Nog adres

ЙÆ ДУÆРТТÆ БАКОДТА «МЕГАФОН-ХУССАР ИРЫСТОН»-Ы ОФИС

megafon_3.jpg
2014 азы 23-æм майы Знауыры поселочы цытджын æгъдауæй байгом компани «Мегафон-Хуссар Ирыстон»-ы уæлæмхас офис.
Ног офисы клиенттæн сæ бон уыдзæн æрмæст компани «Мегафон-Хуссар Ирыстон»-ы лæггæдты тыххæй информаци æмæ квалификациджын специалисты æххуыс райсын нæ, фæлæ ма мобилон лæггæдты пакет, телефонтæ, смартфонтæ æмæ компанийы æндæр бæрзондтехнологон телефонтæ равзарын дæр. Офисы бакондимæ Знауыры районы абонентты нал хъæудзæн Цхинвалмæ, централон офисмæ цæуыны сæр, цæмæй лæмбынæгдæр базоной тарифон плæнтты æмæ компанийы ногдзинæдты, SIM-картæтæ баивын, хыгъдты детализаци æмæ æндæр информаци райсыны тыххæй.
Офис бакæныны цытджын церемонийы арфæйы ныхæстимæ раныхас кодта компанийы генералон директор Олег Савчук: «Ног офисы баконд у республикæйы дæрддаг районты компани «Мегафон-Хуссар Ирыстон»-ы интенсивон рæзты ноджы иу этап. Мах алцæмæй размæ тырнæм, цæмæй хуыздæр кæна бастдзинады гъæд æмæ Знауыры районы абонентты максималон нымæцæн фадат дæттæм нырыккон сервисмæ бацæуынæн. Нæ сæйраг нысан у, цæмæй компанийы лæггæдтæ æнцонвадат уой алкæцы абонентæн дæр. Компанийы ног офис ис æнцонвадат бынаты, у егъау æмæ райдзаст, ифтонг у нырыккон ифтонггæрзтæй, кæцытæ бар ратдзысты абоненттæн æппæт æнæмæнгхъæуæг лæггæдтæ райсынæн иууыл цыбырдæр рæстæгмæ. Ныр районы алы цæрæгæн дæр йæ бон у комфортонæй «Мегафон-Хуссар Ирыстон»-мæ баиу кæнын, æнæ къамисæй баланс баххæст кæнын, пайдаджын тарифон плæнттæ æмæ æнæмæнгхъæуæг инновацион лæггæдты фæдыл консультацитæ исынæн».

Офисы бакæныны церемонийы хайад райстой районы администрацийы разамонджытæ. Знауыры районы администрацийы сæргълæууæг Плиты Витали банысан кодта, зæгъгæ, ныр гæнæн ис æмæ пайда кæнæм компанийы лæггæдтæй, районæй æнæацæугæйæ. Уый ма компанийæн бафæндыд дарддæры рæзт æмæ загъта, зæгъгæ йæ уырны, фирменон салоны лæггæдтæ кæй уыдзысты гъæдджын, компанийы сæйраг принциптæн æмбæлон.
Офис бакæныны церемонийы уыд æхцон сюрпризтæ дæр. «Мегафон-Хуссар Ирыстон»-мæ фыццаг кæцы абоненты баиу кодтой, уый райста зынаргъ лæвар - сотон телефон æмæ компанийы кусджыты арфæтæ.
Традицимæ гæсгæ цытджын церемони адарддæр кодтой концертон программæйæ республикæйы популярон артистты хайадистæй. Офисы цытджын æгъдауæй бакæныны фæлгæтты зæрдылдарæн лæвæрттæй хорзæхджын æрцыдысты Знауыры районы цытджын абоненттæ - Стыр Фыдыбæстæйон хæсты 16 ветераны, афтæ ма сывæллæттæ дæр, кæцытæ уыдысты бæрæгбонон концерты.