Nog adres

«ЯРИЛОВ ЗНОЙ» - ЦХИНВАЛЫ

iarilov.jpg
Цхинвалы уыд уæрæсейаг фолк-рок къорд «Ярилов Зной»-ы концерт. Концерт, кæцы баст уыд Уæрæсейы Бонимæ, байгом кодта 2014 азы культурон мадзæлтты Уæрæсейы Федераци æмæ Хуссар Ирыстоны 'хсæн.
Уæрæсейаг адæмон зарджыты ахадгæ зæлты, къорды солисттæ Алексей Петрухин æмæ Александр Щербаковы хъæлæсты тых, адæмон инструменттыл къорды хайадис-джыты профессионалон курдиат æвæлмастæй нæ ныууагътой иунæг сценæмæкæсæджы дæр. Къорды хайадисджытæ фенын кодтой уырыссаг музыкæмæ сæ арæхстджын архайд æмæ уарзондзинад. Оригиналон аранжеровкæимæ традицион фольклорон музыкæ æмæ рок-балладæтæ ногæй сфæлдыстой кæддæры ферохгонд æцæг уырыссаг зарæджы. «Ярилов Зной»-ы къорды руаджы уырыссаг адæмон зарæг ног айзæлды здæхы национ музыкалон культурæйы гуырæнтæм, сценæмæкæсджыты зæрдæтæм æвналгæйæ æмæ хъæлдзæг кæнгæйæ. Къорды репертуар у уæрæх æмæ алыгъуызон - лирикон æмæ патриотон зарджытæй энергион зарджытæм. «Ярилов Зной» Цхинвалы сæххæст кодта зарджытæ «Дунюшка», «Кони привередливые», «Христос Воскресе», «Русь», «Родниковой водой», «Снежочки» æмæ бирæ æндæртæ.

Фолкрок къорд «Ярилов Зной» у Уæрæсейы сæйраг музыкалон конкурс «Фактор А»-йы финалист. Ацы проекты фæлгæтты телеуынынад æмæ радиойы фæзынгæйæ, къорд æнтыстыджынæй бацахста йæ бынат уæрæсейаг сценæйыл.