Nog adres

Республикæ Хуссар Ирыстоны Фæсарæйнаг хъуыддæгты министрады комментари

14 октябры Гуырдзыстоны хъахъхъæнынады министр Иракъли Аласания фехъусын кодта, зæгъгæ, дунеон æхсæнады æндæвдады фæрцы Гуырдзыстон райдайдзæн Хуссар Ирыстон æмæ Абхазы «деоккупаци», æмæ дыууæ бæстæйы Парламентты нормативон акттæн та ницы дунеон æмæ барадон аргъ ис Гуырдзыстоны цæсты.
Уыдонæн æцæгдзинад куыд у, афтæмæй йæ райсыны раз цæлхдурæй лæууы гуырдзиаг политикты зыгъуыммæ цæстæнгас. Республикæ Хуссар Ирыстоны уæвынады фарст дæр æмæ йæ паддзахады органтæ цы фæндæттæ рахастой, уыдон дæр, гуырдзиаг чиновникты цæсты аргъ цæмæн ис, уыдоныл баст не сты.

«Оккупацийы кой куы кæнæм, уæд зæгъын хъæуы уый, æмæ женевæйаг дискусситы 20-æм раунды рæстæджы ацы фарстыл уынаффæ кæнынмæ цы хæдбар дунеон эксперттæ хуынд æрцыдысты, уыдон загътой сæ хъуыды, зæгъгæ, Хуссар Ирыстонмæ оккупацийы æмбарынад ницы бар дары.
Ис æцæгдзинад, æмæ ис æрымысгæ дуне, кæцыйы цæрынц гуырдзиаг чиновниктæ. Æцæгдзинад та ахæм у: Хуссар Ирыстон у нымад паддзахад, уый арæзт æрцыд йæ зæххыл цæрæг адæмы сæрибар фæндонмæ гæсгæ, ис ын йæхи арæнтæ æмæ йæхи паддзахадон органтæ. Гуырдзы хъуамæ ууыл басæттой, фæнды сæ æви нæ, уæддæр.

Цхинвал, 2014 аз 15 октябрь