Nog adres

Хицауады/ Тыхстдæр уавæры чи ис, уыдонæн - хæдзæрттæ

Нæ республикæйы къухдариуæгад аскъуыддзаг кодта республикæйы сæрмагонд цæрæн фонд саразын. Ацы фæндонæй разыйæ баззадысты Хицауады æмбырды дæр. Фарсты фæдыл ныхасы рацыд Хицауады аппараты къухдариуæггæнæг Бедойты Элеонорæ æмæ фæндон бахаста, цæмæй цæрæн фондмæ хаст æрцæуой, Тъбеты хъæуы цы дæс коттеджы арæзт æрцыд, уыдон.
«Ацы дæс коттеджы нæ республикæйæн балæвар кодта Тюмены область 2008 азы Гуырдзыстоны агрессийы фæстиуæгæн. Æмæ Хуссар Ирыстоны паддзахадон исадмæ æрбафтыдысты 2010 азы июны мæйы», - загъта Элеонорæ.
Æнæниздзинад æмæ социалон рæзты министрады сконды уæвæг лигъдæттæ æмæ æбарвæндæй йæ цæрæнуатæй лидзинаг чи фæцис, уыдон тыххæй къамис фæндон рахаста, цæмæй ацы дæс коттеджы лæвæрд æрцæуой рæстæгмæ цæрынæн, йæ цæрæнуæттæй лидзинаг чи фæцис, уыдонæн. Хицауады аппараты сæргълæууæг куыд фехъусын кодта, афтæмæй Къамис рахицæн кодта, уæлдай тыхст чи у, дæс ахæм бинонты. Нæ республикæйы Уæлвæткон уавæрты министр Бибылты Анатоли банысан кодта, зæгъгæ, ног цæрæн хæдзæрттæм цалынмæ цæрджытæ æрвыст не 'рцыд, уæдмæ уал æмбæлон уагмæ конд хъуамæ æрцæуой. Æрæмбырдуæвджытæн Бедойты Элеонорæ фехъусын кодта, коттеджтæм ныридæгæн æрдзон газ æмæ электроны рухс уагъд кæй æрцыд. Вазыгджын фарстæй лæууы канализацион фарст æмæ уый дæр тагъд рæстæджы скъуыд-дзаг æрцæудзæн.
DSC00468.JPG
Президенты хæстæ æххæстгæнæг Вадим Бровцев Экономикæйы рæзты министр Хæбæлаты Алексийæн бахæс кодта, цæмæй оперативон æгъдауæй æркæса фарстмæ, ома приватизаци кæнæн сын ма уа, æмæ цæмæй бæрнон организацитимæ бадзырдтæ арæзт æрцæуой.
Кокайты З.