Nog adres

Хæларсыхагон ахастытæ – хъармзæрдæйæ

agafonov.png
РХИ-йы Президент Тыбылты Леонид йæхимæ райста Краснодары крайы Контролон-нымайæн палатæйы сæрдар, Уæрæсейы Федерацийы Мидхъуыддæгты министрады Краснодары университеты раздæры къухдариуæггæнæг Юри Агафонов æмæ Цæцæны Республикæйы Мидхъуыддæгты министры æххуысгæнæг Игорь Матвиенкойы. Фембæлды хайад райста РХИ-йы Мидхъуыддæгты министр Лæууойты Æхсар.
Паддзахады сæргълæууæг раарфæ кодта уазджытæн æмæ банысан кодта, зæгъгæ, Хуссар Ирыстоны Юри Агафоновы хорз зонынц. «Мах бузныг стæм дæуæй, квалификаци-джын кадртæ нын цæттæ кæныны тыххæй. Нæ фæсивæды минæвæрттæ дæ разамынды бын ахуыр кодтой æмæ истой æмбæлон зонындзинæдтæ. Абон уыцы зонындзинæдтæй уыдон пайда кæнынц ам практикæйы», - загъта Президент. Йæ рады Юри Агафонов банысан кодта, зæгъгæ, Хуссар Ирыстоны фыццаг хатт нæй. «1991 азы, республикæйы рæзты зын азты æз уыдтæн ам мæ батальонимæ, куыд командир, афтæ. Уымæ гæсгæ Хуссар Ирыстон мæнæн у зынаргъ, уыимæ мын баст сты иууыл хъармдæр æнкъарæнтæ», - банысан кодта уый. Фембæлды кæрон Цæцæны Мидхъуыддæгты министр Руслан Алхановы номæй республикæйы сæргълæууæгæн балæвар чындæуыд реаритетон Алихановы бинонты, мыггагон хъама, кæцыйыл цæуы 200 азы.

РХИ-йы Президенты сайт