Nog adres

Арфæтæ

Уæрæсейы Федерацийы Федералон Æмбырды Паддзахадон Думæйы Сæрдар Сергей Нарышкин:
«Цытджын Леонид Харитоны фырт!
Арфæ дын кæнын Уæрæсейы Федераци Республикæ Хуссар Ирыстоны паддзахадон хæдбардзинады кæй банымадта, уыцы боны цытæн.
Суверенон республикæ Хуссар Ирыстоны сæндидзыдта социалон-экономикон инфраструктурæ, бæрзонддæр кæны цæрджыты царды æмвæзад. Хицауиуæгады æмæ æмбæстагон æхсæнады институтты фидардæр кæныны фæндагыл фæдфæдылонæй цæуыны ирд æвдисæн ссисты ацы аз июны уагъдæрцæуæг парламентон æвзæрстытæ.
Уæрæсе дарддæрдæр æппæтфарсон æххуыс кæндзæн æфсымæрон хуссарирыстойнаг адæмæн.

Мæ цæст дын, цытджын Леонид Харитоны фырт, уарзы фидар æнæниздзинад æмæ ног æнтыстытæ. Ныфс мæ ис, нæ хæларадон бæстæты æнгом бастдзинæдтæ, уыцы нымæцы парламентон хаххы дæр дарддæр кæй фидардæр æмæ уæрæхдæр кæндзысты».

Уæрæсейы Федерацийы Нымайæн палатæйы сæрдар Татьяна Голикова
«Цытджын Леонид Харитоны фырт!
Уæрæсе æмæ Хуссар Ирыстоны адæмты традицион æгъдауæй бæттынц хæларсыхагон, кæрæдзийæн кад кæныны æмæ æууæнкдзинады ахастытæ. Ирон адæмы историйы иууыл вазыгджындæр рæстæджыты Уæрæсе алыхатт дæр цæттæ уыд Ирыстоны фарсмæ балæууынмæ æмæ йын баххуыс кæнынмæ.
Бар мын радт æмæ Уæрæсейы Федерацийы Нымайæн палатæйы номæй раарфæ кæнон дæуæн æмæ æппæт Хуссар Ирыстоны адæмæн. Мæ зæрдæ уын зæгъы фæрныгады рæзт, экономикæйы динамикон рæзт æмæ модернизаци, афтæ ма амонд æмæ дидинæфтыд.
Леонид Харитоны фырт, ноджы дæр мын иу хатт айс мæ зæрæдбын арфæтæ, уыимæ дын æвдисын тынг дын кæй кад кæнын, уый».

Уæрæсейы Федерацийы Президенты æххуысгæнæг Владислав Сурков:

«Цытджын Леонид Харитоны фырт!
Айс мын мæ зæрдæбын арфæтæ Республикæ Хуссар Ирыстоны паддзахадон хæбардзинады банымайыны боныл æхсæз азы кæй сæххæст, уый цытæн!
Уыцы азты Хуссар Ирыстоны арæзт æрцыд бирæ фæсхæсты æндидзынады, паддзахадон арæзтады, социалон-экономикон къабазы рæзты тыххæй.
Уырны мæ, нæ бæстæты ‘хсæн сæвзæргæ æнгом цæдисон ахастытæ, дарддæр дæр æнтыстджынæй кæй рæздзысты. Республикæ Хуссар Ирыстонæн йæ бон у æмæ фидарæй æууæнда, Уæрæсейы Федераци йын æппæтварсон æххуыс кæй кæндзæн, ууыл.
Æфсымæрон хуссарирыстойнаг адæмæн мæ зæрдæ зæгъы сабырдзинад æмæ дидинæфтыд».

Республикæ Цæгат Ирыстон-Аланийы Сæргълæууæг Мамсыраты
Таймураз:

«Цытджын Леонид Харитоны фырт!
Арфæ кæнын дæуæн æмæ Республикæ Хуссар Ирыстоны æппæт æмбæстæгтæн, хæдбар республикæ банымайыныл 6 азы сæххæсты сæраппонд.
6 азы размæ фьщцаг Уæрæсе банымадта Хуссар Ирыстоны паддзахаддзинад æмæ уымæй сæххæст кодта республикæйы цæрджыты бирææнусон бæллиц, цæмæй райсой сæрибардзинад æмæ суой хæдбар паддзахад.
Растдæр Уæрæсейы руаджы, кæцы æрурæдта Хуссар Ирыстоны адæмы ныхмæ Гуырдзыстоны гарзджын агресси, нæ æфсымæртæ хуссары райстой цивилизацион, демократон æхсæнады закъæттæм гæсгæ цæрыны уникалон фадат.
Æхсызгон нын сты æфсымæрон Хуссар Ирыстоны æнтыстытæ æмæ нæхирдыгæй фарс цæттæ стæм уымæн æппæтфарсон æххуыс кæнынмæ, республикæйы æмæ Стыр Уæрæсейы 'хсæн æмкуысткæнынад фидардæр æмæ уæрæхдæр кæнынмæ.
Мæ цæст уарзы дæуæн æмæ Хуссар Ирыстоны æппæт цæрджытæн
сабырад, хæрзиуæг æмæ дидинрафтыд».

Республикæ Мæхъæлы Сæргълæууæг Юнус-бек Евкуров:
«Цытджын Леонид Харитоны фырт! Зæрдæбынæй дын арфæ кæнын Уæрæсейы Федерацийы 'рдыгæй Хуссар Ирыстоны хæдбардзинад банымайыны боны цытæн.
Ног хæдбар Ирыстоны сырæзтимæ республикæйы историйы æрбалæууыд ахсджиаг этап - суверенон паддзахады арæзтады этап.
Республикæйы разамынады æмæ йæ цæрджыты тырнынад аразынмæ Райгуырæн бæстæйы дидинрафтыды хæрзиуæгæн бирæбæрцæй ахъаз кæны сабырад æмæ политикон стабилондзинад регионы бахъахъхъæнынæн, республикæйы экономикæйы рæзтæн, æмбæстæгты цард хуыздæр кæнынæн.
Ныфс мæ ис, Уæрæсеимæ æнгом æмæ бирææнусон хæлардзинады Хуссар Ирыстоны адæмы фидæн уыдзæнис рухс æмæ амондджын.
Ацы зæрдылдарæн боны зæрдæбынæй дæуæн æмæ Хуссар Ирыстоны цæрджытæн мæ цæст уарзы фидар æнæниздзинад, амонд, сабырад æмæ дидинрафтыд»

Хъæрæсе-Черкесы Республикæйы Сæргълæууæг Рашид Темрезов:
«Цытджын Леонид Харитоны фырт!
Хъæрæсе-Черкесы бирæнацион адæмы æмæ дын сæрмагондæй мæхи номæй зæрдæбын арфæ кæнын республикæйы æмæ йæ цæрджыты царды нысаниуæгджын цау – паддзахадон хæдбардзинад банымайыны боныл æхсæз азы сæххæсты бæрæгбоны фæдыл!
Бирæ фыдбылызтæ æмæ хъизæмæрттæ бавзарæг хуссарирыстойнаг адæм аккаг сты, цæмæй сæ республикæйы сæрмæ æрттива сабыр арв, æмæ сæ паддзахады хæдбардзинад та уа æнæфæцагайгæ æмæ æнæффæцудгæ. Удæгас сты нырма 2008 азы августы трагикон цауты мысинæгтæ, уæд никæмæн бацис йæ бон Хуссар Ирыстоны бирæ тухитæ бавзарæг адæмы ныфс, сæрибардзинад æмæ хæдбардзинадмæ йæ барты, сабыр республикæйы фидæны фæлтæртæ хъомыл кæныны фадат басæттын. Уæрæсе уыд фыццаг бæстæ, кæцы банымадта Хуссар Ирыстоны хæдбардзинад, æмæ уымæй равдыста хуссарирыстойнаг адæмы фарсмæ кæй лæууы, уымæн хъысмæтхæссæн уынаффæ райсыны, сабырдзинад æмæ æмразыдзинад къухы бафтын кæныны рæстæджы.
Мæ зæрдæ дын зæгъы, цæмæй историйы ахæм цаутæ фæлхаттгонд макуыуал æрцæуой æфсымæрон республикæйы территорийыл æмæ æнæхъæн дунейы дæр. Уырны мæ, Хуссар Ирыстоны æппæт адæм ацы бæрæгбоныл кæй æмбæлы райзæрдæйæ æмæ йемæ кæй бæтты йæ ныфсытæ.
Цытджын Леонид Харитоны фырт! Дæуæн, куыд республикæйы къухдариуæггæнæг, афтæ мæ зæрдæ зæгъы райгуырæн Хуссар Ирыстоны æмæ йæ адæмы фæрныгадæн де ‘ппæт фæндтæ æмæ тырындзинæдтæ цы сæххæст уой, ахæм фæндиæгтæ!».

Дзæуджыхъæуккаг æмæ Алайнаг Архиепископ Зосима:
«Дæ Бæрзонддзинад, цытджын Леонид Харитоны фырт!
Зæрдæбынæй арфæ кæныны дæуæн æмæ Республикæ Хуссар Ирыстоны æппæт адæмæн уæ хæдбардзинад банымайыны боныл æхсæз азы кæй сæххæст, уый цытæн.
Ацы бæрæгбон у республикæйæн уæлдай нысаниуæгджындæр - 2008 азы 26-æм августы Уæрæсейы Федераци банымадта Хуссар Ирыстоны хæдбардзинад. Аккагæй, æнæбауырнинаг вазыгджын уавæрты бафæразгæйæ, уæ къухты хæцæнгарзимæ сæрибардзинад бахъахъхъæнгæйæ, республикæйы адæм равдыстой сæ паддзахаддзинады цардхъомдзинад, уæлахизмæ цæугæйæ æнæфæтасгæ æмæ фидар æууæнкдзинад. Уæрæсейы паддзахады ‘рдыгæй Хуссар Ирыстоны суверенитеты историон банымад ссис сабырдзинад æмæ прогрессы фæндаджы стабилон рæзты гарант. Абон хæдбар республикæ æнтыстджынæй аразы сабыр цард, рæзы æмæ ныфсимæ кæсы йæ фидæнмæ.
Ацы бæрæгбононы Уырыссаг Чырыстон Аргъуаны Дзæуджыхъæуккаг æмæ Алайнаг епархийы сауджынты æмæ уырнонты номæй мæ зæрдæ зæгъы дæуæн æмæ Хуссар Ирыстоны æппæт æмбæстæгтæн сæ аразгæ куысты, сабыр арв, æнæниздзинад, фæрныгад æмæ дидинæфтыды Хуыцауы æвидигæ æххуыс!».

Приднестроваг Модаваг Республикæйы Президент Евгени Шевчук:
«Цытджын Леонид Харитоны фырт!
Приднестроваг Молдаваг Республикæйы къухдариуæгад æмæ дын сæрмагондæй мæхи номæй æвдисын тынг дын кæй кад кæнæм, уый æмæ дæм æрвитын иууыл зæрдæбындæр æмæ хъармдæр арфæтæ Республикæ Хуссар Ирыстоны хæдбардзинад банымайыны боны цытæн.
2008 азы 26-æм августы Уæрæсейы фарсы æххуысæй æрцыд ахсджиаг цау, кæцы Хуссар Ирыстоны историйы бакодта ахсджиаг рæстæг. Ацы фидар къахдзæф æвдисæн уыд республикæйы хисæрмагонд рæзты, æдасдзинад сифтонг кæныны æмæ йæ суверенитет сфидардæр кæныны хуссарирыстойнаг паддзахадон æмæ æхсæнадон институтты фæндвидардзинад æмæ æнæфæцудгæдзинады курсæн.
Уырны мæ, Приднестровье æмæ Республикæ Хуссар Ирыстоны æфсымæрон адæмты ‘хсæн сæвзæргæ хæларадон ахастытæ, дарддæр дæр динамикон æгъдауæй кæй рæздзысты æмæ æппæтæй дæр кæй ахъаз кæндзысты нæ паддзахадты дидинæфтыдæн.
Цытджын Леонид Харитоны фырт, ахæм нысаниуæгджын боны мын бар радт дæуæн æмæ æппæт хуссарирыстойнаг адæмæн зæгъон сомбоны сабырдзинады, стабилондзинады, позитивон энергийы, ныфсы фæндиæгтæ æмæ дунеон æмæхсæнады ‘рдыгæй хæдбардзинад банымайыны фæндагыл дарддæры æнтыстытæ.
Уадз, Хуссар Ирыстоны æппæт территорийыл паддзахиуæг кæнæд фæтк, æмразыдзинад æмæ бæркад».

Дагъыстаны Республикæйы Президент Рамазан Абдулатипов:
«Цытджын Леонид Харитоны фырт!
Дагъыстаны бирæнацион адæмы æмæ сæрмагондæй мæхи номæй арфæ кæнын дæуæн æмæ Хуссар Ирыстоны адæмæн Уæрæсейы Федераци Республикæ Хуссар Ирыстоны паддзахадон хæдбардзинад куы банымадта, уыцы боныл æхсæз азы кæй сæххæст, уый цытæн.
Абон Хуссар Ирыстон фидар къахдзæфтæ аразы социалон-экономикон рæзты фæндагыл, демократон æмæ социалон рæстдзинады принциптыл бындуриуæг кæнгæйæ.
Дæ тыхархайдтытæ æмæ нысанмæздæхт архайды руаджы республикæйы Хицауадæн йæ къухты бафтыд хæсты рæстæджы ныппырхгонд адæмон хæдзарад сæндидзын кæнын, хуссарирыстойнаг æхсæнады рæзтæн ног импульс радтын.
Республикæйы хæдбардзинад банымайынимæ хуссарирыстойнаг адæмы раз байгом сты экономикæ, социалон къабазы æмæ культурæйы уæлдай динамикон рæзты перспективæтæ, дунеон ахастыты системæмæ цæугæйæ.
Дагъыстан æмæ Хуссар Ирыстоны ‘хсæн рагæй фæстæмæ ис æнгом экономикон æмæ культурон бастдзинæдтæ, кæцытæ бындуриуæг кæнынц историон хъысмæтты, культурæты æмæ традициты иумæйагдзинадыл, кæцытæ ног фадæттæ аразынц нæ адæмты ‘хсæн хæлардзинад æмæ æмгуысткæнынад дарддæр дæр сфидар кæнынæн, хæларсыхагон ахастыты рæзтæн.
Уырны мæ, дæ хъæздыг цардуагон фæлтæрддзинад, бæрнон уынаффæтæ исыны курдиат, демократон принциптæ æмæ паддзахадон суверенитетыл æнувыддзинад дарддæр дæр кæй лæггад кæндзысты Республикæ Хуссар Ирыстоны социалон-экономикон æмæ культурон рæзтæн, Уæрæсе æмæ Цæгат Кавказы республикæтимæ интеграцийæн.
Мæ зæрдæ зæгъы дæуæн æмæ Хуссар Ирыстоны æппæт адæмæн æнæниздзинад, амонд æмæ царды æппæт хæрзиуджытæ».

Уæрæсейы Федерацийы Æдасдзинады Советы нымæрдар Николай Патрушев:
«Цытджын Леонид Харитоны фырт!
Хуссар Ирыстонæн ацы нысаниуæгджын боны мын бар радт дæуæн æмæ æппæт хуссарирыстойнаг адæмæн зæгъон амонд, æнæниздзинады фæндиæгтæ, фæрнæйдзаг хуссарирыстойнаг зæхх æмæ йæ цæрджыты дидинæфтыдæн уавæртæ аразыны фæдыл æнтыстытæ уæ бирæварсон куысты».