Nog adres

РУЧЪЫ ТЪУНЕЛЫ ДЫККАГ ЦАРД

PB050149.JPG
Дыууæ Иры чи иу кæны, уыцы стратегион объект – Ручъы тъунел дæргъвæтин цалцæггæнæн куыстыты фæстæ знон 5 ноябры гом æрцыд официалонæй. Зæгъын хъæуы уый æмæ ацы тъунелы æрцыд тынг бирæ вазыгджын куыстытæ. Планмæ гæсгæ тъунелы арæзтадон куыстытæ хъуамæ фæуыдаиккой 2015 азы. Фæлæ тъунеларазæг фирмæ ОАО «Оск-Мост» æмгъуыдæй раздæр фесты куыстытæ. Ныр тъунел дзуапп дæтты æппæт нырыккон домæнтæн æмæ нымад цæуы æгас Цæгат Кавказы иууыл вазыгджын æмæ хæрзарæзтдæр объектыл. Тъунелы дæргъ у 3 км. æмæ 730 метры, йæ арæзтадыл бахардз 20 милуан сомы бæрц. Мидæгæй ифтонг æрцыд камерæтæй, винтиляци æмæ æппæт техникон фæрæзтæй. Цæгатварсæрдыгæй ис административон объекттæ, ирвæзынгæнæн балæууæнтæ, медпункт æмæ цардуагон объекттæ. Тъунелы мидæг цы 96 камерæ монтажгонд æрцыдысты, уыдон фиксаци кæнынц тъунелы алы метры дæр цы змæлд цæуы, уый.
Сæйраг тъунел байгом æмæ ныр та фирмæ «ОКС-Мост» - бавнæлдта æмæ капиталонæй цалцæг кæны уæлæмхас тъунелы. Уый дæр сæйраг тъунелау хъуамæ уæрæхдæр æрцæуа, арæзт ифтонг æрцæудзæнис нырыккон домæнтæм гæсгæ.
Цытджын церемонимæ æрæмбырд бирæ адæм.
Хайад дзы райстой Хуссар æмæ Цæгат Ирыстоны дыууæ Президенты Тыбылты Леонид æмæ Мамсыраты Таймураз, Уæрæсейы Федерацийы Транспортон министрады департаменты сæргълæууæг Владимир Стругацкий, Цæгат Кавказы Федералон-фæндагон агенствойы сæргълæууæг Мæхъиты Гайоз, акционерон æхсæнад «ОСК-Мост»-ы директоры фыццаг хæдивæг Виктор Фризин æмæ æндæртæ.

PB050172.JPG PB050139.JPG
Ам ма уыдысты куыд бынæттон дзыллон информацийы фæрæзты минæвæрттæ нæ, афтæ Уæрæсейы централон телеуынынады каналты уацхæсджытæ дæр.
Райдианы ныхасы бар лæвæрд æрцыд Цæгат Ирыстон-Аланийы сæргълæууæг Мамсыраты Таймуразæн. Уый æрдзырдта нæ адæмы царды Ручъы тъунелы ахсджиаг нысаниуæгыл.
PB050153.JPG
Абон ацы бæрæгбон канд тъунел аразджыты бæрæгбон нæу, уый уæххыл цыдæриддæр ирон адæм цæуы, уыдон бæрæгбон. Растдæр ацы тъунелы фæрцы ис иудзинад дыууæ Ирæн. Бирæ азты, 40 азмæ хæстæг фæлæггад кодта ацы фæндаг дыууæ адæмæн. Ацы фæндаг бирæ дудгæбон æмæ фыдæвзарæнтæ баййæфта йæ хуссар фарс цы адæм цæры, уыдонау. Уæддæр йæ лæггады хай кодта, блокадæйы куы бахаудысты не ‘фсымæртæ, уæд бирæ уæзласæн машинтæ ацыд йæ уæлæ.та 1989 азæй 2008 азмæ хæстон техникæ дæр æххуысмæ цыдис Хуссар Ирыстонмæ. Куыд адæймаг зæронд кæны, афтæ базæронд Ручъы тъунел дæр. Хъуыд æй цалцæг кæнын. Уæрæсейы Федерацийы фæрцы абон мах уынæм хæрзарæзт тъунел æмæ сын уый тыххæй стыр бузныг дзырдта Республикæ Цæгат Ирыстон-Аланийы СæргълæууæгМамсыраты Таймураз.
Ныхасы рацыд Республикæ Хуссар Ирыстоны Президент Тыбылты Леонид:
- Ручъы тъунел тынг ахсджиаг у æгас Ирыстонæн, фæлæ махæн, Хуссар Ирыстоны адæмæн, сæ иунæг стыр ныфс кæй у, ууыл дызæрдыг мачи кæнæд. Канд хæстон цаутæ куы цыд, уыцы заманы нæ, фæлæ цыфæнды рæстæджы дæр у ахæм иунæг транспортон фæндаг, кæцы бæтты Цæгат æмæ Хуссар Ирыстоны. Мæ размæ Республикæ Цæгат Ирыстон-Аланийы Сæргълæууæг Мамсыраты Таймураз куыд загъта, афтæмæй Ручъы тъунел ахъаз уыдзæнис канд Цæгат æмæ Хуссар Ирыстоны экономикон райрæзтæн нæ, фæлæ æгас Уæрæсеимæ не ‘хсæнпаддзахадон ахастытæн дæр.
Махæн Уæрæсе у не стратегион партнер. Трнаскавказы магистрал æмæ Ручъы тъунел та сты, нæ паддзахадтæ нын чи бæтты уыцы фæндаг. Ручъы тъунел цæуы Сæйраг Кавказы хохырагъыл, денджызы æмвæзадæй 2 км. бæрзндæн. Йæ дæргъ у 3 км. 73 метры. Уый арæзт æрцыд 1985 азы æмæ уæдæй нырмæ никуы æрцыд цалцæг. 2012 азы Уæрæсейы Федерацийы хъæппæрисæй ист æрцыд уынаффæ, цæмæй капиталон цалцæг æрцæуа. Дыууæ азы бæрц транспорт цыдис уæлæмхас тъунелыл. Хъуамæ тъунелы арæзтадон куыстытæ фæуыдаиккой 2015 азы, фæлæ уыдон фесты æмгъуыдæй раздæр.
Æцæг, ныр та куыстытæ цæуы нæ уæлæмхас тъунелы. Ныр ацы тъунел гом кæй æрцыд, уый канд аразджыты бæрæгбон нæу, фæлæ мах дæр - дзырдта Республикæ Хуссар Ирыстоны Президент Тыбылты Леонид.
Цытджын церемонийы ноджы дæр раныхас кодтой тъунеларазæг арæзтадон фирмæ «ОСК-Мост»-ы хистæры фыццаг хæдивæг Виктор Фризин æмæ æндæртæ.
Уый фæстæ уазджытæ цытджын æгъдауæй алыг кодтой лентæ.
Бæрæгбонон мадзал адарддæр кодта концерт.

УАЗÆГТЫ Марфа