Nog adres

Хорзæхтæ - объективон куыстæн

P7252136.jpg
Æппæт дунейы журналистты куыст у тынг ахсджиаг æмæ бæрнон. Æнæхъуаджы сæ нæ хонынц цыппæрæм хицауад. Уыдон сæ куысты руаджы се 'мбæстагон позици æвдисынц сæ репортажты. Ду-нейы зынгæ журналистты æмрæнхъ нæ республикæйы журналисттæ дæр сæ репортажты æвдисынц нæ республикæйы ахсджиагдæр цауты. Уыдон сæ объективон куыстæй стыр хайбавæрд бахастой нæ республикæйы хæдбардзинад банымайыны хъуыддагмæ.
Ныр цалдæр азы нæ республикæ 23-æм июлы нысан кæны национ Дзыллон информацион фæрæзты бон. Уыцы бон уæлдай тынгдæр банкъарынц журналисттæ сæ бæрндзи-над. Ацы бæрæгбоны сæраппонд 25-æм июлы нæ республикæйы Информаци æмæ мыхуыры комитеты дунеон пресс-центры цытджын æгъдауæй хорзæхджын æрцыдысты нæ республикæйы иуæй-иу информацион фæрæзты кусджытæ. Сæрмагондæй газеттæ «Южная Осетия», «Республи-ка», паддзахадон телерадиокомпани «ИР», информацион агентад «Рес», полиграфион кондадон баиугæнд æмæ мыхуыры коми-теты кусджытæ.

Кады грамотæтæ радта Информаци æмæ мыхуыры комитеты сæрдар Гобозты Вячеслав. Йæ цыбыр раныхасы сын йæ цæст бауарзта профессионалон рæзт æмæ сæ куыст цæмæй уа æрмæстдæр Ирыстоны размæцыды сæраппонд. Æмæ уыдон та сæ рады æппæт дæр араздзысты, цæмæй сын сæ куыстæн уа æппæт уавæртæ дæр.
ТАНДЕЛАТЫ Виленæ