Nog adres

ЭКСПЕДИЦИ ГНУГЪЫ КОММÆ

dsc_4633.jpg
Уанеты Захары номыл Хуссар Ирыстоны зонад-иртасæн институт сор-ганизаци кодта Цхинвалы районы Гнугъы коммæ этнологион-археологион экспедици. Экспедицийы ма хайад райстой Культурæйы министрады цыртдзæвæнтæ хъахъхъæныны хайады минæвæрттæ дæр.
Зонад-иртасæн институты зонадон кусæг Мæргъиты Ирбег куыд загъта, уымæ гæсгæ экспедицийы нысаниуæг уыд ис-торион-культурон цыртдзæвæнты сбæлвырд æмæ сахуыр кæнын. «Экспедицийы фæстиуæгæн ахуыргонд æрцыд 12 зæппадзы бæрц, 15 кувæндоны, 30 мæсыджы, кæцытæй дыууæйæн сæ бæрзæнд у 18 æмæ 19 метры», - загъта Мæргъиты Ирбег.
«Æввахс рæстæджы ма фæнд кæнæм иу ахæм экспедици сорганизаци кæнын æмæ йæ хатдзæгтæм гæсгæ бацæттæ æрцæудзæн статьятæ Гнугъы комы æмæ Чысыл Лæуахийы цыртдзæвæнты историон-этнографион иртасынады темæйыл», - загъта ма уый.
Банысан кæнын хъæуы уый, æмæ Хуссар Ирыстоны зонад-иртасæн институт æрвылаз дæр ауадзы экспедицитæ республикæйы историон-архитектурон цыртдзæвæнтæ арфдæр сахуыр кæныны фæдыл.