Nog adres

Мах сæрыстыр стæм ветерантæй

P5081789.JPG
Республикæйы Ветеранты советы хыгъды ис авд категорийы ветерантæ. 1941-45 азты Стыр Фыды-бæстæйон хæсты ветерантæ сты 81, 268 та сты фæсчъылдым чи архайдта, уыцы ветерантæ. Дарддæр - куысты ветерантæ, Мидхъуыддæгты, Гарзджын тыхты ветерантæ, сæ цардæмбæлттæ хæсты кæмæн фæмард сты, уыдон идæдзтæ, Афганистан æмæ Венгрийы хæсты ветерантæ.
Ветеранты советы сæйраг куыст здæхт у Фыдыбæстæйон хæсты хайадисæг ветерантæн уавæртæ аразынмæ. Уыдонæн ис алыгъуызон хатыртæ: коммуналон фадыджы лæггæдтæ, медицинон хостæй æмæ хосгæнæндæттæм балцæгтæй-ифтонг кæнынæй. Уый хыгъд фæсчъылдымы архайæг ветерантæ ацы хæрзиуджытæй сты иппæрд.
Ветеранты республикон советы сæрдар Бесаты Хазби куыд радзырдта, уымæ гæсгæ 9 майы Стыр Фыдыбæстæйон хæсты Уæлахизы бонмæ ветерантæн республикæйы къухдариуæгады номæй рахицæн æрцыд финансон æххуыс æмæ сæрмагонд лæвæрттæ. Уыдон алы ветеранæн дæр хæдзармæ хæссынц æмæ сын сæ арфæтимæ лæвар кæнынц Фæсивæд, спорт æмæ туризмы фæдыл комитеты кусджытæ.
Ветерантæн ма сæ ном ссардзысты политикон партиты минæвæрттæ дæр. Горæты администраци сорганизаци кодта ветеранты номыл цымыдисон концерт. Концертмæ æрбацæуæг ветерантæ æнæрæвдыдæй нæ баззадысты администрацийы сæргълæууæг Æлборты Аланæй - алкæмæн дæр бакодта сæрмагонд лæвæрттæ.

Стыр Фыдыбæстæйон хæсты ветерантæ активон хайад райсдзысты Стыр уæлахизыл 69 азы сæххæсты цытæн бæрæгбонон мадзæлтты.
Уымæй дарддæр стыр æхсызгонæй æнхъæлмæ кæсынц, уазæгдон «Ирыстон»-ы сын цы сæрмагонд шахматтæй хъазынæн клуб ис, уый байгоммæ. Ацы клуб цалцæг кæнинаг уыд дæргъвæтин рæстæджы. Парти «Иугонд Ирыстон»-ы сæргълæууæг Бибылты Анатоли бавдыста фæндондзинад, зæгъгæ, фæнды мæ ветерантæн сæ къух истæмæй фæрог кæнын. Æмæ йæ бахæсмæ гæсгæ æрæвнæлдæуыд ацы клубы капиталон цалцæг кæнынмæ. Ацы бонты уый лæвæрд æрцæудзæн ветерантæн уæлахизы боныл 69 азы сæххæсты цытæн.
P5081782.JPG P5081783.JPG P5081784.JPG P5081785.JPG
Ветеранты Совет архайы æмæ кусы, цæмæй нæ буц ветерантæн цасдæрбæрцæй сæ уавæртæ хуыздæр уой. Фæлæ уыцы хъуыддаджы сæ авналæнтæ сты къуындæг. Ацы категорийы æмбæстæгтæ ахæм кары сты, æмæ сæ æнæмæнгдæр хъæуы хосгæнæн санаторитæ æмæ улæфæндæттæм æрвитын. Уый тыххæй æрвылаз дæр хатынц республикæйы Æнæниздзинад хъахъхъæнынад æмæ социалон рæзты министрадмæ. Фæлæ финансон авналæнты къуындæгдзинад фадат нæ дæтты Ветеранты советы домындзинад сæххæст кæнынæн.
Стыр Уæлахизыл 69 азы сæххæсты цытæн Ветеранты советы сæрдар йæ арфæты, сæйрагдæр, банысан кодта æнæниздзинад. Уымæн æмæ ацæргæ адæймагæн сæйраг уый у.
P5081787.JPG P5081788.JPG P5081791.JPGP5081794.JPG P5081801.JPG P5081802.JPG
Зæрдиаг арфæ кæнæм мах дæр, не стыр Фыдыбæстæ хъахъхъæныны сæраппонд, 1941-45 азты хæсты чи слæууыд æмæ иу фронтæй иннæмæ хъæбатырæй Уæлахизы тырыса чи хаста, уыдонæн. Кад æмæ цыт, абон не 'хсæн цы ветерантæ нал сты, уыдонæн.
КЪÆБУЛТЫ М.