Nog adres

ÆВЗÆРСТЫТÆ ХУССАР ИРЫСТОНЫ АЦЫДЫСТЫ ЗАКЪОНДÆТТЫНАДЫ ÆМÆ ДУНЕОН НОРМÆТÆМ ГÆСГÆ

ТЫБЫЛТЫ Леонид йæхимæ райста Приднестроваг Молдаваг Республикæ æмæ Хæххон Карабахы Республикæйы делегациты
delegazi.png
Приднестроваг Молдаваг Республикæйæ дунеон хъусдарджытимæ, сæ сæргъ ПМР-йы Уæлдæр Советы депутат Олег Хоржан, афтæмæй, фембæлды хайад райста РХИ-йы Хицауады Сæрдар Хъуылымбегты Доменти.
Президент бузныг загъта уазджытæн сæ бакæнгæ куысты тыххæй æмæ ныфс бавæрдта, зæгъгæ, уыцы сæрмагонд ахастытæ, кæцытæ арæзт æрцыдысты дыууæ æфсымæрон республикæты - Хуссар Ирыстон æмæ Приднестровьейы ‘хсæн - дарддæр дæр рæздзысты.
«Иууыл ахсджиагæйдæр мæ банысан кæнын фæнды, æвзæрстытæ æнæ эксцесстæй кæй ацыдысты, уый. Мах уымæ бацыдыстæм тынг бæрнджынæй æмæ нæ куысты фæстиуæг разындис», - загъта уый.
Йæ рады Олег Хоржан Приднестроваг Молдаваг Республикæйы Президенты номæй раарфæ кодта Тыбылты Леонидæн æмæ æппæт хуссарирыстойнаг адæмæн. Уый бахахх кодта, зæгъгæ, æвзæрстытæ ацыдысты бæрзонд æмвæзадыл.
«Мах æвзæрстыты системæйæ бирæ цыдæртæ райстам. Хуыцау зæгъæд æмæ ахæм æргомдзинад æмæ закъондзинадмæ гæсгæ уагъд цæуæт алы бæстæйы æвзæрстытæ дæр», - йæ ныхасмæ бафтыдта уый.

Хъарм химæрайсты тыххæй Хуссар Ирыстоны Президентæн бузныджы ныхæстæ загъта ПМР-йы Уæлдæр Советы Мандатты, регламент æмæ депутатон этикæйы фæдыл комитеты сæрдар Григории Дьяченко дæр.
«Мах ардæм æрцыдыстæм æрмæст уазæгуаты нæ, фæлæ цæмæй æвдисæнтæ уæм, Хуссар Ирыстоны парламентон æвзæрстытæ закъондæттынадмæ гæсгæ æмæ æппæт дунеон принциптæм гæсгæ кæй ацыдысты, уымæн. Мах æрцыдыстæм æмæ хъусын кæнæм, æвзæрстытæ нымад кæй æрцыдысты, уый. Адæм сæ ныхас загътой. Мах ам уый тыххæй стæм, цæмæй дунеон æмæхсæнадæн фидарæй зæгъæм, æвзæрстытæ æргомæй кæй ацыдысты, кæй дзы нæ уыд фæткхалынæдтæ. Мах кæрæдзийыл ахуыр кæнæм. Мах сымахæй исæм, сымахмæ хуыздæрæй цы ис, уый», - банысан кодта Григори Дьяченко.
Фембæлды кæрон МПР-йы минæвæрттæ Тыбылты Леонидæн фидарæй загътой, кæй тындзысты дыууæ æфсымæрон республикæйы ‘хсæн дарддæры æмархайд æмæ æмкуысткæнынадмæ.

***
РХИ-йы Президент Тыбылты Леонид йæхимæ райста Хæххон Хъарабахы делегацийы, кæцыйы сконды уыдысты Хæххон Хъарабахы Республикæйы Националон æмбырды паддзахадон-барадон фарстаты фæдыл æдзухон къамисы сæрдары хæдивæг Овик Дживанян, Хæххон Хъарабахы Республикæйы Президенты консультант Георги Петросян, Хæххон Хъарабахы Республикæйы Националон æмбырды сæрдары уынаффæгæнæг Карен Топчян æмæ Хæххон Хъарабахы Республикæйы Генералон секретарь, Фæсарæйнаг хъуыддæгты аппараты Генералон секретарь - къухдариуæггæнæг, Хæххон Хъарабахы Республикæйы ЦÆК-ы уæнг Семен Афян.
Паддзахады сæргълæууæг арфæйы ныхæстимæ уазджытæн загъта бузныджы ныхæстæ дæр, Хуссар Ирыстоны парламентон æвзæрстыты хъусдарджыты хуызы хайад кæй райстой, уый тыххæй.
«Цы æвзæрстытæ ауагътам, уый стыр политикон цау у. Æхсæзæм сæвзæрсты Парламент равзарын ноджы иу ныфсхаст къахдзæф у нæ фидæнмæ. Республикæ фидар лæууы йе ‘ддагполитикон здæхты принциптæн – йæ паддзахаддзинад фидар æмæ рæзын кæнынæн. Махæн стыр æхсызгон у, сымах ам кæй стут, уый. Бузныг уын уæ хайадист æмæ фарсхæцынады тыххæй, уыдон махæн тынг ахсджиаг сты», - банысан кодта Президент.
Уый ныфс бавæрдта дыууæ республикæйы ‘хсæн æддагполитикон ахастыты дарддæры рæзты тыххæй.
«Нæ адæмты хъысмæт уыйас æмхуызон у, æмæ йыл хицæнтæй дзурын нæ хъæуы. Абон мах уæхски-уæхск кæй лæууæм æмæ кæрæдзийы фарс кæй хæцæм, уый мын дæтты ныфсдзинад. Дарддæр дæр цæудзыстæм размæ æмæ кæрæдзийы фарсмæ балæууынæн уардзыстæм рæстæг æмæ фадæттæ. Абоны боны онг нæ дуне нæма банымадта, фæлæ нæ ныфс ис, æмæ нæ банымайдзысты - мах æрвылбон дæр ууыл кусæм», - загъта Тыбылты Леонид.
Йæ рады Хæххон Хъарабахы Республикæйы делегацийы уæнгтæ бузныг загътой паддзахады сæргълæууæгæн хъарм химæрайсты тыххæй æмæ йын раарфæ кодтой, Хуссар Ирыстоны Парламентмæ депутатон æвзæрстытæ æнтыстджынæй кæй ацыдысты, уый тыххæй.
Хæххон Хъарабахы Республикæйы Генералон секретарь, Фæсарæйнаг хъуыддæгты аппараты Генералон секретарь - къухдариуæггæнæг, Хæххон Хъарабахы Республикæйы ЦÆК-ы уæнг Семен Афян куыд загъта, афтæмæй «ацæугæ парламентон æвзæрстытæ ахсджиаг къахдзæф сты Хуссар Ирыстоны демократон æхсæнады арæзтады ‘рдæм, æвзæрстытæ цы сабырдзинад æмæ стабилондзинады атмосферæйы цыдысты, уыдон та æнæхатгæ нæ баззадысты».
«Хæххон Хъарабахы Республикæйы къухдариуæгад æрвылхатт дæр лæмбынæг йæ хъус фæдары Хуссар Ирыстоны æрцæугæ цаутæм æмæ æфсымæрон республикæйы кæцыфæнды æнтыст дæр махæн у æвæрццаг æмæ ныфсæвæрæн момент. Бар мын радт раарфæ дын кæнон, æвзæрстытæ æнтыстджынæй кæй ацыдысты, уый тыххæй. Сæйраг у размæ цæуын æмæ нæ республикæтæ дæр уый аразынц», - банысан кодта уый.