Nog adres

Михаил Лермонотовы цытæн

DSC02305.JPG
Ацы аз стыр уырыссаг поэт Михаил Леромонтовы райгуырдыл æххæст кæны 200 азы. Уый цытæн 28-æм апрелы нæ горæты 2-æм астуæккаг скъолайы уагъд æрцыд литературон изæр «А он встает над волнами забвения», зæгъгæ. Мадзал бацæттæ кодтой ацы скъолайы 7-æм кълæсты ахуыргæнинæгтæ, уырыссаг æвзаг æмæ литературæйы ахуыргæнæг Хъуылымбегты Динæйы сæргълæудæй. Мадзалмæ æрбацыдысты горæт Цхинвалы администрацийы ахуыры хайы минæвæрттæ Гæбæраты Розæ æмæ Æлборты Эммæ, ахуыргæнджытæ æмæ скъоладзаутæ.
Литературон изæр бакодта Хъуылымбегты Динæ. Уый æрдзырдта поэты цард æмæ сфæлдыстадыл æмæ банысан кодта, зæгъгæ, литературон спектакль схуыдтам поэт Леонид Мартыновы ныхæстæй «А он встает над волнами забвения», зæгъгæ. Уый ацы ныхæстæ загъта Лермонтовы тыххæй. Уый фæстæ сывæллæттæ кастысты поэты фыст æмдзæвгæтæ, сæххæст кодтой уырыссаг адæмон зарджытæ, акафыдысты вальс æмæ æндæр кæфтытæ. Мадзал рауад цымыдисон.
Ацы литературон изæрæй æртæ боны размæ та 2-æм скъолайы фæстиуджытæ сарæзтой ацы скъолайы уагъдцæуæг конкурс «Будущее Южной Осетии - будущее наших детей»-йæн.

Конкурсы хайад райстой скъолайы ахуыргæнджытæ, кæцытæ ацы темæйы ныффыстой эссетæ. Конкурсы проекты инициатор уыд 2-æм скъолайы уырыссаг æвзаг æмæ литературæйы ахуыргæнæг, скъолайы ахуыры хайы сæргълæууæг Къæбысты Дзерассæ. Уый куыд банысан кодта, уымæ гæсгæ конкурсы хайад райстой 11 ахуыргæнæджы. Конкурсæн хатдзæгтæ сарæзта жюрийы уæнг, горæт Цхинвалы администрацийы ахуыры хайы минæвар Сомхиева Нелли. Мадзалы кæрон конкурсы номинанттæ æмæ хайадисджыты зæрдылдарæн призтæ æмæ Кады грамотæтæй схорзæхджын кодта 2-æм астæуккаг скъолайы директор Абайты Сослан.
Нæ уацх.