ уырны, 2015 аз кæй уыдзæн алы фадыджы дæр хуссарирыстойнаг-уæрæсейаг хæларадон æмахастытæ сфидар кæныны æмæ рæзыны аз. Ногазон бæрæгбонты агъоммæ, цытджын Владимир Владимиры фырт, дæуæн æмæ æппæт Уæрæсейы цæрджытæн мæ зæрдæ зæгъы фидар æнæниздзинад, хæрзиуджытæ æмæ фæрныгад.
Республикæ Хуссар Ирыстоны Президент ТЫБЫЛТЫ Леонид

ЙÆ БÆРЗОНДДЗИНАД РЕСПУБЛИКÆ ХУССАР ИРЫСТОНЫ ПРЕЗИДЕНТ ТЫБЫЛТЫ ЛЕОНИДМÆ
Цытджын Леонид Харитоны фырт!
Зæрдæбынæй дын арфæ кæнын æрбалæугæ Ног азы æмæ Цыппурсы бæрæгбоны сæраппонд.
Ацæугæ аз уыдис иттæг ахсджиаг Республикæ Хуссар Ирыстоны рæзтæн, куыд демократон барадон паддзахад, афтæ ма нæ бæстæты 'хсæн хæларадон, æмцæдисон ахастытæ фидардæр кæныны.
Ныфс мæ ис, 2015 азы мах дарддæр æнтысгæ иумæйаг куыст кæй кæндзыстæм дыууæфарсон æмкуысткæнынады æппæт комплекс тынгдæр кæныны фæдыл. Уый дзуапп дæтты Уæрæсе æмæ Хуссар Ирыстоны æфсымæрон адæмты бындурон интерестæн, Хуссар Кавказы регионы æдасдзинад æмæ стабилондзинад ифтонг кæнынæн.
Мæ цæст дæуæн æмæ дæ хиуæттæн уарзы фидар æнæниздзинад, амонд æмæ æнтыстытæ, æппæт дæ æмфыдыбæстæйонтæн та - сабырад æмæ фæрныгад.
Цытимæ,
Уæрæсейы Федерацийы Президент В. ПУТИН

ЙÆ БÆРЗОНДДЗИНАД УÆРÆСЕЙЫ ФЕДЕРАЦИЙЫ ХИЦАУАДЫ СÆРДАР ДМИТРИ МЕДВЕДЕВМÆ
Цытджын Дмитри Анатолийы фырт!
Айс мын мæ иууыл зæрдæбындæр арфæтæ æрбалæугæ Ног азы æмæ Цыппурсы бæрæгбоны сæраппонд.
Уырны мæ, дæ комкоммæ хайадистæй ног 2015 аз кæй уыдзæн Республикæ Хуссар Ирыстон æмæ Уæрæсейы Федерацийы 'хсæн стратегион партнердзинад фидардæр кæнын æмæ дарддæр рæзын кæныны аз нæ бæстæты æфсымæрон адæмты хæрзиуæгæн.
Æрбалæугæ Ног азы дæуæн, цытджын Дмитри Анатолийы фырт, мæ цæст уарзы фидар æнæниздзинад, æвидигæ хъарутæ æмæ ног æнтыстытæ Фыдыбæстæйæн лæггад кæныны бæрзонд хъуыддаджы, дæ æввахс хиуæттæн та - сабырад æмæ фæрныгад.
Республикæ Хуссар Ирыстоны Президент ТЫБЫЛТЫ Леонид

Йæ Бæрзонддзинад Республикæ Хуссар Ирыстоны Президент Тыбылты Леонидмæ
Цытджын Леонид Харитоны фырт,
Зæрдæбынæй дын арфæ кæнын Ног азы æмæ Цыппурсы бæрæгбоны цытæн!
Хуссар Ирыстонæн ацæугæ азы йæ къухты бафтыдысты нысаниуæгджын æнтыстытæ паддзахадон арæзтады æмæ социалон-экономикон рæзты. Дарддæр кæнынц уæрæсейаг-хуссарирыстойнаг ахастыты бадзырдон-барадон бындуртæ, арфдæр кæны æмгуысткæнынад базарадон-экономикон, гуманитарон æмæ æндæр къабæзты.
Уырны мæ, иумиаг тыхтæй мах кæй сифтонг кæндзыстæм биæрпланон, дыууæфарсон æмархайды дарддæры фидар рæзт. Ратдзыстæм старт ног цымыдисон проекттæн, кæцытæ хынцыд сты даргъæмгъуыдон перспективæйы.
Цытджын Леонид Харитоны фырт, мæ зæрдæ дын зæгъы фидар æнæниздзинад æмæ æнтыстытæ, хуссарирыстойнаг æмбæстæгтæн та сабырдзинад æмæ царды æппæт хæрзиуджытæ.
Цытимæ, Уæрæсейы Федерацийы
Хицауады Сæрдар Дмитри Медведев

РХИ-йы Хицауады Сæрдар Хъуылымбегты Доменти раарфæ кодта фæсарæйнаг бæстæты хицауадты сæргълæуджытæн æмæ æндæр официалон адæймæгтæн æрбалæугæ бæргбонтæ - Ног аз æмæ Цыппурсы цытæн.
Арфæйы телтæ, сæрмагондæй, æрвыст æрцыдысты УФ-йы Хицауады Сæрдар Дмитри Медведев, Цæгат Ирыстон-Аланийы Сæргълæуæг Мамсыраты Таймураз, РЦИ-Аланийы Хицауады Сæрдар Тæкъоты Сергей, Абхазы премьер-министр Беслан Бутба, Приднестроваг-Молдоваг Республикæйы Хицауады Сæрдар Татьяна Туранскаямæ.
УФ-йы Хицауады Сæрдар Дмитри Медведевмæ æрвыст арфæйы телы Хъуылымбегты Доменти банысан кодта, дыууæ бæстæйы 'хсæн активонæй цы интегративон процесстæ рæзынц, уыдоны тыххæй.
«Ацæугæ аз ссис Уæрæсейы Федераци æмæ Республикæ Хуссар Ирыстоны 'хсæн хæлардзинады æмæ æмгуыстады ахастытæ фидардæр кæныны ирд этап. Хуссар Ирыстоны адæм бузныгдзинады æнкъа-рæнтимæ нысан кæнынц æфсы-мæрон æххуыс, кæцы Уæрæсейы Федераци æмæ сæрмагондæй дæхæдæг кодтай æмæ дарддæр æххуыс кæнут нæ республикæйæн йæ политикон æмæ социалон-экономикон рæзты…
Уырны мæ, традицион хæларадон, историон хæларсыхагон ахастытæ нæ бæстæты 'хсæн дарддæр дæр кæй уыдзысты даргъæмгъуыдон ирон-уæрæсейаг партнерондзинады рæзты фидар бындур», - дзырдæуы телы.
Æрбалæугæ Ног азы æмæ Цыппурсы бæрæгбоны цытæн ма арфæтæ æрвыст æрцыдысты УФ-йы Хицауады Сæрдары хæдивæг Александр Хлопонин, УФ-йы Президенты æххуысгæнæг Владислав Сурков, ХПÆ-йы бæстæтимæ, Абхаз æмæ Хуссар Ирыстонимæ социалон-экономикон æмгуысткæнынады фæдыл УФ-йы Президенты Управленийы хистæр Олег Говорун, УФ-йы Æдасдзинады советы нымæрдары хæдивæг Рашид Нургалиев, Цæгат Кавказы хъуыддæгты фæдыл УФ-йы министры хæдивæг Андрей Резниковмæ æмæ æндæр официалон адæймæгтæм.

УФ-ЙЫ ХИЦАУАДЫ СÆРДАР ДМИТРИ МЕДВЕДЕВ АРФÆ РАКОДТА ХУССАР ИРЫСТОНЫ ХИЦАУАДЫ СÆРДАР ХЪУЫЛЫМБЕГТЫ ДОМЕНТИЙÆН
Йæ арфæйы фыстæджы Дмитри Медведев банысан кодта Уæрæсейы Федераци æмæ Хуссар Ирыстоны 'хсæн æмгуыстады перспективæтæ: «… Уæрæсе æмæ Хуссар Ирыстоны къухы бафтыд практикон æмгуыстады рæзты ахсджиаг фæстиуджытæ. Фæхуыздæр сты æмархайды механизмтæ социалон-экономикон фадыджы. Бадзырдон-барадон базæйы арæзтадыл куыст дарддæр цæуы, рæзынц не 'хсæн æмахастытæ. Æххæст цæуынц ног инвестицион проект-тæ, кæцытæ ахъаз уыдзысты Хуссар Ирыстоны æмбæстæгты царды уавæртæ фæхуыздæр кæнынæн.
Фидарæй мæ уырны, æрцæуинаг аз уæрæсейаг-хуссарирыстойнаг æмгуысткæнынад фидар кæй кæндзæн алы фадыджы дæр.
Мæ зæрдæ дын зæгъы, цытджын Доменти Сардионы фырт, æнæниздзинад, амонд æмæ æнтыстытæ, æфсымæрон хуссарирыстойнаг адæмæн та фарн æмæ хæрзиуджытæ.

Цытджын æмбæстæгтæ, зынаргъ хæлæрттæ!
Мах лæууæм Ног 2015 азы къæсæрыл. Ног аз у диссаджы бæрæгбон, уæд иу уысммæ ивгъуыд æрбаиу вæййы фидæнимæ, уый ма уникалон у уымæй дæр æмæ нæ амонд æмæ циндзинад, позитивон ивындзинæдтæ æмæ хуыздæр царды ныфс бауырны, ацы диссаджы уавæры нæ планетæйы милуангай зæрдæтæ баиу кæнгæйæ. Афæдзы дæргъæн рæстæгмæйон тыгъдады сæр-ты хизгæйæ, мах, кæй зæгъын æй хъæуы, хатдзæгтæ саразæм, нывæн-дæм фидæны цард. Уый махæн цахæм уыдзæн, уый фыццаг рады, баст у нæхиуыл, хицауады, республикæйы æппæт æмбæстæгты хъæддых куысты эффективондзинадыл, абоны райсгæ уынаффæтæ цас раст сты, ууыл.
Ацæугæ аз хъæздыг уыд алыгъуызон цаутæй æхсæнадон царды æппæт къабæзты. Парламентон æвзæрстытæ, кæцытæ уагъд æрцыдысты 2014 азы июны, систы ахсджиаг æхсæнадон-политикон цау нæ республикæйы царды. Æхсæзæм æрсидты Парламент кусы закъондæттынадон базæ дарддæр баххæст кæнын æмæ рæзтыл, йæ демократон бындуртæ йын фидар кæныныл. Мах æнтыстджынæй фæуд кæнæм ацы аз, уырны мæ, не ‘нтыстытæ бафидар æмæ фылдæргонд æрцæудзысты иннæ, 2015 азы.
Цытджын æмбæстæгтæ! Зынаргъ хæлæрттæ! Ацæугæ азы фæстаг сахатты æмæ минутты мæн фæнды раарфæ кæнын сымахæн уæ куысты, уе ‘рвылбонон фæллойы тыххæй, уымæн æмæ нæ къухы бафтгæ æнтыстытæ, нæ иумиаг æнтыст алыхатт дæр баст сты æппæт адæмы архайдтытæ æмæ тырнындзинæдтимæ.
Нæ республикæйы Парламенты æмæ сæрмагондæй мæхи номæй мæ зæрдæ зæгъы сымахæн, уæ бинонтæн æмæ уæ хиуæттæн фидар æнæниздзинад, амонд, царды æппæт хæрзиуджытæ, сабырдзинад, стабилондзинад æмæ дидинæфтыд. Уадз, рухсдзинад æмæ циндзинадæй йе-дзаг уæнт уæ зæрдæтæ, уадз, алы ног бон дæр уын хæссæд циндзинад æмæ ныфсдзинад, зæгъгæ, нæ хуыздæр фæндтæ нырма разæй сты æмæ уыдон æнæмæнгæй дæр сæххæст уыдзысты!
Амондджын æмæ арфæгонд ут, мæ зынаргъ адæм, мæ зынаргъ æмбæстæгтæ! Хорздзинад æмæ æнæниздзинад нын æрхæссæд Ног аз!
Республикæ Хуссар Ирыстоны Парламенты Сæрдар БИБЫЛТЫ Анатоли

ХУССАР ИРЫСТОНЫ ПАДДЗАХАДОН УНИВЕРСИТЕТТЫ СТУДЕНТТЫ АРФÆТÆ ПРЕЗИДЕНТ ТЫБЫЛТЫ ЛЕОНИДÆН
Цытджын Леонид Харитоны фырт!
Ног азы къæсæрыл дын Хуссар Ирыстоны паддзахадон университеты студентты номæй зæгъæм иууыл хъармдæр æмæ зæрдиагдæр ар-фæйы ныхæстæ ент æмæ
Хицауады пресс-служббæрæгбоны цытæн. Уадз, æмæ 2015 аз уæд иудзинад æмæ тыхдæттæг нæ адæмæн, кæцыйæн ды дæ йæ аккаг раздзог.
Нæ зæрдæ дын зæгъы фидар æнæниздзинад, цæмæй бирæ азты дæргъы махæн лæвар кæнай де 'нтыстдзинад, дæ зонындзинæдтæ Ирыстоны тыххæй; нæ зæрдæ дын зæгъы амонд, цæмæй дæ бинонтæн сæ хуыздæр уазæг уа циндзинад æмæ фæрныгад; нæ зæрдæ дын зæгъы æнтыстытæ, цæмæй дын царды фæндагыл байгом уой ног дуæрттæ, ног фæндæгтæ царды бæрзæндтæм. Нæ фæсивæдæн хорз цæвиттон уæвгæйæ, ды ахуыр кæныс мах уæзбын зондыл, раст фæндæттæ рахæссыныл æмæ куырыхондзинадыл, ацы миниуджытæ та тынг хъæуынц ныртæккæйы царды.
Цытджын Леонид Харитоны фырт, нæ цæст дын уарзы фарн æмæ хæрзиуджытæ æрцæуинаг азы!

РЕСПУБЛИКÆ ХУССАР ИРЫСТОНЫ ПРЕЗИДЕНТ ТЫБЫЛТЫ ЛЕОНИД АРФÆЙЫ ТЕЛТÆ АРВЫСТА
Уæрæсейы Федерацийы Федералон Æмбырды Паддзахадон Думæйы Сæрдар Сергей Нарышкинмæ, Уæрæсейы Федерацийы Федералон Æмбырды Федерацийы Советы Сæрдар Валентинæ Матвиенкомæ, Йæ Рухсдзинад Мæскуыйаг æмæ Æппæт Уæрæсейы Патриарх Кирилмæ, Уæрæсейы Федерацийы Хицауады Сæрдары хæдивæг Александр Хлопонинмæ, Уæрæсейы Федерацийы Фæсарæйнаг хъуыддæгты министр Сергей Лавровмæ, Уæрæсейы Федерацийы Президенты æххуысгæнæг Владислав Сурковмæ, Республикæ Цæгат Ирыстон-Аланийы Сæргълæууæг Мамсыраты Таймуразмæ, Республикæ Абхазы Президент Рауль Хаджимбамæ, Приднестроваг-Мол-доваг Республикæйы Президент Евгени Шевчукмæ.
Президент Тыбылты Леониды номыл ногазон арфæйы телтæ æрбарвыстой Хæххон Къарабахы Республикæйы Президент Бако Саакян, Республикæ Абхазы Президент Рауль Хаджимба...