Nog adres

Анонс

 PC120007_0.JPG

Бæрæг куыд у, афтæмæй 10-æм декабры Мæскуыйы уыд Уæрæсейы Федерацийы æмæ Хуссар Ирыстоны 'хсæн социалон-экономикон æмкуысткæнынады фæдыл 12-æм Æхсæнхицауадон къамисы радон рабадт, цыран дзырд цыд 2014 азы Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийы фарстаты фæдыл.
Æхсæнхицауадон къамисы рабадты фæстиуджыты тыххæй РХИ-йы Хицауады Сæрдар Хъуылымбегты Доменти 12-æм декабры ауагъта брифинг, цыран æрдзырдта, ацы азы Инвестпрограммæйы фæлгæтты цы арæзт æрцыд æмæ 2015 азы та цы арæзт цæудзæн, уыцы фарстаты фæдыл, афтæ ма Уæрæсейы Федерацийы æрдыгæй Хуссар Ирыстон финансгонд куыд цæудзæн, уый тыххæй.
Брифинджы тыххæй лæмбынæгдæр бакæсдзыстут нæ газеты радон номыры.