Nog adres

Сергей Кургинян: «УÆРÆСЕ БАХХУЫС КОДТА ДИПЛОМАТОН, ИНФОРМАЦИОН ÆМÆ ПОЛИТИКОН ХУЫЗЫ»

PA152416.jpg
15-æм октябры нæ республикæйы Дунеон пресс-центры бынæттон дзыллон информацийы минæвæрттæн уагъд æрцыд пресс-конференци зынгæ уæрæсейаг политолог, æхсæнадон архайæг, «Суть времени»-йы змæлды лидер Сергей Кургинянимæ. Пресс-конференци арæзт æрцыд нæ республикæйы Мыхуыр æмæ информацийы фæрæзты комитеты сæрдар Гобозты Вячеславы хъæппæрисæй. Пресс-конференцийы ма хайад райста нæ республикæйы Æхсæнадон палатæйы сæрдар Зассеты Мераб.
нæн Хуссар Ирыстонмæ йæ кусæгон балцы рæстæджы цы ахсджиаг фембæлдтытæ уыд, уыдоны тыххæй æмæ бахатыд цытджын уазæгмæ, цæмæй йæхæдæг лæмбынæгæй æрдзура, цы зæрдæйы æнкъарæнтæ йæм сæвзæрд æмæ цахæм аргъ кæны йе 'рцыдæн, уый тыххæй.
Бузныджы æмæ арфæйы ныхæстæ загъта цытджын уазæг Хуссар Ирыстоны къухдариуæгадæн. Банысан кодта, зæгъгæ, йын тынг æхсызгон кæй уыд хуссарирыстойнаг æмбæстæгтимæ фембæлын, æмæ, иумæйагæй сисгæйæ та Хуссар Ирыстонмæ кæй æрцыд фыццаг хатт, уый тыххæй. Уый фæстæ йæ бацæ-уæн ныхасы лæмбынæгæй æрдзырдта, Ирыстоны хуссар æмæ цæгат хайы бархионтæ стыр хъайтардзинад æмæ лæгдзинад кæй равдыстой, Луганск æмæ Донецкы Адæмон Республикæты хæдбардзинады сæрыл цы тохтæ цыдис, уым. Афтæ ма æрдзырдта, нæ республикæйы сæргълæууæг раст къахдзæф кæй сарæзта æмæ рæстæгыл Луганск æмæ Донецкы хæдбардзинады фæдыл Указтæ бафыст кæй æрцыдысты, ууыл. Уымæн æмæ уыцы къахдзæфæн стыр историон нысани-уæг ис, уымæн æмæ се 'ппæт дæр ацы ирон хъайтартæ ак-каг ныхкъуырд радтой фашизмæн.

Пресс-конференцийы райдианы журналисттæ бацымыдис кодтой, зæгъгæ, æрæджы Донбассы стабилондзинад æмæ фидауыны процесс йæ тыхы бацыд, фæлæ уый æмрæнхъ фæзынд алыгъуызон хъуыдытæ æмæ хæст уы-дзæн æви нæ, уый фæдыл зынгæ политолог цы хъуыды кæны?
Йæ рады Сергей Кургинян банысан кодта, зæгъгæ, Донбассы цы бархионтæ хæцыдысты, уыдон Украинæйы æфсæддон тыхты ныппырх кодтой: «Украинæйы къухдариуæгад æппæт ацы къахдзæфтæм цæттæ нæ уыдысты æмæ уыцы рæстæджы, кæй зæгъын æй хъæуы, мах райстам паузæ, кæцыйы рæстæджы паддзахаддзинад хъуамæ саразæм. Уый фæстæ бæрæг уыдзæн Украинæйы æмбæстæгты хъуыдыкæнынад. Рох кæнын нæ хъæуы, Украинæйы алкæмæн антиуы-рыссаг хъуыдыкæнынад кæй нæй, фылдæр уыдонæн уый баст у стыр тасдзинадимæ, уыцы тасы бын сты Украинæ-йы иуæй-иу регионты æмбæстæгтæ. Чидæртæ дзы, кæй зæгъын æй хъæуы, ныры ре-жимыл разы сты, фæлæ æмткæй сисгæйæ, ацы режим иуæрдæм куы æрхауа, афтæ ма, кæй зæгъын æй хъæуы, рох кæнын нæ хъæуы, Украи-нæйы экономикæ кæй нып-пырх ис, уый æмæ æппæт ацы къахдзæфты фæстæ бæрæг уыдзæн, Украинæйы хæйтты кæй фæнды Уæрæсеимæ, уый. Мæн уырны, Донецк æмæ Луганскы Адæмон Республикæты кæй бафæзмдзысты Украинæйы иннæ регион-тæ æмæ Киевмæ кæй бахиздзысты Украинæйы адæмон сæрибаргæнæг æфсад, æмæ фыдгæнджытæ закъонмæ гæсгæ æфхæрд æрцæудзысты, уый фæстæ дзы æрцæудзæн демократон æвзæрстытæ æмæ конституцион реформæ. Æппæт адæттæ куы сæххæст уаиккой, уæд уаид хорз. Фæлæ, мæ хъуыдымæ гæсгæ, æвæццæгæн, уагъд æрцæудзæн демаркацион хахх, иу фарс дзы уыдзысты, Уæрæсеимæ сæхи чи уыны, уыдон, аннæ фарс та - иннæтæ. Рох кæнын нæ хъæуы уый, æмæ иууыл ахсджиагдæр хъуыддаг у, ныртæккæ сабырад кæй хъахъхъæд цæуы, уый».
Сергей Кургинян ма загъта, зæгъгæ, «æнæгъдауыл» нымайы ахæм ныхæстæ, ома, Уæрæсе нæ баххуыс кодта бархионтæ æмæ Новороссийы къухдариуæгадæн: «Уæрæсе баххуыс кодта, куыд дипломатон, информацион æмæ политикон хуызты. Уæрæсейы сæрмагонд æфсæддон кампани, афтæ ма æмбæстагон æхсæнад стыр æххуыс бакодтой æхсæнгарзæй сифтонг кæныны хъуыддаджы сæрибаргæнæг æфсæддонты бархионтæн. Уæрæсе алыварсонæй алыгъуызон æххуыс бакодта. Уæрæсе стыр цымыдисимæ æркаст Донбассы æрцæугæ цаутæм æмæ уымæ гæсгæ бирæнымæц уæрæсейаг бархионтæ ацыдысты Украинæйы хуссар-скæсæны хæстон архайдтыты хайад райсынмæ, æмæ уыдоны архайд стыр ахъаз фæци æппæт сæв-зæргæ процессæн, уымæй дарддæр ма хæстон архайдтыты хайад райстой æцæг профессионалтæ, сæ куыст зонынц сæдæ процентæй. Афтæ ма Хуссар Ирыстоны бархионтæ дæр активон хайад райстой Украинæйы хуссар-скæсæны хæдбардзинады тохты сæрыл, æмæ Луганск æмæ Донецкы Адæмон Республикæты хæдбардзинад уæ къухдариуæгад кæй банымадта, уымæн ис тынг стыр нысаниуæг. Æмæ æппæт ацы къахдзæфтæ Хуссар Ирыстоны кæнынц æддагон-политикон аренæмæ».
Фыццаджыдæр уал зынгæ политолог куыд нымайы, уымæ гæсгæ Новороссийы территорийыл хъуамæ арæзт æрцæуой паддзахадон элементтæ, уыдоны æмрæнхъ регулярон æфсад æмæ профессионалон информацион фæрæзтæ. Банысан кодта, зæгъгæ, Донбассы сабырад бирæ рæстæг бахъахъхъæнын, æвæццæгæн, зын уыдзæн, фæлæ йæ сомбон Донбасс йæхæдæг хъуамæ аскъуыддзаг кæна.
Кæй зæгъын æй хъæуы, журналисттæ нæ ахызтысты иуварс Гуырдзыстоны темæйæ, цымыдис кодтой, зæгъгæ, Гуырдзыстон Хуссар Ирыстоны ныхмæ ног агресси сараздзæн?
- Цалынмæ Хуссар Ирыстоны территорийыл Уæрæсейы æфсæддон контингент уæвынад кæна, уæдмæ Гуырдзыстон ног агресси саразынмæ йæ ныфс нæ бахæсдзæн. Хуссар Ирыстоны тыххæй Гуырдзыстон дзурдзæн уыйбæрц, цалынмæ Хуссар Ирыстон ис æмæ уа, уæдмæ. Фæлæ ма йæ, уæлдæр куыд банысан кодтон, цалынмæ уæрæсейаг æфсæддонтæ Хуссар Ирыстоны сты, уæдмæ Гуырдзыстон Хуссар Ирыстоны 'рдæм никуы сразы уыдзæн хæстон архайдтыты руаджы рацæуын. Кæд æмæ АИШ-ы ракетæты ныхмæ дæлхæйттæ сæвæра Гуырдзыстоны, уæд Уæрæсе йæхирдыгонау сдзуапп кæндзæн уыцы къахдзæфæн æмæ уый та сæвæрдзæн уыцы ракетæйы системæйы ныхмæ йæхи дæлхæйттæ. Гуырдзыстон хъуамæ æмбара, Уæрæсе йын йæ ахæм къахдзæфтæн аккаг ныхкъуырд кæй ратдзæн. 2008 азы Гуырдзыстон Хуссар Ирыстоны 'рдæм цы варварон къахдзæфтæ сарæзта, ахæм къахдзæфтæ уый никуыуал сараздзæн Ирыстоны ныхмæ.
Пресс-конференцийы ма дзырд цыд бирæ ахсджиаг фарстытыл дæр.
ТАНДЕЛАТЫ Виленæ