Nog adres

Уæрæсейаг журналистты фæмардыл хъынцъым кæнынц Хуссар Ирыстоны журналисттæ

Хуссар Ирыстоны журналисттæ стыр катаимæ сæмбæлдысты сæ коллегæтæ - ВГТРК-йы репортертæ Игорь Корнелюк æмæ Антон Волошины фæмарды тыххæй фыдуацыл, кæцыты амардтой Луганскы цур, сæ профессионалон хæс æххæст кæнгæйæ. Ахæм хъусынгæнинаг сарæзта Хуссар Ирыстоны Журналистты цæдис.

«Ацы сахъгуырд лæппуты чи зыдта æмæ сæ уарзта, уыдонимæ иумæ хъынцъым кæнæм мах дæр», - дзырдæуы хъусынгæнинаджы.
РХИ-йы Журналистты цæдис банысан кодта, зæгъгæ, ВГТРК-йы журналистты амарын фыццаг цау нæу, дзыллон информацион фæрæзты минæвæртты бартæ Украинæйы хæлд кæй цæуынц, уый фæстиуæгæн, «уыдон ноджы тынгдæр систы алыгъуызон хæстон структурæты 'рдыгæй фæдыл зилыны, тыхмийы, бабырсты объект».

«Æппæт дунейы конфликтон зонæты журналисттæ пайда кæнынц сæрмагонд статусæй, кæцы сын дæтты гæнæнуæвæг æдасдзинад. Афтæ уыд Хуссар Ирыстоны дæр, цыран фынддæсазон агрессийы дæргъы, республикæмæ 50-йæ фылдæр паддзахадæй куы 'рцыдысты æртæ мины бæрц журналисттæ, кæцытæй иу дæр нæ фæмард. Уыдонæн цыд алыварсон æххуыс, хъахъхъæдтой сæ, æрмæстдæр уыдонæн сæ бон кæй уыд оперативонæй æмæ иууыл бæлвырддæр зонæнтæ æмæ æрцæугæ цауты тыххæй рæстдзинад дунеон æмæхсæнад-мæ фæхæццæ кæнын, уый æмбаргæйæ. Æмæ кæд ныры украинаг хицауиуæгад цуан кæнынц журналисттыл, уæд уый нысан кæны, æмæ сын кæй ис, цы басусæг кæной, уый», - дзырдæуы хъусынгæнинаджы.
Журналистты цæдис сиды йе 'мсисонтæм, сæ тыхттæ баиу кæныны, æппæт уæвæг фæрæзтæй спайда кæныны, сæ авторитетæй спайда кæныны сидтимæ, сæ авторитетæй спайда кæной уый тыххæй, цæмæй ахæм цау мауал сфæлхатт уа.
«Сидæм æппæт дунеон æмæ барадхъахъхъæнæг организацитæм, цæмæй бандавой Украинæйы къухдариуæгадыл, цæмæй мадзæлттæ райсой журналистты бахъахъхъæныны æмæ сын сæ бартæ бахъахъхъæныны тыххæй. Журналистты æппæт æмæхсæнад хъуамæ æппæт дæр сараза, цæмæй Игорь Корнелюк æмæ Антон Волошины тыххæй фæдагурæн хъуыддаг кæронмæ æргом æрцæуа, аххосджынтæ та æфхæрд баййафой», - дзырдæуы хъусынгæнинаджы.
«Коллегæтæ, уæ хъæлæс фæбæрзонддæр кæнут, абон ныхъхъусуæвынæн бынат нæй, уымæн æмæ уый раст кæны лæгмарты æмæ тыхгæнджыты. Нæ зæрдыл дардзыстæм, ма-дзура кæнын цырын кæны ног тыхми, æмæ фæмардуæвæг журналистты бынаты, гæнæн ис, махæй алчи дæр бахауа», - банысан кодта РХИ-йы Журналистты цæдис.