Nog adres

РХИ-йы Парламенты

IMG_2295.jpg 2014 азы 1-æм августы уагъд æрцыд Республикæ Хуссар Ирыстоны æхсæзæм æрсидты Парламенты фыццаг сессийы цыппæрæм рабадт. Рабадт уагъта РХИ-йы Парламенты Сæрдар Бибылты Анатоли.
Закъондæттынад, закъондзинад æмæ бынæттон хæдразамынды фæдыл парламентон комитеты сæрдар Коцты Олеся депутаттæн фехъусын кодта, зæгъгæ, РХИ-йы Президентæй райстам æрбавдыст, кæцымæ гæсгæ, Джиоты А.Н. РХИ-йы Юстицийы министрæй нысан æрцыд æмæ йæ хъæуы ссæрибар кæнын РХИ-йы Уæлдæр Арбитражон тæрхондоны тæрхонгæнæджы бынатæй. Депутаттæ æмхъæлæсæй сразы сты ацы æрбавдыстыл.
Бюджет æмæ хъалонты фæдыл парламентон комитет боны фæткы уынаффæмæ рахаста 2014 азы фыццаг квараталы РХИ-йы паддзахадон бюджетæй пайда кæныны тыххæй хыгъдыл æруынаффæ кæнын. Уый тыххæй депутаттæн фехъусын кодта РХИ-йы Финансты министр Хæбæлаты Азæ.
Хыгъы уæлдай банысанчындæуыд: «2014 азы фыццаг кварталы Республикæ Хуссар Ирыстоны паддзахадон бюджет сæххæст кæнын æххæст цыд 2014 азæн Республикæ Хуссар Ирыстоны паддзахадон бюджеты тыххæй» (редакцийæ 2014 азы 15 январæй), Республикæ Хуссар Ирыстоны Закъонмæ гæсгæ, «Бюджетон арæзт æмæ бюджетон процессы бындурты тыххæй» Республикæ Хуссар Ирыстоны Закъонæй, «Республикæ Хуссар Ирыстоны бюджетон классификацийы тыххæй» Республикæ Хуссар Ирыстоны Закъонæй æмæ æндæр нормативон барадон акттæй.
2014 азы фыццаг кварталы паддзахадон бюджет æххæст кæнын æфтиæгтæм гæсгæ уыд 617 530 мин сомы, кæнæ планмæ гæсгæ 10%, æмæ хæрдзтæм гæсгæ 919 187 мин сомы кæнæ сбæлвырдгонд планмæ гæсгæ 11,7%. 2014 азы фыццаг кварталы паддзахадон бюджет сæххæст кæныны фæстиуджытæм гæсгæ сæвзæрд дефицит 301 657 мин сомы.
Министрмæ фарстатæ лæвæрдтой депутаттæ Бибылты Анатоли, Мамиты Инал, Диакъонты Амиран, Къозонты Алан, Гасситы Петр, Тасойты Барис, Уалыты Розæ, Коцты Олеся, Харебаты Сергей, Чилæхсаты Владимир, Тасойты Димитр æмæ Парламенты РХИ-йы Хицауады æххæстбарджын минæвар Дзуццаты Мурат. Фарстатæ хаудысты Дзауы районы цæрджытæн куыстмызд радтынмæ, энергихæссæг субсиди, рухс, газ æмæ æртаджы æргътæм, таможнæйон политикæмæ, Инвестицион программæ среализаци кæнынмæ, казначействомæ, бынæттон хæдразамынды органтæм.
Хыгъды фæдыл хатдзæгтæ сарæзта комитеты сæрдар Коцты Жаннæ. Сæрмагондæй, уый загъта: «2014 азы фыццаг кварталы Республикæ Хуссар Ирыстоны паддзахадон бюджеты сæххæст кæныны тыххæй хыгъдмæ æркаст бюджет æмæ хъалонты фæдыл комитет, кæцы 2014 азы 20-æм майы Парламентмæ æрбавдыста РХИ-йы Хицауад, æмæ æмбæлон у «Бюджетон арæзты бындурты тыххæй» РХИ-йы 139 Закъонæн.
2014 азы фыццаг кварталы РХИ-йы паддзахадон бюджет сæххæст кæныны тыххæй хыгъд лæвæрд æрцыд æппæт комитеттæн, РХИ-йы Парламенты контролон-барадон управленимæ, Контролон-нымайæн палатæмæ æмæ рахаст æрцыд РХИ-йы Парламенты Президиуммæ.
Бюджет æмæ хъалонты фæдыл комитет анализ сарæзта 2014 азы фыццаг кварталы РХИ-йы паддзахадон бюджет сæххæст кæныны тыххæй, «2014 азы 1 кварталы паддзахадон бюджет сæххæст кæныны тыххæй» РХИ-йы Хицауады хыгъды фæдыл хатдзæгтæ хынцгæйæ РХИ-йы Парламентæн рекомендаци кæны 2014 азы 1 кварталы РХИ-йы паддзахадон бюджет сæххæст кæныны фæдыл хыгъд хорзыл банымайыны тыххæй. Уыимæ æнæмæнгхъæуæгыл нымайы банысан кæнын:
1. 2014 азы 1 кварталы паддзахадон бюджет сæххæст кæнын фидар кæны радон финансон азы паддзахадон бюджеты проект саразыны стадийыл бюджеты сæйраг параметрты фæдыл прогнозон хыгъдты дырысдзинад фæбæрзонддæр кæныны æнæмæнгхъæуындзинад æмæ азы кæрон бюджеты бæрæггæнæнтæ фæбæлвырддæр кæнын. Ис социалон-экономикон программæ бакусыны æнæмæнгхъæуындзинад æмæ уый бындурыл паддзахадон бюджет фидар кæнын.
2014 азы 1 кварталы паддзахадон бюджет сæххæст кæныны анализ фидар кæны нормæтæ фæбæлвырддæр кæныны хайы бюджетон закъондæттынадмæ ивындзинæдтæ бахæссыны гæнæн, кæцытæ уаг дæттынц бюджеттæ сæххæст кæныны бындуртæн. Бюджет æххæст цæуы кассæйы иудзинад æмæ дæлведомствойон хæрдзты бындурыл.
3. Хыгъдон рæстæджы хæрдзтæ фæфылдæр кæныны тенденци хъахъхъæд цæуы, уый та хъæуы æрнывыл кæнын, уыимæ хыгъдæттæн рæстæджыты паддзахадон бюджет æххæст кæныны тыххæй хыгъдтæ аразгæйæ, РХИ-йы Хицауадæн рекомендаци æрцæуæд хыгъдон рæстæджы фæдыл РХИ-йы бюджеты дефициты (кæнæ профициты) фæдыл РХИ-йы Парламентмæ хъæуæг информаци æмæ бындурæвæрд (обоснование) бавдисын, афтæ ма РХИ-йы Парламентмæ дарддæр дæр æвдисын хъæуы банысангонд рæстæджыты хæрдзты планон дихкæнынад.
РХИ-йы Парламенты комитетты æмæ барадон управлениты хатдзæгтæм гæсгæ, Бюджеты æмæ хъалонты фæдыл комитет рекомендаци дæтты Парламентæн, цæмæй фидар æцæуа хыгъд РХИ-йы паддзахадон бюджет æххæст кæныны тыххæй 2014 азы фыццаг кварталы, банысангонд фиппаинæгтæ бахынцгæйæ.
Уымæй дарддæр Коцты Ж. фехъусын кодта, зæгъгæ, бакуыст æрцыд закъоны проект парламентон контролы комитеты тыххæй. Тексты копитæ æрвыст æрцыдысты парламентон комитеттæм, цыран сыл бауынаффæ кæндзысты æмæ рахаст æрцæудзысты РХИ-йы Парламенты сессимæ, цæмæй райст æрцæуа.
Хыгъд райст æрцыд æмхъæлæсæй.
Хъахъхъæнынад æмæ æдасдзинады фæдыл парламентон комитеты сæрдар Тасойты Димитр уынаффæмæ рахаста РХИ-йы закъоны проект «Хæстон хæслæвæрдтæ æмæ æфсæддон службæйы тыххæй «РХИ-йы закъонмæ ивындзинæдтæ бахæссын». Закъоны проектмæ æмбарынгæнæн фыстæджы дзырдæуы: «Закъоны проектæй сраст кæнын æмбæлы архайæг редакцийы уагæвæрды „Хæстон хæслæвæрдтæ æмæ æфсæддон службæйы тыххæй“ æмæ æфсæддонты скондмæ бахаст æрцæуæд прапорщикты æмбæлон æфсæддон чини-мæ. РХИ-йы Закъоны 44-æм статьяйы 1-аг пункты.
Банысангонд æфсæддонты категори æфсæддон службæйы рацæуы Республикæ Хуссар Ирыстоны æдасдзинады органты æмæ æбæрæг аххосæгтæм гæсгæ ист æрцыд æфсæддонты скондæй.
Ацы закъоны проект фадат дæтты ацы проблемæ аскъуыддзаг кæны-нæн».
Закъоны проектыл уынаффæ кæныны хайад райстой РХИ-йы Арæнхъахъхъæнæг управленийы хистæр Сергей Колбин.
Закъон райст æрцыд æмхъæлæсæй.
Тасойты Димитр уынаффæмæ рахаста æвзарæн зылдты æмæ фадгуыты сфидар кæныны тыххæй фарст. Уый тыххæй хъуыдытæ адих сты. Сæ хъуыды загътой депутаттæ: Диакъонты Амиран, Чилæхсаты Владимир, Харебаты Сергей, Плиты Алыксандр, Тасойты Димитр, Коцты Олеся, Джиоты Аллæ, Бесаты Зитæ, Гæбæраты Юри, Уалыты Розæ, Мамиты Инал æмæ РХИ-йы Парламенты РХИ-йы Президенты æххæстбарджын минæвар Козаты Мадинæ.
Скъуыддзаг æрцыд, цæмæй райст æрцæуа æрфидаргæнæн схемæ, фæндæттæ æмæ йæм бакусинæгтæ бафтаугæйæ.
РХИ-йы Парламенты депутаттæ уынаффæ кодтой, 2014 азы 24 августы Абхазы президентон æвзæрстытæм дунеон цæстдарджыты хуызы РХИ-йы депутатты делегаци арвитыны фарстыл. Скъуыддзаг æрцыд Абхазмæ президентон æвзæрстытæм депутаттæ Тасойты Д., Коцты И., Къозонты А. æмæ РХИ-йы Парламенты Информацион-аналитикон управленийы къухдариуæггæнæг Харебаты Батрадзы арвитын.
Уынаффæ ма цыд РХИ-йы депутаттæн сæрдыгон улæфтытæ саразыны фарстыл дæр.
Улæфтытæ уыдзысты 2014 азы 2-аг августæй 1-аг сентябрмæ.
Скъуыддзаг æрцыд, цæмæй улæфтытæ баиугонд æрцæуой æвзарджытимæ кусынимæ.
Ууыл РХИ-йы Парламенты уалдзыгон сесси йæ куыст фæцис.
РХИ-йы Парламенты информацион-аналитикон центр