Nog adres

Хуссар Ирыстоны хъуыддаг ис дунеон дипломатон миссиимæ

PB172524.JPG
Инциденттæ ма æруадзын æмæ сæм хъусдард здахыны фæдыл механизмты куысты архайд у æнтыстджын цæвиттон, цыран куыст цæуы практикон механизмтыл. Уымæн фæахъаз сты алы бæстæты дипломаттæ - ИНО, Евроцæдис, ЕÆÆО, АИШ, УФ, Хуссар Ирыстон æмæ Гуырдзыстон. Уый у практикон механизм. Механизмты формат у уникалон æмæ хаст æрцæудзæн дунеон дипломатийы историмæ.
Механизмты фæлгæтты фембæлд ацы хатт уыд юбилейон 50-æм æмæ ацы аз та - фæстаг. Фембæлды хæдразмæ Хуссар Ирыстонæй делегацийы сæргълæууæг Гаглойты Хох информацион фæрæзты минæвæрттæн радзырдта механизмты форматы нысаниуæг æмæ боны фæткы цы фарстытыл дзырд цæудзæн, уыдон фæдыл.
Йæ ныхæстæм гæсгæ, механизмты формат у ахæм структурæ, кæцы организаци æрцыд дунеон дипломатон форматы фæлгæтты - Хуссар Кавказы æдасдзинады фæдыл Женевæйы дискусситы. Механизмты 50-æм фембæлд уагъд кæй æрцыд, уый дзурæг у ууыл, æмæ Хуссар Ирыстоны хъуыддаг кæй ис дунеон дипломатон продуктивон фæстиуæгджын миссиимæ. Механизмты формат æмткæй архайы хуссарирыстойнаг-гуырдзиаг паддзахадон арæны периметрыл.
Хуссарирыстойнаг делегацийы сæргълæууæг Гаглойты Хох, фембæлдæн фæстиуджытæ аразгæйæ, банысан кодта, зæгъгæ, фæстаг фембæлдæй фæстæмæ цы инциденттæ æрцыд, фæрстæ æрдзырдтой уыцы статистикæйыл. Хайадисджытæ куыд банысан кодтой, уымæ гæсгæ, æмткæй сисгæйæ, Хуссар Ирыстон æмæ Гуырдзыстоны 'хсæн æдасдзинады уавæр у стабилон. Нæ фæфылдæр сты инциденттæ æмæ арæнхалджыты нымæц.

Хуссарирыстойнаг делегаци гуырдзиаг фарсæн æнæразыдзинад равдыста, Хуссар Ирыстоны паддзахадон арæныл арæнгæрон нысæнттæ æхсæнгарзæй æхст кæй æрцыдысты - Хуссар Ирыстоны хъæу Куатетри æмæ гуырдзиаг хъæу Дирбы æмæ Абреу æмæ Кадискъарийы. Уыцы цаутæ нысан æрцыдыдысты, бынтон провокацион архайдтытыл æмæ гуырдзиаг фарсмæ æрсидтысты, цæмæй саразой æппæтдæр, æмæ ахæм архайдтытæ дарддæр мауал æрцæуой.
Фембæлды рæстæджы хуссарирыстойнаг фарс механизмты хайадисджытæн фехъусын кодта, Хуссар Ирыстоны терри-торийыл уæззау фыдракæнд чи сарæзта, ахæм ахст æмбæстаг Гуырдзыстонæй Хуссар Ирыстонмæ паддзахадон арæныл хизгæйæ ахст кæй æрцыд.
Хуссар Ирыстоны фарсы бæрæггæнæнтæм гæсгæ ма Гуырдзыстоны территорийыл æмбæхсынц, уæззау фыдракæндтæ чи сарæзтой, ахæм 3 фыдгæнæджы. Уый тыххæй æрсидтысты гуырдзиаг фарсмæ, цæмæй æппæт амæлттæй дæр бæлвырд æрцæуой уыцы фыдгæнджытæ æмæ лæвæрд æрцæуой тæрхондонон органтæм.
Гаглойты Хохы ныхæстæм гæсгæ, дискусситы рæстæджы рарастгонд æрцыд дунеон минæвæртты позици, кæцытæ хатт раст нæ фæпайда кæнынц термин «бынæттон цæрджытæй».
Хуссар Ирыстонæн Гуырдзыстонимæ паддзахадон арæны периметрыл бынæттон цæрджытæ нæй, уыдон сты, Гуырдзыстоны фарсæрдыгæй хуссарирыстойнаг арæнгæрон территорийыл чи цæрынц, уыдон, æмæ иннæрдæм - Хуссар Ирыстоны фарсæрдыгæй арæнгæрон территорийыл чи цæры, уыцы цæрджытæ.
Инциденттæ ма æруадзын æмæ сæ аиуварс кæныны фæдыл механизмты радон рабадт уагъд æрцæудзæн 2015 азы 20 январы.
Нæ уацх.