Nog adres

ОПЕРАТИВОН ШТАБЫ РАБАДТ

РХИ-йы Президент Тыбылты Леонид æмбырд ауагъта 2014 азы Хуссар Ирыстоны социалон-экономикон рæзтæн ахъазгæнæг Инвестицион программæ реализацийыл контролы фæдыл оперативон штабы кусджытимæ. Æмбырды куысты хайад райстой Хицауады уæнгтæ, Арæзтады æмæ архитектурæйы министрады къухдариуæгад, подрядон организациты минæвæрттæ, афтæ ма республикæйы районон æмæ горæтон администрациты сæргълæуджытæ.
Æмбырды рæстæджы паддзахады сæргълæууæджы базонгæ кодтой, республикæйы территорийыл фельдшерон-акушерон пунктты арæзтад куыд цæуы, номхуындæй, республикæйы районты ацы объектты комплектацийы куыстытæ куыд цæуынц, уыдонимæ.
Уыимæ иумæ ма уынаффæ цыд Паддзахадон драмон театры бæстыхайы, Паддзахадон бæстæзонæн музейы, Цхинвалы районы Дменисы хъæуы сывæллæтты цæхæрадоны арæзтады фарстатыл. Банысан æрцыд, зæгъгæ, ацы объекттæй алкæцыйы дæр куыстытæ цæуынц графикмæ гæсгæ æмæ эксплуатацимæ лæвæрд æцæудзысты банысангонд æмгъуыдмæ.

«Цы проблемæтыл сæмбæлут, уыдоны тыххæй сымах хъуамæ хъусын кæнат республикæйы къухдариуæгадæн. Мах та сæм нæхи ‘рдыгæй фарс, рæстæгыл нæ хъус здахдзыстæм», - бахахх кодта Президент.
Уый ма бахæс кодта, цæмæй ацы æмæ æндæр объектты куысты темптæ фæцырддæр кæной.
«Сымахæй домдæуы гъæдджын куыст æмæ объектты эксплуатацимæ рæстæгыл радтыны æмгъуыдтæм хъус дарын», - загъта Тыбылты Леонид.
Сæ рады подрядонтæ пæддзахады сæргълæууæгæн информаци радтой, зæгъгæ, арæзтцæуæг объекттæй иуæй-иутæ эксплуатацимæ лæвæрд æрцæудзысты ацы сæрды фæудмæ, номхуындæй та Паддзахадон бæстæзонæн музей, Алинæ Кабаевайы хæрзаудæн фонды æххуысæй арæзтцæуæг спортивон комплекс, Цхинвалы районы Къостайыхъæуы скъола æмæ Ленингоры районы донуадзæн.
Дарддæр æркастысты фæндæгты арæзтад æмæ эксплуатацийы, горæты уынгты хæрзарæзтады фарстатæм. Банысан æрцыд, зæгъгæ, иуæй-иу фадгуыты скъахын хъæуы асфальт, зæххыбын коммуникацитæ аразыны рæстæджы раздæр цы рæдыдтытæ æруагъдæуыд, уыдон аиуварс кæныны тыххæй. Паддзахады сæргълæууæг йе ‘нæразыдзинад равдыста, ацы куыстытыл цы органтæ хъуамæ контроль кодтаиккой, уыдоны архайдмæ.
РХИ-йы Президенты официалон сайт