Nog adres

ОПЕРАТИВОН ШТАБЫ РАБАДТ

2014 азæн Хуссар Ирыстоны социалон-экономикон рæзтæн ахъазгæнæг Инвестицион программæ реализацийыл контролы фæдыл оперативон штабы радон рабадты уынаффæ кодтой арæзтадон-æндидзынгæнæн темптæ фæтагъддæр кæныны мадзæлттыл.
Рабадт бакæнгæйæ, РХИ-йы Президент Тыбылты Леонид равдыста йе нæразыдзинад республикæйы арæзтадон куыстыты темптæй. «Абон нæ нысан у, кусджытæ цы куыстытæ æххæст кæнынц, уыдоны темптæ сындæг цы аххосæтæм цæуынц, уый равзарын æмæ уыцы проблемæтæ аскъуыддзаг кæнын», - загъта уый.

Æмбæлон ведомствоты æмæ арæзтадон организациты минæвæрттæ лыстæггай радзырдтой Цхинвал æмæ Хуссар Ирыстоны районты арæзтадон объектты куыстытæ куыд цæуынц, уый тыххæй.
Рабадты рæстæджы ма æруынаффæ кодтой 2014 азæн Инвестицион программæ среализаци кæнынмæ хауæг æндæр фарстатыл дæр.